Yevrosiyolik tadbirkorlarni har tomonlama qoʻllab-quvvatlashga qaratilgan Euro Asian Global Startup Awards mukofoti
  • 01/09/2021 Qabul boshlanishi
  • Mukofot Moliyalash turi
  • Qozogʻiston Davlat
  • 15.10.2021 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Yevrosiyo Startap Mukofoti (Euro Asian Startup Awards) — dunyodagi eng yirik mustaqil startap musobaqasi boʻlib, butun dunyodan tashrif buyuruvchi eng faol investorlar, kuchli startapchilar, xalqaro biznes murabbiylari, top menejerlar va biznes egalarini bir yerda jamlaydi. Toʻqqiz mamlakat — Armaniston, Ozarbayjon, Belarus, Gruziya, Qozogʻiston, Moldova, Rossiya Federatsiyasi, Turkiya, Ukraina va Oʻzbekiston - EASAning mehmon davlatlari hisoblanadilar.

Ishtirokchilar dunyo miqyosida tanilishlari, tanishlar orttirishlari va investorlar oldida oʻz loyihalarini taqdim etishlari mumkin. Gʻoliblar esa tanlov soʻnggida homiylar tomonidan taqdim etiladigan qimmatli sovgʻa hamda servislardan foydalanish imkoniyatini qoʻlga kiritibgina qolmay, dastur doirasida loyihalarini bepul targʻib qilish, kelajakda esa eng kuchli treninglarda ishtirok etish va boshqa huquqlarni qoʻlga kiritadilar. Tanlov dunyo miqyosida oʻtkazilayotgani bois ishtirokchilar ingliz tilini yetarli darajada bilishlari lozim.

Ishtirokchilar quyidagi yoʻnalishlardan bir yoki bir nechtasi (qayta-qayta soʻrovnoma yuborish orqali) boʻyicha ariza berishlari mumkin:

  1. Sunʼiy Intellekt ustasi (The Master of Artificial Intelligence).
  2. Katta Axborot (Big Data).
  3. Turli yoʻnalishlar boʻyicha yil namunasi(Diversity Role Model of the Year).
  4. Eng zoʻr FinTex(Best FinTech).
  5. Yil Startapi (Startup of the Year).
  6. Xalq tanlovi (Peopleʼs Choice).
  7. Eng yaxshi yangi boshlovchi (Best Newcomer).
  8. Yil tashkilotchisi (Founder of the Year).
  9. Yilning eng yaxshi venchur kapitalisti (VC of the Year).
  10. Yilning eng yaxshi birgalikda ishlash muhiti (Best Co-working Space).
  11. Yilning eng yaxshi akselerator/inkubator dasturi (Best Accelerator/Incubator Program).

Dastur haqidagi toʻliq maʼlumot quyidagi video rolikda toʻliq yoritilgan. Taqdirlash marosimi 26-oktabr kuni Qozogʻistonning Nursulton shahrida, jonli tarzda oʻtkaziladi.

Maqbullik shartlari

  • Roʻyxatda keltirilgan davlatlardan birining fuqarosi boʻlish lozim (Oʻzbekiston qayd etilgan);
  • Nomzodning loyihasi oʻzi istiqomat qilayotgan mamlakatda tashkil etilgan boʻlishi lozim;
  • Startap faoliyatiga kamida 5 yil toʻlgan boʻlishi kerak (aksariyat nominatsiyalar uchun).

Muhim: Yuqoridagi talablar umumiy boʻlib, har bir nominatsiya uchun xususiy talablar mavjud. Yoʻnalishlarning mohiyati va ularga qoʻyilgan talablar bilan batafsil nominatsiyalar boʻlimida tanishish mumkin.

Foydali tomonlari

  • Homiylar tomonidan taqdim etiladigan qimmatli xizmatlar va mahsulotlarning afzalliklaridan bahramand boʻlish;
  • Butun dunyodagi taniqli sarmoyadorlar va sanoat mutaxassislari bilan bir soatlik onlayn suhbat oʻtkazish;
  • Global Startup Awards (GSA)ning mahalliy va global ijtimoiy media kanallari va axborot byulletenlari orqali reklama qilinish;
  • GSA sovrindorlari jamiyatiga qoʻshilish va ular bilan doimiy aloqa qilish imkoniyat;
  • Boshqa mamlakatlar, mintaqalar va qitʼalardan biznes imkoniyatlarni jalb qilish uchun milliy, mintaqaviy va global miqyosda tanilish va b. Imkoniyatlar.

Tanlovning manfaatli jihatlari, shuningdek, tanlovga taklif etiluvchi murabbiylar roʻyxati bilan batafsil bu yerda tanishish mumkin.

Hujjat topshirish

  1. Onlayn arizani toʻldirish (Dastlab ariza berish uchun taklifnoma xati toʻldiriladi, pochta orqali taklifnoma javobini olgach asosiy ariza toʻldiriladi).
  2. Nomzodning kompaniyasi logotipi (yuqori sifatli .png, .jpg formatda; maksimal hajm: 10 mb).
  3. Pitch Deck (yuqori sifatli .pdf formatda; maksimal hajm: 10 mb).
  4. Profil rasmi (yuqori sifatli .png, .jpg formatda; maksimal hajm: 10 mb).
  5. Facebook, Twitter, LinkedIn manzillari.

Muhim: Ariza toʻldirishdan oldin video-qoʻllanma bilan diqqat bilan tanishib chiqish shart! Arizani toʻldirish davomida qisqa savollarga aniq javob berish kerak. Bir nechta nominatsiyada qatnashish uchun yangi arizani qaytadan toʻldirish lozim.

Qoʻshimcha maʻlumotlar

Barcha arizalar ingliz tilida toʻldirilishi lozim. Eng kuchli nomzodlar Qozogʻistonda Hakamlar hayʼati tomonidan 11 ta nominatsiya boʻyicha aniqlanadi hamda ular bilan shaxsan bogʻlaniladi. Taqdirlash marosimi 26-oktabr, 2021-yilda Nursulton shahrida oʻtkaziladi. Qozogʻiston hamda Vengriya hukumati, shuningdek, hamkor tashkilotlar tanlovni tashkil etish boʻyicha homiylik qiladilar.

Qoʻshimcha maʼlumotlarni:

Qozogʻiston
Yevrosiyolik tadbirkorlarni har tomonlama qoʻllab-quvvatlashga qaratilgan Euro Asian Global Startup Awards mukofoti

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar