Yetakchilik qobiliyatiga ega oʻzbekistonlik yoshlar uchun 3 oylik YouLP 2024 dasturi
-
04/03/2024 Qabul boshlanishi
-
Bepul Moliyalash turi
-
Oʻzbekiston Davlat
-
15.03.2024 Oxirgi muddat
Umumiy maʻlumotlar
Mahorat & Management va Oʻzbekistondagi Fridrix-Ebert jamgʻarmasi (FES) boshchiligida 18-25 yosh oraligʻidagi yetakchilik qobiliyatiga ega yoshlar uchun YouLP 2024 (Cohort III) dasturi taqdim etiladi. Dastur uch oy davom etadi va besh modullik Uzluksiz kasbiy rivojlanish (CPD) oʻquv dasturidan iborat. Har bir modul 8 soatlik treningni oʻz ichiga oladi va 2024-yil aprel-iyun oylarida oʻtkaziladi.
Dasturning asosiy maqsadi oʻzbekistonlik yoshlarda yetakchilik, ijtimoiy koʻnikmalarni shakllantirish va jamiyat taraqqiyotidagi faol ishtirokini oshirishdan iborat.
Dastur doirasida quyidagi vazifalar bajarishi kutilmoqda:
- Oʻzbekistonlik yoshlarning salohiyatini mustahkamlash;
- Yoshlarda yetakchilik va oʻz jamoalari bilan muloqot qilish qobiliyatini rivojlantirish;
- Qiziqishlari va maqsadlari oʻxshash tengdoshlar bilan muloqot qilish imkoniyatini berish;
- Jamoaviy ruhni ragʻbatlantirish.
Maʼlumot uchun: YouLP (Yosh yetakchilik dasturi) — Mahorat & Management va Oʻzbekistondagi Fridrix-Ebert jamgʻarmasi (FES) tomonidan tashkil etilgan yoshlar tashabbusidir. Dastur Oʻzbekiston yoshlarida yetakchilik, shaxslar aro munosabatlar va jamiyatda faollik koʻnikmalarini rivojlantirish orqali ularning imkoniyatlarini kengaytirishga qaratilgan.
Dastur haqida batafsil ushbu havola orqali maʼlumot olish mumkin.
Maqbullik shartlari
- Dasturga qiziqqan 18-25 yosh oraligʻidagi yetakchilik qobiliyatiga ega barcha oʻzbekistonlik yoshlar qatnashishi mumkin;
- Ingliz tilini dasturda qatnashish darajasida bilish lozim;
- Saralashda nomzodlarning dasturga oʻz hissasini qoʻshish va undan foyda olish uchun mos kelishi hisobga olinadi.
Foydali tomonlari
- Dasturda bepul qatnashish mumkin;
- Mahalliy ekspertlar boshchiligida oflayn treninglar va xorijdan kelgan mutaxassislar ishtirokidagi onlayn zoom/telegram chat uchrashuvlari oʻtkaziladi;
- Amaliy tadqiqot tahlillari, sayohatlar hamda jamoa tashabbusi bilan turli xil tadbirlar va norasmiy uchrashuvlar tashkil etiladi.
Qoʻshimcha maʻlumotlar
- Tel: +998 99 721 42 62;
- Email: info.yldp@gmail.com;
- Manzil: Safdosh koʻchasi 10, Toshkent, Oʻzbekiston.
Muhim sanalar:
- Dasturga hujjat topshirish uchun oxirgi muddat: 22-mart, 2024-yil;
- Arizalarni koʻrib chiqish: 23-24-mart, 2024-yil;
- Saralanganlar oʻrtasida suhbat: 25-27-mart, 2024-yil;
- Natijalarni eʼlon qilish: 29-mart, 2024-yil.
Quyidagi ijtimoiy tarmoqlar orqali qoʻshimcha maʼlumot olish mumkin: