Yetakchi talabalar uchun AQShda toʻliq moliyalashtiriladigan 3 haftalik intensiv yozgi trening dasturi - Hansen Leadership Institute 2026

Hansen Leadership Institute(HLI) - bu butun dunyo boʻylab yetakchilik qobiliyatiga ega ilgʻor salohiyatli talabalar uchun AQShda boʻlib oʻtuvchi 3 haftalik intensiv yozgi trening dasturi. Barcha xarajatlar Fred J. Hansen jamgʻarmasi tomonidan qoplanadi.

Dastur 2026-yil 1-22-iyulda boʻlib oʻtadi. Barcha 20-25 yoshdagi yetakchi talabalar ishtirok etishi mumkin.

Trening dasturi davomida quyidagi mavzularga urgʻu beriladi:

• Yetakchilik (Leadership);
• Nizolarni hal qilish(Mediation & Conflict Resolution);
• Xalqaro hamkorlik(International Cooperation).

Dastur samarali, axloqiy va istiqbolli yetakchilik tamoyillari, amaliyotlari va psixologiyasi boʻyicha treninglar asosida olib boriladi. Shuningdek, intensiv treninglar davomida ishtirokchilar har xil qarashlarga ega turli millat va davlat vakillari bilan fikr almashish, inson huquqlari boʻyicha yuqori malakali mutaxassislar bilan uchrashish imkoniyatiga ega boʻladi. Ishtirokchilar dasturni tamomlagandan soʻng dastur bitiruvchilarining xalqaro jamiyati aʼzosi boʻlishi mumkin.

Dastur haqida batafsil rasmiy sayt orqali maʼlumot olish mumkin.

Dastur talablari:

• Bakalavr darajasining kamida 2 yilini tamomlagan yoki xalqaro munosabatlar, diplomatiya, xalqaro iqtisodiy rivojlanish va boshqa tegishli sohalardagi magistratura, PhD talabasi boʻlishi lozim;
• Dastur boshlangan vaqtda 20-25 yoshda boʻlishi kerak;
• Darsdan tashqari ijtimoiy hayotda yetakchilik salohiyatini namoyish etgan boʻlishi kerak;
• Akademik maslahatchi nomzodning ingliz tilini bilishini yozma ravishda tasdiqlashi kerak;
• AQShga hali biror marta tashrif buyurmaganlarga ustunlik beriladi.

Dastur talablari va shartlari haqida batafsil rasmiy sayt orqali maʼlumot olish mumkin.

Dastur Fred J. Hansen jamgʻarmasi tomonidan toʻliq moliyalashtiriladi:

• Xalqaro aviachiptalar;
• Turar-joy xarajatlari;
• Boshqa dasturga oid toʻlovlar.

Hujjat topshirish jarayoni:

1. Onlayn tarzda rasmiy saytda akkaunt ochiladi;
2. Kerakli maʼlumotlar va hujjatlar onlayn arizada taqdim etiladi.

Ayrim kerakli hujjatlar:

• Motivatsion xat (650 soʻzdan oshmasligi lozim);
• Universitet baholari(transkript);
• 2ta tavsiyanoma: bitta akademik va bitta ijtimoiy yoki nodavlat tashkilot tomonidan boʻlishi lozim. Tavsiyanoma taqdim etuvchi shaxslarga email orqali maxsus soʻrovnoma yuboriladi. Ular toʻldirilgan soʻrovnoma va tavsiya xatini oʻzlari yuborishi kerak.

Hujjat topshirish jarayoni haqida batafsil ushbu havola orqali maʼlumot olish mumkin.

Dasturga qabul qilingan nomzodlarga 2026-yil mart oyida xabar beriladi.

Tez-tez soʻraladigan savollar boʻlimi — FAQs.

Ushbu havolalar orqali Oʻzbekistonlik dastur gʻoliblari haqidagi maʼlumot bilan tanishib chiqish mumkin:

1. Darya An — 2018-yil;
2. Bekhruz Khalikov — 2013-yil;
3. Farrukh Khalikov — 2009-yil.