Yevropaning nufuzli universitetlarida magistratura bosqichini davom ettirish uchun barcha xarajatlari qoplanadigan Erasmus Mundus Joint Master Degree 4CITIES  dasturi
  • 10/11/2021 Qabul boshlanishi
  • Toʻliq Moliyalash turi
  • Yevropa Davlat
  • 15.03.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr)
  • Dastur tili
    Ingliz tili
  • Yosh chegarasi
    20 yoshdan 30 yoshgacha
  • IELTS talabi
    minimum 6.5

Sohalar

Doʻstlar bilan ulashing

Umumiy maʻlumotlar

Erasmus Mundus Master Course 4CITIES Program bu Yevropaning yetakchi universitetlarida shaharshunoslik boʻyicha ikki yillik magistratura bosqichida oʻqish imkoniyatini taqdim etuvchi dastur hisoblanadi. Ushbu dasturda talabalar Bryussel, Vena, Kopengagen va Madriddagi oltita hamkor universitetlardan qoʻshma darajaga (Master of Science in Urban Studies) ega boʻlishlari mumkin. Barcha darslar toʻliq ingliz tilida oʻqitiladi.

Dastur 2022-yil sentyabr oyi oʻrtalarida Bryussel shahrida boshlanadi va 2024-yil yanvar oyida Madrid shahrida yakunlanadi. 4CITIES uchun maxsus oʻquv dasturi ishlab chiqilgan boʻlib, har bir qabul qiluvchi shahar, universitet va kafedra yoki tadqiqot institutining koʻrsatmalariga asoslanadi.

Darslar soha boʻyicha nazariy va amaliy koʻnikmalar, qolaversa, keng koʻlamli ekskursiyalar orqali olib boriladi. Ishtirokchilar globallashuv va urbanizatsiyaning davom etayotgan jarayonlari va oqibatlarini tasvirlash va hal qilish uchun shahar muammolarini hal qilish va yangi strategiyalarni ishlab chiqishda ishtirok etadi. Talabalar mikro va makro darajada shahar tizimlari va elementlarini tahlil qilish imkoniyatiga ega boʻladilar. Oʻquv dasturi haqida batafsil ushbu havola orqali batafsil maʼlumot olish mumkin.

Har yili 600-800 nafar nomzodlar ariza topshiradi va ulardan 40 nafar ishtirokchilar grant sohibiga aylanadilar.

Maqbullik shartlari

Dasturda ishtirok etish uchun nomzodlar quyidagi talablarga javob berishi lozim:

  • Nomzod geografiya, arxitektura, tarix, kriminologiya, siyosatshunoslik, sotsiologiya, demografiya, ommaviy axborot vositalari va kommunikatsiya kabi sohalar boʻyicha bakalavr bosqichini yakunlagan yoki soʻnggi bosqichida oʻqiyotgan boʻlishi kerak;
  • Ingliz tilini yaxshi bilishi lozim. Kamida IELTS 6.5, TOEFL iBT 79 talab etiladi;
  • Yuqori akademik koʻrsatkichga ega boʻlishi lozim;
  • Dasturda ishtirok etish uchun katta qiziqishga ega boʻlishi va buni hujjat topshirish jarayonida koʻrsatib bera olishi kerak.

Dastur talablari haqida batafsil ushbu havola orqali maʼlumot olish mumkin.

Foydali tomonlari

Dasturga qabul qilingan nomzodlar quyidagi imtiyozlarga ega boʻladi:

  • Yevropaning nufuzli universitetlarida bepul oʻqish bilan birga ushbu oliygohlarning 4 xil diplomiga ega boʻladi;
  • Ishtirokchilar yashash xarajatlari uchun oyiga €1000 (~$1128) stipendiya bilan taʼminlanadi;
  • Safar xarajatlari uchun masofaga qarab yiliga €3000, kelib joylashib olish uchun qoʻshimcha €1000 gacha moliyaviy yordam beriladi;
  • Tibbiy sugʻurta xarajatlari qoplanadi.

Dastur manfaatli jihatlari haqida batafsil ushbu havola orqali maʼlumot olish mumkin.

Hujjat topshirish

Dasturda ishtirok etish uchun nomzodlar ushbu havola orqali onlayn ariza topshirishlari kerak boʻladi.

Kerakli hujjatlar:

  • Fuqaroligini tasdiqlovchi hujjat;
  • Pasportning shaxsiy surat aks etgan qismi nusxasi (PDF);
  • CV/Rezyume;
  • Bakalavr diplomi va uning baholari;
  • 2 ta tavsiyanoma;
  • Soʻnggi 5 yildagi sohaga aloqador harakatlari haqida maʼlumot;
  • Til bilishini tasdiqlovchi hujjat. Kamida IELTS 6.5 TOEFL 79 yoki ekvivalent;
  • Motivatsion xat.
  • Akademik yutuqlarini tasdiqlovchi hujjatlar.

Barcha hujjatlar ingliz tilida boʻlishi shart.

Dasturga ariza topshirish jarayoni haqida batafsil ushbu havola orqali maʼlumot olishingiz mumkin.

Qoʻshimcha maʻlumotlar

Saralash bosqichi va ariza topshirishda hujjatlarning ahamiyati haqida batafsil ushbu havola orqali maʼlumot olish mumkin.

Eng koʻp berilgan savollar va ularning javoblari bilan ushbu havola orqali tanishib chiqish mumkin.

Qoʻshimcha murojaatlar info@4cities.eu elektron manzil yoki ushbu havola orqali yuborilishi mumkin.

Yevropa
Yevropaning nufuzli universitetlarida magistratura bosqichini davom ettirish uchun barcha xarajatlari qoplanadigan Erasmus Mundus Joint Master Degree 4CITIES dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar