Yevropa Xavfsizlik va Hamkorlik Tashkilotidan markaziy osiyolik yosh ayollarni qo’llab-quvvatlash uchun maxsus dastur

Yevropa Xavfsizlik va Hamkorlik Tashkiloti (YXHT) markaziy osiyolik yosh ayollarning imkoniyatlarini yanada kengaytirish uchun OSCE Young Women 4 Peace Initiative: Empowering Central Asian Young Women Programme dasturini taqdim etadi. 

Dasturga jami 18 nafar ishtirokchi qabul qilinadi. Dastur ayollarning imkoniyatlarini kengaytirish, yoshlarni jalb qilish, tinchlik o'rnatish, nizolarni hal qilish va shunga o'xshash sohalarda faol ishtirok etayotganlarni yanada rag'batlantirish va Markaziy Osiyoda sezilarli o'zgarishlarni amalga oshiruvchi yosh ayollarning taraqqiyot, tinchlik o'rnatish, vositachilik va boshqa sohalardagi ta'sirini kuchaytirishga qaratilgan. YXHTning ushbu dasturi Yevropa Ittifoqi koʻmagida amalga oshirilmoqda.

Dastur 2024-yil apreldan 2025-yil noyabrgacha davom etishi rejalashtirilgan.

Dastur haqida batafsil ushbu havola orqali ma'lumot olish mumkin.

• Markaziy Osiyo davlatlari (Qozogʻiston, Qirgʻiziston, Tojikiston, Turkmaniston, Oʻzbekiston) fuqarolari va Afgʻonistonda yashovchi 18-30 yosh oraligʻidagi ayol-qizlar qatnashishi mumkin;
• Ingliz tilini professional darajada bilish lozim (ogʻzaki va yozma);
• Jamiyat rivoji uchun oʻz hissasini qoʻshishda tajribaga ega barcha hududlardan (mahalliy yoki milliy tarmoq aʼzolari, qishloq joylardan, mojarolardan jabr koʻrgan hududlardan) kelgan barcha ishtirok etishi mumkin;
• Nomzodning gender tengligini targʻib qilish, tinchlik oʻrnatish, nizolarni hal qilish va/yoki nizolarning oldini olishga kuchli ishtiyoqi boʻlishi kerak;
• Onlayn seminarlarda (oyiga 2 soat) va dastur doirasidagi tadbirlarda shaxsan ishtirok etish talab qilinadi.

Muhim: Nomzod dastur boshlanganda, yaʼni 2024-yil 1-aprelda 18 yoshga toʻlgan va 30 yoshdan oshmagan boʻlishi kerak.

• Dasturda bepul qatnashish mumkin;
• Ayollar imkoniyatlarini kengaytirish boʻyicha transchegaraviy loyihalar/kichik koʻlamli tashabbuslarni ishlab chiqish va amalga oshirish qoʻllab-quvvatlanadi;
• Gender tengligi, yoshlarni jalb qilish, tinchlik va xavfsizlik mavzularida fikr almashish imkoniyati;
• Karyera boʻyicha murabbiylik mashgʻulotlari oʻtkaziladi;
• Moliyalashtirishni boshqarish, vositachilik, muzokaralar, aloqa strategiyalari, siyosatni ishlab chiqish, grantlarni boshqarish/donor munosabatlari, loyihalarni boshqarish, psixologik va ruhiy salomatlik va ishonchni mustahkamlash kabi mavzular boʻyicha treninglar oʻtkaziladi;
• Tinchlik jarayonlari va nizolarni hal qilishda mutaxassis va mashhur aktyorlar bilan hamkorlik qilish imkoniyati;
• Mavzular muhokamasi uchun tengdoshlar va murabbiylar bilan uchrashuvlar tashkil qilinadi.

Muhim: Aniq mavzular tanlangan ishtirokchilarning ehtiyojlariga asoslanib belgilanadi.

Dasturda qatnashishni istaganlar ushbu havola orqali ariza topshirishlari mumkin.

Ariza toʻldirishda shaxsiy maʼlumotlar kiritishi va quyidagi savollarga javob berishi soʻraladi:

• Nomzodning tanlov mezonlariga mos keladigan faoliyat turiga amaliy va aniq misollar (maksimal 1500 ta belgi);
• Dasturga ariza topshirishining asosiy sabablari (maksimal 1500 ta belgi);
• Nomzod oldin qatnashgan tegishli treninglar va/yoki ishtirok etayotgan mintaqaviy/milliy tarmoqlarga misollar (maksimal 700 ta belgi).

Eslatma: Ariza toʻliq ingliz tilida toʻldirilishi kerak.

• Dasturga ariza topshirish uchun oxirgi muddat: 1-mart 2024-yil;
• Email: WIN@osce.org.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Linkedin;
• Twitter.