Yaponiyaning Tokyo shahrida bo‘lib o‘tuvchi “One Young World” sammitida bepul qatnashish imkonini beruvchi The Young Health Programme Scholraship granti

2016-yildan beri har yili o‘tkazilib kelinayotgan “Yagona yoshlar sammiti” (One Young World Summit) 2022-yilning 23-26-may kunlari Yaponiyaning Tokyo sharida bo‘lib o‘tuvchi “Yoshlar salomatligi dasturi” (The Young Health Programme) bo‘yicha 18 yoshdan 30 yoshgacha bo‘lgan barcha davlat yoshlarini imtiyoz asosida (bepul yotoqxona, hech qanday transport xarajatlarisiz, barcha tadbirlarda erkin qatnashish asosida) ishtirok etishga chorlaydi.  Yuqumli bo‘lmagan kasalliklarning (saraton, qandli diabet, yurak va nafas olish yo‘llari kasalliklari, ruhiy xastaliklar) oldini olishda ijobiy natijalarga erishib kelayotgan eng munosib 12 nafar ishtirokchi imtiyoz(grant)ni qo‘lga kiritadi.

Dasturning maqsadi - targ‘ibot qilish, innovatsiya va birlamchi tibbiy-sanitariya xizmatlarini ko‘rsatish orqali yuqumli bo‘lmagan kasalliklarni kamaytirishga qarshi mardonavor kurashayotgan yosh yetakchilarni aniqlash va ularga tegishli imtiyozlarni taqdim qilish. Shu vaqtga qadar yuzdan ortiq iqtidorli yoshlar sammitda ishtirok etib, Yagona yoshlar jamiyatining a’zosiga aylanishdi. Ular orasidan ijtimoiy tadbirkorlar, ta’lim beruvchilar, faollar, volontyorlar, salomatlikni saqlashga mas’ul shaxslar, rahbarlar, sarmoyadorlar, murabbiylar (mentor) hamda tibbiyotning deyarli barcha turi bilan shug‘ullanib kelayotgan yetakchilar o‘rin olgan. Imtiyoz, ya’ni grant AstraZenecaning Yoshlar salomatligi dasturi bilan hamkorlikda taqdim etilmoqda.  

Yoshlar salomatligi dasturi - saraton, diabet, yurak va nafas olish kasalliklari va ruhiy kasalliklar kabi yuqumli bo‘lmagan kasalliklarni keltirib chiqaruvchi tamaki iste’moli, spirtli ichimliklarni me’yoridan ortiq iste’mol qilish, jismoniy harakatsizlik, noto'g'ri ovqatlanish va havoning ifloslanish kabi muammolarga e’tiborini qaratadi. Dasturning maqsad va vazifalari haqida batafsil bu yerda o‘qish mumkin.

• 18-30 yosh oraligʻidagi barcha millat vakillari qatnashishi mumkin;
• Yuqumli bo‘lmagan kasalliklarning (saraton, qandli diabet, yurak va nafas olish yo‘llari kasalliklari, ruhiy xastaliklar) oldini olishda ijobiy natijalarga erishib kelayotgan bo‘lishi kerak;
• Mahalliy va global muammolarga befarq bo‘lmasligi lozim;
• Tanlangan muammo yoki sabab bo‘yicha manfaatdor tomonlarning diqqatini torta olish (qiziqtirish)da va qo‘llab-quvvatlashiga erishishda yetakchilik qobiliyatini namoyon qila olishi kerak;
• Tadbirkorlik va qadriyatlarga asoslangan innovatorlik va muammolarni bartaraf etishga layoqatli bo‘lishi kerak;
• Bolalar va o‘smirlar salomatligi va/yoki kasalliklarning oldini olish va/yoki sog‘liqni saqlash dasturlarining ijtimoiy determinantlariga alohida urg‘u bergan holda, mahalliy, milliy yoki dunyo hamjamiyatda salomatlik va farovonlikni ta’minlashga qaratilgan amaliy ish/natijaga ega bo‘lishi lozim;
• Jamoaviy yoki hamkorlik asosida umumiy maqsad ostida ishlash tajribasi bo‘lishi lozim.

MUHIM: Sammitda 30 yoshdan oshgan, ammo yuqoridagi talablarga mos keluvchi nomzodlarning ham arizalari ko‘rib chiqilishi mumkin. Ammo Sammit bo‘ladigan vaqtda 18 yoshdan kichik bo‘lgalar uchun bunday istisno amal qilmaydi.

• 23-26-may kunlari Tokyoda bo‘lib o‘tadigan sammitda jonli qatnashish imkoniyati (sammitdan avvalgi va keyingi maxsus tadbirlar uchun ham);
• 21-26-may kunlarida Tokyodagi mehmonxonada bepul turish;
• Ekonom klass bilan Tokyoga bepul borish-kelish safari;
• Bepul ovqatlanish (nonushta, tushlik va kechki ovqat);
• Sammit vaqtida vaqtinchalik turargoh va Sammit o‘tkaziladigan hudud oralig‘ida bepul transport qatnovi;
• Sammitga borish va kelish bilan bog‘liq ko‘zda tutilmagan sarf xarajatalar qoplab beriladi (Sammit yakunlangach, talab qilish mumkin).

• Onlayn ariza to‘ldiriladi;

Onlayn arizani to‘ldirish davomida:

• Nomzod yoshlar salomatligi muammosida aynan qaysi masalaga qiziqishi;
• Bolalar va o‘smirlar salomatligi va/yoki kasalliklarning oldini olish va/yoki sog‘liqni saqlashda mamlakati yoki dunyo miqyosida qanday ta’sir doirasiga ega ekanligi;
• Amalga oshirilgan ishlar natijasida qancha kishi shifo topgani (raqamlarda);
• Nima uchun sammitda imtiyoz asosida ishtirok etish uchun u tanlanishi kerakligi;
• Sohasiga doir yoki amalga oshirib kelayotgan ishlarini o‘zida aks ettiruvchi qanday ijtimoiy tarmoq manzillari yoki yutuqlari bor ekanligini tasvirlovchi savollarga javob berishi kerak.

“Yagona yoshlar dunyosi” (tuzilma)si tomonidan shakllantirilgan munosib nomzodlar ro‘yxati baholash uchun “Yoshlar salomatligi dasturi” tashkilotchilariga taqdim etiladi. Eng munosib deb topilgan 12 nafar qatnashchiga imtiyoz asosida sammitda qatnashish huquqi beriladi. Sammit qatnashchilari 2022-yilning 21-26-may kunlari Yaponiyada bo‘lishlari lozim. 

Qoʻshimcha maʼlumotlar va savollar uchun:

Telefon: +44 (0)20 3691 8060

Elektron pochta: info@oneyoungworld.com, stefan.kovacevic@oneyoungworld.com, partnerships@oneyoungworld.com,  

Veb-sayt orqali yuboriladigan ariza manzili: https://www.oneyoungworld.com/contact