Yosh tadbirkorlar uchun yetakchilik qobiliyatlarini rivojlantirish boʻyicha 6 oylik trening dasturi — The Westerwelle YFP. Gʻoliblar Germaniyaga bepul sayohat qiladi!

Westerwelle Young Founders Programme — Westerwelle Yosh Tadbirkorlar Dasturi bozorlarni barqaror kelajak sari olib borishda oʻz hissasini qoʻshayotga 25 nafar yosh tijoratchilar uchun moʻljallangan 6 oylik dasturdir.

Dasturdan koʻzlangan maqsad yosh tijoratchilarning yetakchilik qobiliyatlarini rivojlantirishga koʻmaklashish hamda taʼsischilar tashabbuslari orqali ularni qoʻllab-quvvatlashdan iborat. Dastur uch bosqichdan iborat:

• Kick-Off Conference - 2024-yil sentyabrda oʻtkaziladigan ikki kunlik raqamli (onlayn) boshlangʻich konferensiya;
• Remote Programme — 2024-yilning sentyabr-fevral (2025) oylarida shaxsiy murabbiy yordami, bitiruvchi talabalar bilan muloqotlar, har oy tengdoshlar bilan maslahatlashuvlar, har oy ekspert seminarlar va korporatsiyalar va investorlar bilan muloqot qilish imkoniyatlari mavjud boʻlgan 6 oylik dastur;
• Berlin Conference- 10 ta eng yaxshi ishtirokchilar tanlab olinib, 2025-yil iyunda sarmoyadorlar bilan Berlin shahrida boʻlib oʻtadigan 5 kunlik konferensiya.

Ushbu dasturning dastlabki bosqichlarini muvaffaqiyatli yakunlagan 10 nafar eng yaxshi ishtirokchi Germaniyaning Berlin shahrida oʻtkaziladigan 5 kunlik konferensiyada ishtirok etish imkoniyatiga ega boʻladi. Ishtirokchilarning barcha xarajatlari tashkilot tomonidan qoplab beriladi. Ushbu konferensiya davomida taʼsischilar sarmoyadorlar oldida chiqish qilish, seminarlarda qatnashish, turli tadbirlarga qoʻshilish hamda zarur maʼlumot olish, qolaversa, ishtirokchilar bilan oʻzaro bilan aloqalarni yoʻlga qoʻyish imkoniyatiga ega boʻlishadi.

• Nomzod yaqinda (oxirgi besh yil ichida) rivojlanishni boshlayotgan yoki rivojlanayotgan bozorlarga yoʻnaltirilgan tijorat kompaniyasiga ega boʻlishi lozim;
• Kompaniya daromad keltiradigan yoki tashqi moliyalashtirishning birinchi bosqichini taʼminlaydigan biznes modeliga ega boʻlishi kerak;
• Ingliz tilini yaxshi bilishi darkor;
• Asos solingan biznesning sanoat sifatini, taʼsirini yoki inklyuzivligini oshirish imkoniyatiga ega boʻlishi lozim;
• Onlayn konferensiyalarda hamda 6 oylik ushbu dasturda qatnashish imkoniyatiga ega boʻlishi zarur.

Dastur talablari bilan batafsil ushbu havola orqali tanishish mumkin.

Dasturga qabul qilingan ishtirokchilar quyidagi imtiyozlarga ega boʻladi:

• Ushbu dasturda bepul ishtirok etadilar;
• Saralangan 10 nafar ishtirokchilar 5 kun mobaynida Berlinda oʻtkaziluvchi konferensiyaga barcha xarajatlari moliyalashtiriladigan yoʻllanma olish imkoniyatiga ega boʻladi;
• Dastur davomida shaxsiy murabbiy yordami, bitiruvchi talabalar bilan muloqotlar, har oy tengdoshlar bilan maslahatlashuvlar, har oylik ekspert seminarlar va korporatsiyalar va investorlar bilan muloqot qilishlari mumkin boʻladi;
• Ushbu konferensiya davomida taʼsischilar sarmoyadorlar oldida chiqish qilish, seminarlarda qatnashish, tarmoq tadbirlariga qoʻshilish hamda zarur maʼlumot olish imkoniyatlariga ega boʻlishadi.

Dasturda ishtirok etish uchun nomzodlar onlayn ariza topshirishlari lozim.

Arizada talab qilinuvchi hujjatlar:

• StartUp haqidagi asosiy maʼlumotlar koʻrsatilgan qisqacha prezentatsiya;
• Asosiy moliyaviy maʼlumotlar (moliyalashtirish, daromadlar haqida);
• Ariza topshiruvchining LinkedLn profili hamda Rezyume\ CVsi;

Eslatma: Arizalarni toʻliq topshirish talab etiladi, toʻliq topshirilgan arizalargina koʻrib chiqiladi!

• Saralangan nomzodlar bilan intervyu 2024-yil 12-30 avgustda oʻtkaziladi;
• Barcha nomzodlar soʻnggi natijalar haqida 2024-yilning sentyabrida bildirishnoma olishadi.

Texnik muammolar yuzasidan murojaat uchun: evelyn.kwarteng@westerwelle-foundation.com