Yaponiyaning Tsukuba universitetida magistraturada oʻqish uchun xarajatlari toʻliq qoplanadigan grant

12/11/2023 Qabul boshlanishi
Toʻliq Moliyalash turi
Yaponiya Davlat
15/01/2024 19:59 Oxirgi muddat

Muhim tafsilotlar

Kimlar uchun

Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
Dastur tili

Ingliz tili
Yosh chegarasi

37 yoshgacha
IELTS talabi

minimum 6

Doʻstlar bilan ulashing

Umumiy maʻlumotlar

Tokyo shahrida joylashgan Tsukuba universiteti Yaponiyaning eng yaxshi va ilgʻor universitetlaridan biri hisoblanadi. Universitet magistratura bosqichida oʻqish uchun grant eʼlon qiladi. Grant Markaziy Osiyoning Qozogʻiston, Oʻzbekiston, Qirgʻiziston, Turkmaniston, Tojikiston va Ozarbayjon davlatlari fuqarolari uchun ajratilgan. Dastur Nippon Foundation Central Asia loyihasi bilan hamkorlikda tashkillashtirilgan. Ishtirokchilar Nippon Foundation qatnashchisiga ham aylanishadi. Ushbu dasturda muvaffaqiyatga erishgan qobiliyatli talabalarga grant ajratiladi. Dastur ingliz tilida boʻlib oʻtadi, shuning uchun ham nomzodlardan ingliz tilini bilish talab qilinadi hamda til sertifikati soʻraladi. Dastur ikki bosqichda boʻlib oʻtadi, ikkinchi bosqichdan oʻtgan ishtirokchilar bilan bogʻlaniladi.

Grantni qoʻlga kiritgan ishtirokchilarning barcha xarajatlari qoplab beriladi. Shuningdek, dastur maʼmuriyati tomonidan talabalar uchun qoʻshimcha qulayliklar ham yaratib beriladi.

Dasturga roʻyxatdan olish jarayoni 2023-yil 12-noyabrda boshlanib, 2024-yil 15-yanvarda yakunlanadi. Oʻqish jarayoni 2024-yil 1-oktyabrda boshlanadi.

Dastur haqida ushbu havola orqali toʻliq maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

Dasturda Qozogʻiston, Oʻzbekiston, Qirgʻiziston, Turkmaniston, Tojikiston va Ozarbayjon fuqarolari ishtirok etishlari mumkin;
1985-yil 2-apreldan oldin tugʻilgan ishtirokchilar dasturda qatnasha olmaydilar. Yaʼni ishtirokchilar 37 yoshdan oshmagan boʻlishlari lozim;
Nomzodlar maktabni hamda universitetni bitirgan boʻlishlari kerak;
Ishtirokchilardan ingliz tilini bilishlari talab qilinadi. Ariza topshirishning ikkinchi bosqichida esa til sertifikati (TOEFL IBT 80, TOEFL CBT 230, TOEFL PBT 500, IELTS 6) soʻraladi;
Nomzodlar 2024-yil sentyabr oyida Yaponiyaga yetib borishga tayyor boʻlishlari lozim.

Eslatma! Yuqoridagi talablarga javob bermaydigan nomzodlar ariza topshirmasliklari qatʼiyan soʻraladi. Ushbu holat aniqlangan holda berilgan grant bekor qilinishi mumkin. Dastur davomida grant talablariga javob bera olmagan talabalar oʻqishni bitira olmaydilar.

Dastur talablari haqida ushbu havola orqali batafsil maʼlumot olish mumkin.

Foydali tomonlari

Dasturning quyidagi foydali jihatlari mavjud:

Nippon Foundation grantini qoʻlga kiritgan ishtirokchilarning xarajatlari toʻliq qoplab beriladi va magistratura bosqichida oʻqish uchun ularga 106,350 yen (vaziyatga qarab oʻzgarishi ham mumkin) mablagʻ ajratiladi;
Grant sohiblarining yoʻl xarajatlari toʻliq qoplab beriladi. Yaʼni talabaning uyidan to Yaponiyaga kelishgacha boʻlgan borish-kelish aviachiptalari olib beriladi;
Muvaffaqiyatli talabalar universitet ichida joylashgan turar-joy bilan taʼminlanadi. (Oylik ijara haqqi taxminan 15,380-44,000 iyena).

