Yevropa Ittifoqi tomonidan eng yaxshi jurnalistik materiallar uchun "Bioxilma-xillikni tiklash — bizning umumiy masʼuliyatimiz" mavzusida tanlov. G'oliblar Qirg'izistonda bo'lib o'tuvchi o'quv sayohatiga qatnashish imkonini qo'lga kiritadilar
-
20/05/2021 Qabul boshlanishi
-
Mukofot Moliyalash turi
-
Oʻzbekiston Davlat
-
15.07.2021 Oxirgi muddat
Umumiy maʻlumotlar
Yevropa Ittifoqi tomonidan moliyalashtirilgan “Yevropa Ittifoqi — Markaziy Osiyo suv, atrof-muhit va iqlim oʻzgarishi boʻyicha hamkorlik” (WECOOP) dasturi “Biologik xilma-xillikni tiklash — umumiy masʼuliyatimiz” mavzusiga bagʻishlangan eng yaxshi jurnalistik materiallar uchun Markaziy Osiyo jurnalistlari oʻrtasida media-tanlovni oʻtkazishni boshladi.
Ushbu tanlovning maqsadi bioxilma-xillikning yo’q bo’lish inqirozi, ekotizimning tanazzuli, resurslarning kamayishi va iqlim oʻzgarishi, shuningdek muntazam isteʼmol, ishlab chiqarish va aylanma iqtisodiyotga oʻtishning dolzarb ehtiyojlari toʻgʻrisida xabardorlikni oshirishdir.
Maqbullik shartlari
- O'rta Osiyo davlatlari fuqarosi bo'lish;
- 18 yoshdan oshgan bo'lish;
- Markaziy Osiyo davlatlaridan birida belgilangan tartibda roʻyxatdan oʻtgan OAV (ommaviy axborot vositasi) xodimi boʻlish
Eslatma: Tanlov uchun 2020-yil 1-avgustdan 2021-yil 15-iyulgacha bo'lgan davrda biologik xilma-xillik bo'yicha bosma yoki elektron ommaviy axborot vositalarida nashr etilgan yoki televidenie / radioda efirga uzatilgan individual mualliflar materiallari bitta talabnoma beruvchidan 3 tadan ko'p bo'lmagan materiallar qabul qilinadi.
Asosiy baholash mezonlari quyidagilar:
- Mavzuga muvofiqligi
- Mavzuni tushunish va chuqur tushuntira olish
- Maʼlumotlarning aniqligi va ishonchliligi
- Materialni taqdim etishdagi professional darajasi, taqdimot uslubi
- Jurnalistikaning axloqiy tamoyillariga rioya qilish.
Foydali tomonlari
- Tanlov natijalariga ko'ra 6 nafar g'olib tanlanadi (bitta I, ikkita II, uchta III sovrinlar). G'oliblar Qirg'iziston Respublikasida bioxilma-xillikni saqlash va tiklash amaliyoti bilan tanishish uchun o'quv sayohatida qatnashadilar.
Eslatma: Safar WECOOP loyihasi tomonidan uyushtiriladi va taxminiy ravishda 2021-yil 5-10 sentyabrga rejalashtirilgan. COVID-19 epidemiologik holatini hisobga olgan holda sayohat keyingi kunga qoldirilishi mumkin. U virus tarqalishining oldini olish bo'yicha barcha xavfsizlik choralariga va shaxsiy himoya bo'yicha tavsiyalarga muvofiq tashkil etiladi.
Qoʻshimcha maʻlumotlar
Tanlov natijalari 29.07.2021 sanasida Internetda boʻlib oʻtadigan mukofotlash marosimida, shuningdek WECOOP loyihasi veb-saytida https://wecoop.eu va Yevropa Ittifoqi Delegatsiyasining rasmiy ijtimoiy tarmoq sahifalarida eʼlon qilinadi.
Murojaat uchun:
Email: media@wecoop.eu.
@wecoopproject