Yetakchi yoshlar uchun Turkiyaning Istanbul shahrida xarajatlari toʻliq va qisman qoplanadigan xalqaro forum - International Volunteer Forum 3.0

The International Volunteer Forum 2025 bu volontyorlar, yosh yetakchilar va jamiyat oʻzgarishida oʻz hissasini qoʻsha oladigan nomzodlar uchun 2025-yil 14-17-avgust kunlari Turkiyaning Istanbul shahrida oʻtkaziladigan dastur hisoblanadi. Dastur davomida yoshlarning jamiyatdagi oʻrni hamda dunyo boʻylab ularning taʼsirini oshirish maqsadida turli seminarlar, madaniy almashinuv mashgʻulotlari hamda yetakchilik sessiyalari oʻtkaziladi. Dasturda 15 yoshdan katta boʻlgan universitet talabalari yoki ishlab yurgan nomzodlar qatnashishlari mumkin.

Dasturda quyidagi uch kategoriya boʻyicha ishtirok etish mumkin:

• Xarajatlari toʻliq qoplanadigan kategoriya —  30 oʻrin ajratilgan;
• Xarajatlari qisman qoplanadigan kategoriya  — 70 oʻrin ajratiladi;
• Xarajatlari qoplanmaydigan kategoriya.

Dasturga arizalarni qabul qilish jarayoni 2025-yil 30-iyungacha davom etadi.

Dastur haqida ushbu havola orqali toʻliq maʼlumot olish mumkin.

• Nomzodlar 15 yoshdan oshgan boʻlishlari lozim;
• Barcha davlat fuqarolari ishtirok etishlari mumkin;
• Dasturda universitet talabalari va ishlab turgan mutaxassislar ham ishtirok etishi mumkin;
• Yosh liderlar, volontyorlar va ijtimoiy taʼsir kuchiga ega boʻlgan mutaxassislar qatnashishlari mumkin;
• Jamiyat rivojlanishi, barqarorlik va yoshlarni rivojlantirish masalalarida faol nomzodlar qatnashishlari lozim.

Dastur talablari haqida ushbu havola orqali batafsil maʼlumot olish mumkin.

Dasturda quyidagi uch kategoriyadan biri boʻyicha ariza topshirish mumkin:

Xarajatlari dastur tomonidan toʻliq qoplanadigan kategoriya quyidagilarni oʻz ichiga oladi:

• Istanbulga borish va kelish safar xarajatlari qoplanadi;
• 4 yulduzli mehmonxona;
• Forum davomida oziq-ovqat;
• Dastur buyumlari va kirish toʻplami;
• Sertifikat;
• Barcha sessiyalar, seminarlar va madaniy tadbirlarga kirish;
• Istanbul shahri boʻylab sayohat;
• Madaniy almashinuv mashgʻulotlari;
• Mahalliy tilda suhbatlashish imkoni;
• Viza olish uchun xat.

Xarajatlari qisman qoplanadigan kategoriya quyidagilarni oʻz ichiga oladi:

• Forum davomida oziq-ovqat;
• Dastur buyumlari va kirish toʻplami;
• Sertifikat;
• Barcha sessiyalar, seminarlar va madaniy tadbirlarga kirish;
• Istanbul shahri boʻylab sayohat;
• Madaniy almashinuv mashgʻulotlari;
• Mahalliy tilda suhbatlashish imkoni;
• Viza olish uchun xat.

Xarajatlari qoplanmaydigan kategoriya quyidagilarni oʻz ichiga oladi:

• 4 yulduzli mehmonxona;
• Forum davomida oziq-ovqat;
• Dastur buyumlari va kirish toʻplami;
• Sertifikat;
• Barcha sessiyalar, seminarlar va madaniy tadbirlarga kirish;
• Istanbul shahri boʻylab sayohat;
• Madaniy almashinuv mashgʻulotlari;
• Mahalliy tilda suhbatlashish imkoni;
• Viza olish uchun xat.

Shuningdek, barcha dastur qatnashchilari quyidagi imkoniyatlarni ham qoʻlga kiritishadi:

• BMT, global nodavlat tashkilotlari va akademik tashkilotlar mutaxassislari bilan suhbatlashish;
• 50 dan oshiq mamlakatlardan kelgan qatnashchilar bilan birga ishlash;
• Gʻoyalar, takliflar, tashabbuslar, innovatsiyalarni doʻstona muhitda namoyish qilish;
• Oʻz dunyoqarash va madaniyatini boshqalar bilan ulashish bilan birga Istanbul madaniyati bilan tanishish.

Dasturga ariza topshirish uchun ariza shaklini toʻldirish kifoya qiladi. Arizani toʻldirish jarayonida yetakchilik tajribalari, ijtimoiy faollik va jamiyatda ehtimoliy oʻzgarishlar kiritish boʻyicha fikrlari hamda faoliyatiga alohida urgʻu berish lozim. Chunki saralash jarayonida shu jihatlar inobatga olinadi.

Dasturga arizalarni qabul qilish jarayoni 2025-yil 30-iyungacha davom etadi. Dasturda uch kategoriya boʻyicha qatnashish mumkin boʻlib, xarajatlari toʻliq qoplanadigan kategoriya uchun $9.99, qisman qoplanadigan kategoriya uchun $99.99, xarajatlari qoplanmaydigan kategoriya uchun esa $399 badal puli mavjud.

Eslatma! Nomzodlar koʻpligi va oʻrinlar cheklanganligi uchun iloji boricha ertaroq ariza topshirish muhim ahamiyatga ega.

Dastur haqida quyidagi ijtimoiy tarmoqlar orqali ham maʼlumot olish mumkin:

-Facebook;

-Instagram;

-LinkedIn;

-Twitter.