OSCE tomonidan yosh mutaxassislar uchun 6 haftalik onlayn trening dasturi

YXHT-Yevropa xavfsizlik va hamkorlik tashkiloti (Organization for Security and Co-operation in Europe (OSCE)) 2025-yil tinchlik va xavfsizlik boʻyicha grant eʼlon qiladi. Grant yoshlar, ayniqsa ayollarni xavfsizlik masalalari, xususan, harbiy-siyosiy xavfsizlik sohasiga jalb qilish uchun tashkil qilingan. 

Dasturda qatnashish uchun nomzodlar 22-32 yosh oraligʻida va bakalavr darajasiga ega boʻlishlari lozim. Dastur 6 haftalik onlayn oʻqishni oʻz ichiga oladi va 2025-yil 7-apreldan 18-maygacha davom etadi. 

Dasturga qabul jarayoni 2025-yil 28-fevralgacha davom etadi va unda qatnashish uchun maxsus ariza shaklini toʻldirish soʻraladi. Ariza topshirish bepul. 

Dastur haqida ushbu havola orqali toʻliq maʼlumot olish mumkin.

Dasturda ishtirok etish uchun nomzodlar quyidagi talablarga javob berishi lozim:

• 22-32 yosh oraligʻida boʻlish;
• Ingliz tilini dasturda qatnashish darajasida bilish kerak;
• Bakalavr yoki unga teng darajaga ega boʻlish;
• Nizolarni hal qilish va ularga yechim topish masalalariga qiziqish;
• Qurol nazorati, qurolsizlantirish va qurollarni tarqatmaslik muammolariga qiziqish;
• Yetakchilik salohiyatiga ega boʻlish;
• Yevropa xavfsizlik va hamkorlik tashkiloti roʻyxatiga kiradigan yoki ushbu tashkilot hamkor davlatlaridan birining vakili boʻlish (Oʻzbekiston roʻyxatda mavjud).

Eslatma! Ayol nomzodlarga saralash jarayonida ustunlik beriladi. Yuqoridagi mavzular boʻyicha dastlabki bilim boʻlishi talab qilinmaydi.

Dastur talablari haqida ushbu havola orqali batafsil maʼlumot olish mumkin.

Dasturning quyidagi foydali tomonlari mavjud:

1. Saralangan nomzodlar tashkilotning onlayn darslarida qatnashish imkonini qoʻlga kiritishadi va u quyidagicha boʻlib oʻtadi:

• Tanlab olingan nomzodlar 2025-yil 7-apreldan 18-maygacha dastur rasmiy sahifasida 6 haftalik darslarda qatnashishadi;
• Har hafta qatnashchilar bilan mavzulashtirilgan darslar olib boriladi, vazifalarni esa 10 kun ichida ixtiyoriy grafikda topshirish imkoni beriladi;
• Dars materiallari matnlar, oldindan yozib olingan videolar, havolalar, interaktiv darslar, diagramma va quizlar shaklida taqdim etiladi;
• Onlayn darslar vaqtida instruktor qatnashchilarning barcha savollariga javob berib boradi;
• Qatnashchilar har hafta instruktor, qoʻshimcha mehmonlar va taqdimotchilarni oʻz ichiga olgan jonli darslarda qatnashish imkoniga ega boʻlishadi. Shuningdek, barcha qatnasha olmasligi ehtimoli borligi sabab, darslar yozib olinadi va platformaga joylanadi;
• Har bir dars bir yarim soat atrofida davom etadi, bu savollarga javob berish va mavzu tahlilini ham oʻz ichiga oladi;
• Onlayn darslar davomida har bir qatnashchidan haftasiga 5-8 soat mavzularni oʻrganish va 1,5 soatlik Zoom jonli darslarida qatnashish soʻraladi;
• Onlayn kurs qatnashchilarning ish yoki oʻqishiga xalaqit bermaydigan qilib tashkillashtirilgan.

2. Dastur soʻnggida onlayn yakuniy imtihon boʻlib oʻtadi, undan oʻtgan nomzodlarga maxsus sertifikat taqdim etiladi;

3. Onlayn darslarda qatnashish, vazifalarni bajarish va shu kabi jihatlar inobatga olingan holda qolgan nomzodlar Avstriyaning Vena shahrida boʻladigan 1 haftalik oflayn darslar uchun saralab olinadi.

Dastur foydali jihatlari haqida ushbu havola orqali batafsil maʼlumot olish mumkin.

Dasturga ariza topshirish jarayonida quyidagilar soʻraladi:

• Nomzodning ismi, sharifi, akademik darajasi, ish tajribasi (bor yoki yoʻqligi), mutaxassisligi;
• Nomzodning dasturda qatnashish sabablari (2000 soʻzdan oshmasligi kerak);
• Nomzodning akademik, shaxsiy qiziqishlari hamda tajribasining qurol nazorati, qurolsizlantirish va qurollarni tarqatmaslik masalalariga boʻlgan aloqasi (1000 ta soʻzdan oshmasligi kerak);
• Dasturda aytilgan muammolarga nomzodning taklif qilayotgan yechimlari (2000 soʻzdan oshmasligi kerak);
• Universitet diplomi va pasportning onlayn nusxasi.

Eslatma! Soʻrovnoma qoʻlda, shaxsan nomzodlar tomonidan toʻldirilgan boʻlishi va sunʼiy intellekt yordamidan foydalanmaganligiga alohida eʼtibor qaratiladi.

Dasturga qabul jarayoni 2025-yil 28-fevralgacha davom etadi.

Dasturga ushbu havola orqali ariza topshirish mumkin.

Dastur boʻyicha eng koʻp soʻraladigan savollar va ularga javoblarni ushbu havola orqali topish mumkin.

Dastur boʻyicha qoʻshimcha savollar tugʻilgan taqdirda ushbu havola orqali javob olish mumkin.

Yevropa xavfsizlik va hamkorlik tashkiloti roʻyxatiga kiradigan davlatlar haqida ushbu havola orqali maʼlumot olish mumkin.

Yevropa xavfsizlik va hamkorlik tashkiloti hamkor davlatlari roʻyxati bilan ushbu havola orqali tanishish mumkin.

Dastur haqida quyidagi ijtimoiy tarmoqlar orqali ham maʼlumot olish mumkin:

-Facebook;

-Twitter;

-Youtube;

-LinkedIn;

-Soundcloud;

-Instagram.