Yaponiyaning Tokio shahrida bo‘lib o‘tadigan One Young World sammitida to‘liq moliyalashtirilgan holda qatnashish imkoniyatini beruvchi Education Scholarship grant dasturi

Yaponiya davlatining butun dunyo yoshlari uchun Tokioda bo‘lib o‘tadigan One Young World sammitida 190 ta mamlakatdan 2000 dan ortiq yoshlarning qatnashishlari kutilmoqda. Sammiti 2022-yilning 16-19-may kunlari bo‘lib o‘tadi. 

Sammit 2 yo‘nalishda: ta’lim va iqlim yo‘nalishda bo‘lib, har biri uchun 5 nafardan  ko‘zga ko‘ringan yoshlargaimtyoz asosda qatnashish imkoni beriladi. Qabul qilingan ishtirokchilar turar-joy, yo‘l xarajatlari qoplab beriladigan turli xil muhokama forumlari, seminarlardan iborat 4 kunlik tadbirdan ishtirok etishadi. 

Ta’lim yo‘nalishiga qaratilgan ushbu stipendiya o‘z mamlakati, jamiyati shahridagi insonlar uchun ta’lim, ko‘nikmalarni oshirish, imkoniyatlardan foydalanish uchun harakat qiladigan yoshlarni qo‘llab-quvvatlashni ko‘zlaydi. 

Dastur quyidagi faoliyatlarni bajara olishini namoyon qilgan yoshlarni  qo‘llab-quvvatlaydi:

• Tobora rivojlanib borayotgan global iqtisodiyot tufayli orqada qolgan, masalan, ayollar, qizlar, yetarli imkoniyatga ega bo‘lmagan yoshlar uchun ta’lim olish, ish bilan ta’minlash imkoniyatini yaxshilash;
• Iste’dodlilar kam bo‘lgan hududlarda kelajakdagi ishchi kuchi sifatida davomiy ta’lim olish hamda malaka oshirish imkoniyatini yaratish;
• Insonlarni ish bilan ta’minlash yo‘lidagi an’anaviy to‘siqlarni bartaraf qilish maqsadida tadbirkorlikning yangi ish o‘rinlarini tezlashtirish.

18-30 yosh oralig'idagi barcha millat vakillari Sammitda qatnashish uchun ariza berish huquqiga ega. Dastur haqida batafsil bu yerda tanishish mumkin.

Talablar:

• 18-30 yosh orasidagi barcha millat vakillari qatnasha oladi;
• Ijobiy o‘zgarishlarni amalga oshirganligini isbotlay olishi;
• Yetakchilik qobiliyatini ko‘rsata olgan bo'lishi;
• Eng dolzarb mahalliy/global muammolar haqida tushunchaga ega bo‘lishi;
• Ta’lim bog‘liq muammolarni hal qilish bo‘yicha ta’sirga ega va innovatsion yechimlar topa olish qobiliyatiga ega bo‘lishi lozim.

MUHIM: Sammitda 30 yoshdan oshgan, ammo yuqoridagi talablarga mos keluvchi nomzodlarning ham arizalari ko‘rib chiqilishi mumkin. Ammo Sammit bo‘ladigan vaqtda 18 yoshdan kichik bo‘lgalar uchun bunday istisno amal qilmaydi.

Ushbu havola orqali dastur bilan batafsil tanishib chiqish mumkin.

• Tokioda bo‘lib o‘tadigan “One Young World Summit 2022” da ishtirok etish;
• Borib-kelish xarajatlari qoplanadi;
• 2022-yilning 16-19-may kunlari turar-joy bilan ta’minlanadi;
• Nonushta, tushlik, kechki ovqat bilan ta’minlanadi;
• Sammit o‘tkaziladigan joylarga borish uchun yer usti transporti bilan ta’minlanadi;
• Sammitdan oldingi va keyingi Deloitte tomonidan tashkillashtiriladigan yig‘ilishlarda ishtirok etish imkoniyatiga ega bo'ladi.

Dasturga quyidagi havola orqali ro‘yxatdan o‘tiladi.

Onlayn arizani to‘ldirish davomida:

• Nomzodlar tegishli savollarga 200 so‘zdan oshmagan javoblarni keltirish bilan birga, sohasiga doir yoki amalga oshirib kelayotgan ishlarini o‘zida aks ettiruvchi ijtimoiy tarmoq manzillari yoki yutuqlariga havolalarni berishi kerak.

Qoʻshimcha maʼlumotlar va savollar uchun:

• Tez-tez soʻraladigan savollarga javoblar;
• Telefon: +44 (0)20 3691 8060;
• Elektron pochta: info@oneyoungworld.com, stefan.kovacevic@oneyoungworld.com, partnerships@oneyoungworld.com,;
• Veb-sayt orqali yuboriladigan ariza manzili: https://www.oneyoungworld.com/contact .