Yonsei University tomonidan koreys tilini bepul oʻrganish uchun “First step” onlayn kursi

Janubiy Koreyaning Younsei universiteti tomonidan koreys tilini oʻrganmoqchi boʻlganlar uchun maxsus onlayn kurslar tashkil etilgan. Ushbu kurslar Yonsei universitetining malakali professori Seung Hae Kang tomonidan olib boriladi va bunda barcha istagan paytda ishtirok etishi mumkin.

Ushbu boshlangʻich darajadagi koreys tili kursi 6 ta modul, 5 ta dars 4 boʻlimdan iborat boʻlib, kurs davomida ishtirokchilar oʻqish, yozish, tinglash va gapirish kabi koʻnikmalarini rivojlantira oladilar. Asosiy mavzular kundalik hayotda koʻp ishlatiladigan iboralarni oʻz ichiga oladi, masalan, salomlashish, oʻzini tanishtirish, oila va kundalik hayot haqida gapirish va hokazo. Har bir dars dialoglar, talaffuz, lugʻat, grammatika, viktorina va rolli oʻyinlarni oʻz ichiga oladi.

Kursni yakunlagan barcha ishtirokchilar maxsus sertifikatga ega boʻlish uchun maxsus toʻlovini amalga oshirishi kerak. Lekin sertifikat olmasdan bepul oʻrganish imkoni mavjud.

• Ushbu kursda koreys tilini boshlangʻich darajadan boshlab oʻrganishga qiziquvchi barcha ishtirok etishi mumkin.

Ushbu kurs orqali quyidagi imkoniyatlarga ega boʻlish mumkin:

• Ishtirokchilar koreys tilini noldan boshlab oʻrganish uchun 5 ta darsni istalgan payt bepul oʻrganish imkoniga ega boʻladi;
• Kurs oʻrgatish tili ingliz tili boʻlishiga qaramay, arab, fransuz, portugal, xitoy, italyan, vyetnam, turk, nemis, rus, ispan va shu kabi jami 22 tilda subtitr (tag lavha) berib boriladi;
• Kursni yakunlaganlik haqida sertifikatga ega boʻladilar;
• Kurs yakunlangandan soʻng koreys alifbosini bemalol oʻqish va yozish va ushbu tilda boshlangʻich soʻzlashuv uchun kerakli bilimga ega boʻladi;
• Koreys millatining madaniyatidan boxabar boʻladilar.

Kursda ishtirok etish uchun onlayn roʻyxatdan oʻtish zarur.

Kurs oʻquv rejasi haqida batafsil ushbu havola orqali maʼlumot olish mumkin.

Koʻp berilgan savollar va ularning javoblari haqida ushbu havola orqali tanishish mumkin.

Kursda ishtirok etish uchun moliyaviy yordam ham olish mumkin. Batafsil ushbu havola orqali maʼlumot olish mumkin.

Kursni yakunlagandan soʻng sertifikatga ega boʻlmoqchi boʻlganlar kurs toʻlovini toʻlashi kerak. Toʻlov toʻlash usullari haqida ushbu havola orqali bilib olish mumkin.