Universitet talabalariga quyidagi imkoniyatlar ham yaratib beriladi:

Har bir talabaga bitta oʻqituvchi biriktiriladi;
Oʻqish davomida ishlatish uchun har bir talabaga yiliga 1000 ta oq qogʻoz beriladi;
Magistratura bosqichi oʻqish binosida joylashgan dars qilish xonasi ajratiladi;
Konditsioner qoʻyilgan kompyuter xonasi. U yerda talabalar printerdan bemalol foydalanishlari va yiliga 1200 tagacha qogʻozni printerdan chiqarishlari mumkin;
Pochta;
Shaxsiy narsalarini qoʻyish uchun qulflanadigan joy.

Eslatma! Nippon Foundation tomonidan 10 ta grant ajratilgan boʻlib, ushbu grantni qoʻlga kiritgan ishtirokchilarning xarajatlari tashkilot tomonidan toʻliq qoplab beriladi. Universitetga qabul qilingan qolgan ishtirokchilar esa dastur xarajatlarini oʻzlari qoplashlariga toʻgʻri keladi.

Dasturning foydali jihatlari haqida ushbu havola orqali batafsil maʼlumot olish mumkin.

Hujjat topshirish

Dasturga roʻyxatdan oʻtish jarayoni 2023-yil 15-yanvar soat 23:59 (Toshkent vaqti bilan soat 19:59)da yakunlanadi. Dastur ishtirokchisiga aylanish uchun avvalo roʻyxatdan oʻtish talab qilinadi. Roʻyxatdan oʻtgan nomzodlar avtomatik ravishda Nippon Foundation ishtirokchisiga ham aylanishadi.

Dasturga roʻyxatdan oʻtish jarayoni bir necha bosqichni oʻz ichiga oladi:

Birinchi bosqich:

Birinchi bosqich dastur uchun ariza topshirish jarayonini oʻz ichiga oladi. Bu jarayonda ushbu havola orqali berilgan ariza shakli toʻldirilib elektron manzilga joʻnatiladi.

Ikkinchi bosqich:

Ariza topshirishning birinchi bosqichidan oʻtgan ishtirokchilargina ikkinchi bosqich uchun ariza topshirishadi. Ushbu bosqichda nomzodlardan qoʻshimcha hujjatlar talab qilinadi. Shuningdek, ular bilan intervyu oʻtkazilib, oʻz davlatlarida dastur uchun imtihon olinadi. Ulardan oʻzining akademik faoliyati, karyerasi hamda ingliz tilini bilish darajasiga oid sertifikat kabi hujjatlarni quyidagi manzilga joʻnatish soʻraladi:

-Tennodai 1-1-1, Tsukuba-shi, Ibaraki-ken JAPAN 305-8571.

Ikkinchi bosqichda quyidagi hujjatlarni joʻnatish talab qilinadi:

-8 ta rasm (30x40 mm);

-konvertga solingan tavsiyanoma;

-diplom hamda baholar transkriptining nusxasi (agar nomzod hali universitetni tamomlamagan va oxirgi bosqichda oʻqiyotgan boʻlsa oʻsha paytdagi baholar transkriptini joʻnatish soʻraladi);

- til bilish darajasi boʻyicha IELTS, TOEFL yoki GRE sertifikatining asl nusxasi (olinganiga 2 yildan oshmagan boʻlishi lozim).

Eslatma! Birinchi bosqichdan oʻtgan ishtirokchilarga e-mail manzili orqali bogʻlaniladi. Ikkinchi bosqichga oʻtgan yarim final sohiblari bilan intervyu qilinadi va imtihon olinadi. Ikkinchi bosqichdan oʻtgan ishtirokchilar eʼlon qilinadi va Tsukuba Universiteti talabasiga aylanishadi.

Muhim sanalar:

2022-yil 12-noyabr- Rasmiy sayt orqali dastur eʼlon qilinadi;
2024-yil 15-yanvar- Birinchi bosqich uchun ariza topshirish va uni koʻrib chiqish jarayoni yakunlanadi;
2024-yil fevral-mart oylari- Birinchi bosqich uchun intervyu/imtihonlar oʻtkaziladi;
2024-yil aprel oyining oʻrtalari- Ikkinchi bosqich uchun qoʻshimcha hujjatlar qabul qilinadi;
2024-yil aprel oyining oxirlari- Ikkinchi bosqich uchun intervyu/imtihonlar oʻtkaziladi;
2024-yil may oyi- Tsukuba universitetiga talabalikka qabul qilingan nomzodlar eʼlon qilinadi;
20234-yil 20-30-sentyabr- Yaponiyaga kelish vaqti;
2023-yil 1-oktyabrr- Magistratura bosqichi uchun darslarga yozilish jarayoni boʻlib oʻtadi.