Yevropa xavfsizlik va hamkorlik tashkiloti tomonidan Qirgʻizistonda magistraturada oʻqish uchun xarajatlari toʻliq qoplanadigan grant

Yevropa xavfsizlik va hamkorlik tashkiloti tomonidan tashkillashtirilgan ushbu dastur 2002-yildan beri faoliyat yuritib keladi va Qirg'iziston hukumati tomonidan qo'llab-quvvatlanadi. Dasturga 2 ta magistratura yo'nalishi bo'yicha ariza topshirish mumkin. Bular: Siyosat va xavfsizlik hamda iqtisodiy boshqaruv va rivojlanish. 

Darslar ingliz tilida bo'lib o'tadi. 

Dastur haqida ushbu havola orqali to'liq ma'lumot olish mumkin. 

Dasturga ariza topshirish uchun nomzodlarga quyidagi talablar qoʻyiladi:

• Nomzodning oliy taʼlim diplomi (toʻrt yillik bakalavr, magistratura, mutaxassislik diplomi) yuqori akademik koʻrsatkichlarga ega boʻlishi kerak;
• Ingliz tilini yuqori akademik darajada bilish talab qilinadi, ammo ariza topshirish jarayonida til sertifikati soʻralmaydi;
• Yevropa xavfsizlik va hamkorlik tashkilotiga aʼzo 7 davlat (Afgʻoniston, Qozogʻiston, Qirgʻiziston, Mongoliya, Tojikiston, Turkmaniston, Oʻzbekiston) fuqarolari dasturda ishtirok etishlari mumkin.

Dastur talablari haqida ushbu havola orqali toʻliq maʼlumot olish mumkin.

Dasturning quyidagi foydali tomonlari mavjud:

• Kontrakt puli toʻliq qoplab beriladi;
• Oʻqish mobaynida (18 oy) har oy 360 yevroga teng stipendiya taqdim etiladi;
• Bishkekgacha boʻlgan yoʻl xarajatlari qoplanadi (ekonom klass);
• GPAsi yuqori boʻlgan talabalarga Yevropadagi almashinuv dasturlari (EXHTning Venadagi kotibiyati, Oslodagi Norvegiya xalqaro munosabatlar instituti, Jeneva xavfsizlik siyosati markazi, Xelsinki universiteti Aleksanteri instituti va boshqalar)da ishtirok etish imkoniyati yaratib beriladi;
• Talabalar oʻqishni bitirib ketganidan keyin ham muassasa bilan aloqada boʻlish va maʼlum bir imkoniyatlarini qoʻlga kiritish imkoniyatiga ega boʻlishadi.

Dasturning foydali jihatlari haqida ushbu havola orqali maʼlumot olish mumkin.

Dasturda quyidagi 2 yoʻnalish boʻyicha oʻqish mumkin:

1. Siyosat va xavfsizlik;
2. Iqtisodiy boshqaruv va rivojlanish.

Dasturga quyidagi hujjatlarni topshirish talab qilinadi:

-onlayn ariza shakli;

-diplom (toʻrt yillik bakalavr, magistr diplomi yoki maxsus diplom);

-transkript.

Eslatma! Bakalavr bosqichining oxirgi bosqichida oʻqiyotgan talabalar ham dasturga ariza topshirishlari mumkin. Lekin ular diplomni 2023-yilning 1-avgustiga qadar olishlari kerak boʻladi. Diplom va transkriptlar tarjimasi ingliz yoki rus tillaridan birida boʻlishi va rasmiy tasdiqlangan boʻlishi kerak. Boshqa tillardagi tarjima qabul qilinmaydi. Agar nomzodning diplomi ikkala magistratura yoʻnalishiga ham toʻgʻri kelsa, ikkalasiga ham ariza topshirish huquqiga ega.

Dasturga oid muhim sanalar:

• 2022-yil 1-oktyabr-2023-yil 15-yanvar: Onlayn ariza topshirishning boshlanish va tugash muddati;
• 2023-yil 15-yanvar-mart oyining boshlari-Dastlabki saralash bosqichi boʻlib oʻtadi. Saralash jarayonida ariza shakli, nomzodning akademik koʻrsatkichlari, ish tajribasi va talablarga qanchalik darajada mos kelishiga qaraladi;
• 2023-yil mart-aprel oylari- Yozma test natijalariga koʻra ikkinchi saralash bosqichi boʻlib oʻtadi. Yozma test namunalari va imtihon shartlari bilan ushbu havola orqali tanishish mumkin;
• 2023-yil may oyi- Birinchi va ikkinchi saralash bosqichidan oʻtgan nomzodlar bilan intervyu boʻlib oʻtadi;
• 2023-yil iyun oyi- Test va intervyu natijalariga asoslangan holda dastur gʻoliblari eʼlon qilinadi.

Eslatma! Dastur maʼmuriyati imtihon, intervyu yoki natijalar eʼlon qilinadigan sana yoki soatlarni oʻzgartirish huquqiga egadir. Tashkilotchilar faqatgina testdan oʻtgan yoki intervyusi muvaffaqiyatli tugagan nomzodlar bilan bogʻlanishadi. Yaʼni arizasi qabul qilinmagan yoki imtihondan yetarli ball toʻplamagan nomzodlar bilan bogʻlanilmaydi.

Siyosat va xavfsizlik yoʻnalishiga ushbu havola orqali ariza topshirish mumkin.

Iqtisodiy boshqaruv va rivojlanish yoʻnalishiga ushbu havola orqali ariza topshirish mumkin.

Siyosat va xavfsizlik yoʻnalishi boʻyicha qoʻshimcha savollar tugʻilgan taqdirda ushbu havola orqali murojaat qilish mumkin.

Iqtisodiy boshqaruv va rivojlanish yoʻnalishi boʻyicha qoʻshimcha savollar tugʻilgan taqdirda ushbu havola orqali murojaat qilish mumkin.

Maʼlumot uchun:

E-mail: MA-PS@osce-academy.net;

MA-EGD@osce-academy.net.

Tel: +996 (312) 54-32-00, 54-12-00.

Fax: +996 (312) 54-23-13.

Dastur haqida quyidagi ijtimoiy tarmoqlar orqali ham maʼlumot olish mumkin:

-facebook;

-twitter;

-LinkedIn;

-instagram;

-Vk;

-weltkind;