Yosh tadbirkorlar uchun to'la moliyalashtirilgan holda AQShda bir oylik amaliyot o'tash imkoniyati — Uzbekistan Business Leaders dasturi

AQSH davlat departamenti va AQShning xalqaro ta'lim uchun mas'ul elchixonasi bilan hamkorlikda biznes sohasida kamida ikki yillik tajribaga ega mutaxassislar uchun bir oylik toʻliq qoplanuvchi Uzbekistan Business Leaders dasturi e'lon qilinadi.

Dastur Oʻzbekistonlik yosh biznes egalariga 4 hafta mobaynida AQSH tajribasini oʻrganib, oʻz sohalariga oid turli xil seminar-treninglarda qatnashib tajriba orttirish imkoniyatini beradi.

Shuningdek, dasturning asosiy maqsadi — turli iqtisodiy va geografik hududlardagi yosh biznes yetakchilari va tadbirkorlarga innovatsiyalarning yangi shakllarini qoʻllab-quvvatlash, yetakchilikni kuchaytirish, Oʻzbekiston va AQShda xususiy sektorning iqtisodiy oʻsishi uchun zarur boʻlgan tajribalarni berish.

Dasturda yutganlar quyidagi tashkilotlardan biriga joylashtiriladi:

• kichik yoki o'rta tadbirkorlik subyekti;
• yirik kompaniya;
• universitet;
• notijoriy tashkilot;
• davlat agentligi;
• startap akselyatori.

Dasturning o'tkazilish vaqti: iyul-avgust oylari, 2024-yil.

Dasturning oldingi qatnashchilari va ularning tajribalari haqida ushbu havoladan batafsil bilib olish mumkin.

• Dasturga 27 yoshdan 50 yoshgacha boʻlgan hozirda Oʻzbekistonda yashayotgan Oʻzbekiston fuqarolari ariza topshirishlari mumkin (1974-yil, 9-apreldan keyin va 1996-yil 8-noyabrgacha tug'ilgan bo'lishi lozim);
• Kamida bakalavr darajasiga ega bo'lishi kerak;
• Biznes, tadbirkorlik, innovatsiyalar va mintaqaviy iqtisodiy rivojlanish yoʻnalishlarida eng kamida 5 yillik ish tajribasiga ega boʻlishlari kerak;
• Ogʻzaki va yozma ingliz tilini bilish darajasi yuqori boʻlishi talab etiladi (upper intermediate darajasida). IELTS/TOEFL kabi sertifikatlar shart emas, lekin mavjud bo'lsa, uni arizada ko'rsatish tavsiya etiladi;
• Shuningdek, nomzodlar liderlik va jamoa bilan oʻzaro ishlash qobiliyatiga ham ega boʻlishlari kerak.

• Sayohat, turar-joy, yashash va viza xarajatlari toʻliq moliyalashtiriladi;
• 4 haftalik treninglar davomida biznesda qanday qilib muzokara olib borish, hamkorlar bilan kelishuvlar, ularni ishontirish kabi koʻnikmalarni oʻzlashtirish imkoniyati mavjud;
• Amerikalik biznes hamkorlar bilan oʻzaro tajriba almashib, ular bilan shartnoma tuzib o‘zaro ishlash imkoniyati.

Arizalar faqatgina ushbu sayt orqali qabul qilinadi, emailga yuborilgan arizalar koʻrib chiqilmaydi.

Hujjatlarni yuborish bosqichlari:

1. Dastlab, nomzodlar saytda roʻyxatdan oʻtishlari kerak (Create Account qilib, Username va Password (parol) oʻrnatiladi) keyin, soʻralgan hujjatlarni oʻzlarining shaxsiy profillariga yuklaydilar.

Soʻraladigan hujjatlar roʻyxati:

1. CV yoki rezyume (ingliz tilida);
2. Xalqaro pasportning (qizil biometrik pasport) yuqori sifatda olingan elektron nusxasi;
3. Mahalliy pasportning (yashil biometrik pasport yoki ID karta) yuqori sifatda olingan elektron nusxasi;
4. 2 ta tavsiyanoma;
5. Nomzodning ikki tomonlama imzolagan shartnomasi nusxasi;
6. American Councils tomonidan xavfsizlik haqida imzolagan shartnoma nusxasi;
7. Pasportdagi kabi fotosurat (ushbu fotosurat nomzod mehmon boʻlib boradigan mezbon oilaga, ish joyiga, va dastur haqida chop etiladigan kitoblarda chiqishi mumkin);
8. va boshqa zarur hujjatlar soʻraladi.

Eslatma: Barcha hujjatlar onlayn yuklanadi. Arizani bir urinishda topshirish shart emas, kelgan joyidan davom ettirish imkoniyati mavjud.

Dastur bo‘yicha qo‘shimcha savollar bo‘lsa, ushbu email manzilga xabar yuborish mumkin.

Manzil: 

• Grand Business Center #307
• 12 Shota Rustaveli
• 100070 Tashkent, Uzbekistan
• Telefon raqam: +988 78 150 71 50

Tez-tez so'raladigan savollarga javoblar bu yerda.