Yosh jurnalistlar uchun Turkiyada 6 kunlik xalqaro media trening dasturi

13/04/2022 Qabul boshlanishi
Qisman Moliyalash turi
Turkiya Davlat
25/04/2022 01:59 Oxirgi muddat

Muhim tafsilotlar

Kimlar uchun

Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi
Dastur tili

Ingliz tili
Yosh chegarasi

18 yoshdan 30 yoshgacha

Doʻstlar bilan ulashing

Umumiy maʻlumotlar

Turkiya Respublikasi Yoshlar va sport vazirligi hamda Islom hamkorlik tashkilotiga aʼzo davlatlar yoshlarini jurnalistika, raqamli va ijtimoiy media masalalarini oʻrganishiga imkon beruvchi “ICYF International Media Training Camp” tashkil etadi.

Dasturning asosiy maqsadi:

Yosh jurnalistlarni digital storytelling — raqamli hikoyalar orqali axborotni samarali yetkazib berishlarini qoʻllab-quvvatlash.

Dastur davomida ishtirokchilar quyidagi bilim va tajribalarga ega boʻlishlari kutiladi:

Yosh jurnalistlarga raqamli media ishonchliligini tushunish va baholash imkoniyati beriladi;
Ishtirokchilar oʻrtasida ommaviy axborot vositalari haqidagi shaxsiy tajribalari va asosiy ommaviy axborot vositalarining noaniqligi baʼzan kichikroq jamoalar uchun qanday muammolarni keltirib chiqarishi bilan boʻlishish;
Turli jamoalarda yoshlar ommaviy axborot vositalarining ishtirokini ragʻbatlantirish;
Ishtirokchilarning ijtimoiy voqeliklarini aks ettiruvchi media ish yoʻnalishlari va strategiyalarini yaxshilash;
Jurnalistika sohasida maʼlumot qanchalik muhimligini anglash, yolgʻon maʼlumot va reportajlar tayyorlash davomida ishonchli manbalarda foydalanish;
OAV orqali yoshlarning meros, til, madaniyat va oʻzlikni anglash bilan bogʻliqligini mustahkamlash.

Dastur boʻlib oʻtadigan manzil va sana:

Marmarajik yoshlar lageri, Sarıyer, Istanbul, Turkiya
Erkaklar uchun: 4-9 iyun
Ayollar uchun: 11-16 iyun

Maqbullik shartlari

Islom hamkorlik tashkilotiga a'zo davlat fuqarosi boʻlishi (Oʻzbekiston bu roʻyxatda bor);
Nomzodlar 18-30 yosh oraligʻidagi ingliz tilida erkin muloqot qila oladigan boʻlishi;
Media sohasida oʻqish yoki ish tajribasiga ega boʻlishi yoki kuchli qiziqish bildirib buni koʻrsatib berishi kerak;
Media sohasiga aloqador tadbirlarda ishtirok etgan yoki tashkil qilgan boʻlishi;
Dastur uchun belgilangan kunlar davomida doimiy qatnashishi va kuchli qiziqish bildirishi talab etiladi.

Dastur talablari bilan ushbu havola orqali batafsil tanishib chiqish mumkin.

Foydali tomonlari

Turar-joy, oziq-ovqat va shahar ichidagi safar xarajatlari dastur tomonidan toʻliq moliyalashtiriladi;
Shuningdek, dastur tibbiy va sayohat sugʻurtasi xarajatlarini ham oʻz ichiga oladi;
Turkiya elchixonasi tomonidan viza olishdagi barcha jarayonlarda yordam beriladi, ammo ishtirokchilar viza xarajatlarini oʻzlari toʻlashlari soʻraladi;
Dastur ishtirokchilari oʻz davlatidan Turkiyagacha boʻlgan sayohat xarajatlarini o‘zlari toʻlashlari kerak;
Dastur davomida toʻliq va muvaffaqiyatli ishtirok etgan nomzodlarga ICYF va uning hamkorlari tomonidan sertifikatlar topshiriladi.

Dastur imtiyozlari bilan ushbu havola orqali batafsil tanishib chiqish mumkin.

Hujjat topshirish

Ushbu havola ustiga bosib ariza shakli bosqichma-bosqich toʻldiriladi;

Shaxsiy maʼlumotlar;

Dasturga nega qatnashmoqchiligi va maqsadlari haqida 300 soʻzdan iborat quyidagi mavzularda insho yozishlari soʻraladi:

Ushbu Media Camp dasturida qatnashish orqali qanday bilimlarga ega boʻlishlari va uni kelajak karyeralarida qanday foydasi boʻlishi haqida insho (max 300 so‘z);
Shu kungacha nechta ICYF tadbirlarida ishtirok etganliklari va ularning nomlarini sanab oʻtishlari kerak (max 300 soʻz);
Shu dasturga oʻxshash boshqa bir dasturlarda ishtirok etgan boʻlsalar oʻsha dasturcva undan nimalar oʻrganganliklari haqida (max 300 soʻz);
Qanday qilib oddiy fuqarolar yolgʻon xabarlarga ishonib qolishini oldini olish mumkin? mavzusida insho (max 300 soʻz).

Hujjat topshirishning oxirgi muddati:

Qabul jarayoni Toshkent vaqti bilan 25-aprel 01:59 gacha qabul qilinadi;
Saralab olinganlar roʻyxati 5-mayda eʼlon qilinadi;
Saralab olingan nomzodlarning elektron pochtalariga xabar keladi va keyin intervyu bo‘lib o‘tadi.

Rasmiy havola Hujjat topshirish