Yetakchilik qobiliyatiga ega yoshlar uchun toʻliq moliyalashtiriladigan 4 kunlik Rossiya-Bolqon Yoshlar forumi

Islom hamkorlik yoshlar forumi (ICYF) bir necha tashkilotlar, jumladan, Tatariston Respublika yoshlar jamoat jamgʻarmasi bilan hamkorlikda Rossiya-Bolqon yoshlar forumini tashkil etmoqda. 

Ushbu dastur 2022-yil 23-26-iyun kunlari Tatariston Respublika Federatsiyasining Qozon shahrida oʻtkaziladi.

Ushbu forum 3 yoʻnalishda boʻlib oʻtadi:

1. Entrepreneurship — tadbirkorlik;
2. Creative industries — ijodkorlik sohlari;
3. Public diplomacy — xalq diplomatiyasi.

Dastur ingliz tilida olib boriladi, shu bois barcha ishtirokchilardan ingliz tilini bilish talab etiladi.

Dastur maqsadi Rossiya, Bolqon va IHT mintaqasidagi yosh yetakchilar va faollarni tadbirkorlik, ijodkorlik va xalq diplomatiyasi kabi sohalarga jalb etish va ularning ushbu sohalardagi bilim va tajribalarini yanada boyitishdan iborat.

Qolaversa, dastur quyidagi maqsadlarni ham oʻz oldiga qoʻygan:

• Bolqon, Rossiya va IHT yoshlari uchun tadbirkorlik, ijodiy sohalar va xalq diplomatiyasi sohasida oʻz gʻoyalari va loyihalari bilan boʻlishish uchun umumiy platforma yaratish;
• Madaniyatlararo aloqalar va hukumat tomonidan qoʻllab-quvvatlanadigan samarali muloqot muhitini taʼminlash;
• Yoshlar sharoitini yaxshilashga alohida eʼtibor qaratgan holda yangi loyihalar va hamkorlik aloqalarini oʻrganish, ularning mintaqada totuvlik, bagʻrikenglik, hamjihatlik va hamkorlikni taʼminlashdagi ahamiyatini oshirish;
• Mintaqaviy muammolarni hal qilish uchun yetakchi va tadbirkorlar, shuningdek, hukumat vakillari oʻrtasidagi hamkorlikni qoʻllab-quvvatlash.

Dasturda ishtirok etish uchun talablar:

• Forumda biznes, ijodiy sanoat (creative industry) yoki xalq diplomatiyasi yoʻnalishi boʻyicha bilim va tajribaga ega boʻlgan yoshlar ishtirok etishi mumkin;
• Nomzodlar 18-35 yosh orasida boʻlishi va ingliz tilida erkin muloqot qila olishi kerak. Til bilish sertifikati talab etilmaydi;
• Ijtimoiy jihatdan faol, forumda ishtirok etish uchun katta qiziqishga ega boʻlishi lozim;
• Ishtirokchilar forumdagi loyihalarini oʻz davlatlarida keng targʻib qila olishni maqsad qilgan boʻlishi kerak.

Dastur talablari bilan batafsil ushbu havola orqali tanishish mumkin.

Dasturda qabul qilingan ishtirokchilar quyidagi imtiyozlarga ega boʻladi:

• Dastur boʻyicha safar, turar joy va boshqa xarajatlari qoplanadi;
• Dasturi yakunida ishtirokchilarga ICYF tomonidan maxsus sertifikatlar taqdim etiladi;
• Ishtirokchilar dunyo boʻylab turli davlat yetakchi yoshlari bilan muloqot qilish va networking (oʻzaro aloqalar)ni kuchaytirish imkoniyatiga ega boʻladilar.

Dastur imkoniyatlari bilan batafsil ushbu havola orqali tanishish mumkin.

Dasturda ishtirok etish uchun nomzodlar ushbu havola orqali ariza shaklini toʻldirishlari lozim.

Kerakli hujjatlar:

• CV;
• Sayohat qilish uchun pasport.

Shuningdek, ariza toʻldirish davomida ishtirokchilar oʻzi, oʻqish va ish tajribasi haqida 2 daqiqalik video tayyorlashi soʻraladi. Ushbu video dasturga qabul qilinishda muhim ahamiyat kasb etadi.

Dastur haqida batafsil rasmiy havola orqali maʼlumot olish mumkin.

Qoʻshimcha murojaatlar uchun: 

• Email: kazan@oicyouthcapital.com ;
• Telefon raqam: +7 999-154-93-93.