Yaponiyaning Yokohama National universitetida magistratura va doktorantura bosqichida bepul o'qish imkoniyati
-
10/10/2021 Qabul boshlanishi
-
Bepul ta'lim Moliyalash turi
-
Yaponiya Davlat
-
15.12.2021 Oxirgi muddat
Umumiy maʻlumotlar
Yaponiyaning Yokohama National universiteti ushbu oliygohda magistratura yoki doktorantura bosqichida oʻqishni istovchi akademik va ijtimoiy jihatdan faol boʻlgan talabalarni qoʻllab-quvvatlash va ularga moliyaviy jihatdan yordam berish uchun Special International Program for Urban Infrastructure Engineering in Developing Countries dasturini taklif qiladi.
Ushbu dastur quyidagi yoʻnalishda oʻqish uchun moʻljallangan:
Dasturga qabul qilinganlar universitetning muhandislik yoʻnalishida oʻqish uchun toʻliq grant bilan taʼminlanadilar.
Dastur haqida batafsil ushbu havola orqali maʼlumot olish mumkin.
Maqbullik shartlari
Dasturga qabul qilinish uchun ushbu talablarga javob berishi lozim:
- Nomzod Yaponiya bilan diplomatik aloqalarga ega davlat fuqarosi boʻlishi kerak;
- 2024-yil 1-aprel holatiga koʻra, 34 yoki undan kichik yoshda boʻlishi lozim;
- 2024-yil Yaponiyaga kuzgi semestrda toliq oʻqish uchun yetib kela olishi kerak.
Doktorantura kursi uchun nomzodlar quyidagi talablarga javob berishi lozim:
- Nomzod bakalavriat va magistr darajasiga ega boʻlishi lozim;
- Yuqori akademik koʻrsatkich ega boʻlishi va kuchli tadqiqot salohiyatini namoyish qilishi kerak;
- Ingliz tilini bilishini tasdiqlovchi hujjat (TOEFL, IELTS yoki unga tenglashtirilgan rasmiy ball)ga ega boʻlishi lozim.
Magistratura uchun esa quyidagi akademik talablarga ega boʻlishi kerak:
- Nomzod odatda toʻrt yillik bakalavr darajasiga ega boʻlishi kerak;
- Yuqori akademik koʻrsatkichga ega boʻlishi lozim;
- Ingliz tilini bilishini tasdiqlovchi hujjat (TOEFL, IELTS yoki unga tenglashtirilgan rasmiy ball) taqdim eta olishi shart.
Magistratura kursi va doktorlik kursi uchun abituriyent yaxshi ruhiy va jismoniy sogʻlom boʻlishi kerak.
Foydali tomonlari
Dasturga qabul qilinganlar quyidagi imtiyozlarga ega boʻladi:
- Dasturga qabul qilinganlarga ushbu universitetning magistratura (2 nafar) yoki doktorantura (5 nafar) bosqichlarida oʻqishi uchun grantlar beriladi;
- Ushbu dastur uchun stipendiyalar MEXT dasturi stipendiyasi doirasida beriladi. Buning uchun alohida kvotalar mavjud;
Eslatma! Ushbu grantlar faqat muhandislik sohasida oʻquvchilar uchun beriladi.
Qoʻshimcha maʻlumotlar
Saralash jarayoni dastur tomonidan taqdim etilgan hujjatlar asosida amalga oshiriladi. Arizalarni baholash nomzodning oldingi darajalardagi ilmiy yutuqlari va ilmiy hujjatlar, tavsiyanomalar, qiziqish sohasi va oʻquv rejasi asosida baholangan tadqiqot salmog'iga asoslanadi.
Tanlov jarayonida saralangan nomzodlar bilan elektron pochta/skype yoki boshqa mos vositalar orqali intervyu tashkil etilishi mumkin. Tanlov natijasi arizachiga 2024-yil mart oyi oʻrtalarida eʼlon qilinadi.
Dastur tomonidan tanlangan nomzodlar roʻyxati yakuniy tasdiqlash uchun Taʼlim, Madaniyat, sport, fan va texnologiyalar vazirligiga (MEXT) yuboriladi. Tanlangan nomzodlarga yakuniy tanlov natijalari eʼlon qilinadi va Yokogama Milliy Universitetiga oʻqishga kirish uchun yoʻllanma beriladi. MEXT tomonidan yakuniy stipendiya 2024-yil iyul oyining oxirida tasdiqlanadi.
E-mail：iao@ynu.ac.jp