Yetakchi yoshlar uchun Germaniyada oʻtkaziladigan sammitda xarajatlari qoplangan holda qatnashish imkoniyatini beruvchi grant dasturi — Hauwa Ojeifo Scholarship

Germaniyaning Myunxen shahrida boʻlib oʻtadigan One Young World Summit 2025 sammitida xarajatlari qoplanadigan holda qatnashish imkoniyatini beruvchi grant dasturi — Hauwa Ojeifo Scholarship taqdim etiladi.

Dasturdan maqsad voyaga yetmaganlar oʻrtasida nikoh, jinsiy zoʻravonlik va imkoniyati cheklanganlarning huquqlari kabi muammolarni hal qilayotgan ishtiyoqli yoshlarni qoʻllab-quvvatlash orqali hamma uchun adolatli va teng huquqli dunyoga intiluvchi yetakchilarning yangi avlodini tarbiyalashdan iborat.

Sammit 2025-yil 3-6 noyabr kunlari Germaniyaning Myunxen shahrida oʻtkazilishi rejalashtirilgan.

Maʼlumot uchun: Hauwa Ojeifo Scholarship dasturi bugungi kunda ayol va qizlar oldida turgan dolzarb hamda bir-biri bilan chambarchas bogʻliq muammolarni hal qilish istagidagi yosh yetakchilarga imkoniyat berish uchun yaratilgan.

Dastur rivojlanayotgan oʻzgarishlarni amalga oshirish uchun zarur boʻlgan vositalar, bilimlar va global platforma bilan taʼminlaydi.

Dastur haqida batafsil ushbu havola orqali maʼlumot olish mumkin.

• 18-30 yosh oraligʻidagi yetakchi yoshlar qatnashishi mumkin;
• Nomzod dasturga oid sohalardan birida faoliyat olib borayotgan boʻlishi kerak:
  • Mental Health including neurodivergence and developmental differences (Ruhiy salomatlik, shu jumladan neyrodivergensiya va rivojlanishdagi farqlar);
  • Domestic & Sexual Violence (Oiladagi & jinsiy zoʻravonlik);
  • Disability Rights & the rights of older people (Imkoniyati cheklanganlarning huquqlari va keksalarning huquqlari);
  • Gynecological Health & Sexual & Reproductive Health & Rights (Ginekologik salomatlik, jinsiy va reproduktiv salomatlik va huquqlar);
  • Maternal and Child Health (Ona va bola salomatligi);
  • Issues of the Girl Child (FGM, Child-Adolescent Pregnancy & Child Marriage);
  • Non-Communicable Diseases (Yuqumli boʻlmagan kasalliklar).
• Yuqoridagi muammolarning har qandayiga taʼsir koʻrsatadigan loyihalar qoʻllab-quvvatlanadi. Biroq oʻz dasturida asosiy eʼtibor psixo-ijtimoiy yordam va imkoniyati cheklanganlarga qaratilgan tashkilotlar afzal koʻriladi;
• Ishtirokchilar Afrika, Osiyo yoki Yaqin Sharqda yashashi va atrofidagi jamiyatga taʼsir oʻtkaza olishi lozim.

Eslatma: Koʻpchilik delegatlar 18 yoshdan 30 yoshgacha boʻlganlarni tashkil etadi. Dastur tegishli shaxsiy taʼsir, tashabbus va ishtirok etish istagini namoyish etilgunga qadar 30 yoshdan oshganlarning arizalarini ham koʻrib chiqadi. Sammit vaqtida 18 yoshdan kichik boʻlganlarning arizalari qabul qilinmaydi.

• Sammitda xarajatlari qoplangan holda ishtirok etish;
• $25,000 gacha boʻlgan grant uchun ariza berish imkoniyati;
• One Young World Ambassador Community hamjamiyatining umrbod aʼzoligi;
• One Young World Action Accelerator dasturiga kirish;
• Ekspertlar tomonidan mentorlik kurslari olib boriladi.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirish quyidagi bosqichlardan iborat:

1. Shaxsiy maʼlumotlar kiritiladi.
2. Dasturga doir savollarga javob beriladi.
3. Soʻralgan qoʻshimcha maʼlumotlar kiritiladi.
4. Ariza yuboriladi.

Ariza topshirishda beriladigan savollar:

• Qisqacha avtobiografiya (200 ta soʻz);
• Ushbu dastur orqali 2025-yilgi One Young World Sammitida ishtirok etishdan maqsad. Ushbu tajriba nomzodning faoliyatini rivojlantirishga qanday yordam berishi haqida (200 ta soʻz);
• Tashkilot/tashabbus haqida qisqacha maʼlumot (200 ta soʻz);
• Tashkilot qoʻllab-quvvatlaydigan jamoalar/shaxslar tavsiflab beriladi (200 ta soʻz);
• Tashabbusning asosiy faoliyati/dasturlari tavsiflab beriladi. Tashkilot yuqorida tavsiflangan jamoalar/shaxslarga foyda keltirishi uchun nima qila olishi haqida (200 ta soʻz);
• Bugungi kunga qadar ushbu tadbirlar/dasturlar qanday taʼsir koʻrsatgani iloji boricha statistikaga asoslangan maʼlumotlar orqali taqdim etiladi (250 ta soʻz);
• Tashkilot/tashabbus oʻzidan foyda oluvchilarga koʻrsata oladigan psixo-ijtimoiy yordami (200 ta soʻz);
• Tashkilot/tashabbusning istiqbollari haqida (200 ta soʻz).

• Dasturga hujjat topshirish uchun oxirgi muddat: 29-iyun, 2025-yil;
• Takroran soʻraladigan savollarga javob bu yerda.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Twitter;
• Linkedin;
• YouTube.