Yosh fotosuratchilar uchun Fransiyada xarajatlari qoplanadigan xalqaro rezidentlik dasturi — Young International Photography 2025

Yosh fotosuratchilar uchun xarajatlari toʻliq qoplanadigan xalqaro rezidentlik dasturi — Young International Photography 2025 taqdim etiladi. Jami 6 nafar nomzod saralab olinishi rejalashtirilgan.

Dasturdan asosiy maqsad yosh ijodkorlarni qoʻllab-quvvatlash, oʻz ijod namunalarini yaratish va tajribaga ega boʻlishda erkinlik berish, turli uchrashuvlar tashkil qilish orqali tajriba almashish hamda boshqa ishtirokchilar bilan fikr almashish imkoniyatini yaratishdan iborat.

Tanlangan ishtirokchilarga Pour lʼInstant assotsiatsiyasi tomonidan boshqariladigan Villa Perochon zamonaviy foto sanʼati markazi jamoasi tomonidan toʻliq texnik yordam koʻrsatiladi. Texnik markaz yaʼni oq-qora qorongʻi xona va professional uskunalar bilan jihozlangan raqamli ustaxona nomzodlarga foydalanish uchun ajratiladi.

Dastur 2025-yilning 10-aprelidan 28-aprelgacha Fransiyaning Nouvelle-Akvitaniya mintaqasidagi Niort shahrida boʻlib oʻtadi.

Rezidentlik dasturi doirasida 2 ta tadbir oʻtkaziladi:

1. Koʻrgazmaning ochilishi. Bunda ariza shaklida yuborilgan ijodiy ishlarning koʻrgazmasi boʻladi va u 2025-yil 4-apreldan dastur soʻnggiga qadar davom etadi. Koʻrgazmada ishlar asl nusxada yoki muallif tomonidan taqdim etilgan raqamli fayllar asosida Niortda chop etilgan suratlar koʻrinishida taqdim etiladi:
2. Koʻrgazmaning yopilishi. Jarayon dastur yakunlangandan boshlab 2025-yil may oyining oxiriga qadar oʻtkaziladi. Ishtirokchilardan dastur davomida ana shu koʻrgazma uchun maxsus ijodiy ish yaratishlari soʻraladi. Koʻrgazmaga qoʻyilgan asarlar soni boʻyicha hech qanday cheklov qoʻyilmaydi.

Dastur haqida batafsil ushbu havola orqali maʼlumot olish mumkin.

• Yoshi va kelib chiqishidan qatʼiy nazar barcha fotosuratchilar qatnashishi mumkin;
• Faqat yakka tartibda ishtirok etish talab qilinadi;
• Dastur davomida 2025-yil may oyida oʻtkaziladigan koʻrgazma uchun maxsus ijodiy ish yaratish soʻraladi;
• Koʻrgazma ochilishi uchun yaratilgan ishlar dastur boshlangunga qadar topshiriladi:
  • Fransiya hududida yashovchi ishtirokchilar tugallangan ijodiy ishlarini 2025-yil 15-fevralga qadar Niortga yetkazishni oʻz zimmasiga olishi kerak;
  • Fransiyadan tashqarida yashovchi nomzodlardan ishlarining asl nusxasini Niortga joʻnatishi soʻralishi mumkin (ishlarni tashish xarajatlari tashkilot tomonidan moliyalashtiriladi).

Eslatma: Tashkilot ijodiy ishlardan dasturga oid har qanday tadbirda foydalanish huquqiga ega va shu bilan birga ishtirokchilar oʻzlarida mualliflik huquqini saqlab qoladilar.

Nomzod kelajakda dastur davomida yaratilgan ijodiy ishlaridan foydalanish huquqiga ega. Bunday holda, muallif quyidagi maʼlumotni koʻrsatishi shart: “work created during the Encounters of Young International Photography in Niort (France) and produced by the Villa Pérochon-CACP”.

• Dasturda bepul qatnashish mumkin;
• Fransiyaga borish va qaytish xarajatlari qoplanadi;
• Turar joy, nonushta va kechki ovqat bilan taʼminlanadi;
• Rezidentlik dasturi uchun 500 yevro, koʻrgazmada qatnashish uchun 500 yevro (bir martalik) miqdorida grant beriladi;
• Mashhur fotograf va rejissyor Kortni Roy bilan uchrashish imkoniyati;
• Ishtirokchilarga toʻliq texnik yordam koʻrsatiladi;
• Ikkita koʻrgazma tashkil etiladi (ochilish va yopilish) va ochilish koʻrgazmasi uchun ketadigan barcha transport xarajatlari moliyalashtiriladi;
• Barcha fotograflarni uchrashtirish maqsadida press-tur (milliy va xalqaro matbuot ishtirokida) tashkil qilinadi.

Eslatma: Muallif tomonidan foto kolleksiyaga sovgʻa qilingan ishlarni tashkilot boshqa muassasalarga maʼlum muddatga berib turgan taqdirda, yil oxirida topilgan daromadning bir qismi ijodkorga qaytariladi.

Talab qilinadigan hujjatlar:

• Imzolangan ariza shakli. Ushbu havola orqali kerakli ariza shaklini topish mumkin;
• CV va ijodiy ishning mazmuni bayon qilingan matn (har bir matn uchun maksimal 1 sahifa);
• Tanlov uchun taqdim etiladigan ijodiy ishlar. Bunda suratlar, seriyalar va formatga nomzod oʻzi istaganicha yondashishi mumkin;
• Rezidentlik dasturida qatnashmoqchi boʻlayotganidan asosiy sabab (ixtiyoriy).

Dasturga ikki xil usulda ariza topshirish mumkin:

• Barcha kerakli hujjatlarni candidature-residence@cacp-villaperochon.com elektron manzilga yuborish orqali. Yozuvlar soni har bir seriya uchun 25 ta va maksimal 2 ta seriyagacha joʻnatish imkoniyati mavjud. Fayllar JPEG yoki PDF, MAC/PC formatda boʻlishi va ochish uchun hech qanday dasturiy taʼminotni yuklab olishni talab qilmasligi kerak.

Muhim: Nomzod hujjatlarni yetkazishda WeTransfer, Smash va boshqa fayl yuborish xizmatidan foydalanishi mumkin.

• Barcha kerakli hujjatlarni quyidagi manzilga pochta qilib yuborish orqali: Villa Pérochon-CACP
  BP 59135
  79061 NIORT Cedex 9
  France.

Eslatma: Pochta orqali ariza yuborayotganda yana hujjatlarni ortga qaytarish uchun oʻz manzili koʻrsatilgan va muhrlangan konvertni ilova qilish kerak. Chunki bundan konvertsiz yuborilgan barcha hujjatlar 2025-yil sentyabrdan boshlab yoʻq qilinadi.

• Dasturga hujjat topshirish uchun oxirgi muddat: 24-noyabr, 2024-yil;
• Dekabr oyida hakamlar hayʼati muhokamasi oʻtkaziladi va natijalar ham veb-saytda, ham Villa Perochonning ijtimoiy tarmoqlari orqali eʼlon qilinadi. Bundan tashqari, ommaviy axborot vositalariga press-reliz yuboriladi;
• Email: candidature-residence@cacp-villaperochon.com;
• Manzil: Villa Pérochon-CACP
  BP 59135
  79061 NIORT Cedex 9
  France.