Yosh tadqiqotchilar uchun xarajatlari qoplanadigan 1 haftalik yozgi oromgoh — Hogwarts Camp 2026

Yangi Oʻzbekiston Universiteti (NewUU) tomonidan oʻz gʻoyasi ustida tadqiqot olib bormoqchi boʻlgan intiluvchan yoshlar uchun 1 haftalik yozgi oromgoh — Hogwarts Camp 2026 taqdim etiladi.

Dastur davomida ishtirokchilarga yoʻnalishlar boʻyicha taklif qilgan gʻoyalari ustida mentorlar koʻmagida tadqiqot olib borish imkoniyati beriladi. Har bir loyiha uchun 6 nafar ishtirokchi saralab olinadi.

Dasturning asosiy maqsadlari:

1. Tadqiqot koʻnikmalarini rivojlantirish: Ilm-fan, texnologiya, muhandislik, matematika va siyosatshunoslik sohalarida qimmatli bilim va amaliy tajriba orttirish. Buning uchun interaktiv seminarlar va tadqiqot jamoasi bilan davra suhbatlari tashkil etiladi.
2. Jonli hamjamiyatga qoʻshilish: Doimiy doʻstlik aloqalarini oʻrnatish, NewUU va undan tashqaridagi talabalar, mentorlar va professorlar bilan tarmoq yaratish, shuningdek, Hogwarts School of Witchcraft and Wizardryʼdagi hayot bilan yaqindan tanishish.
3. Yosh yetakchilarni shakllantirish: Kelajak loyihalari ustida ishlaydigan, Oʻzbekistonning kelajakdagi muammolarini hal qiladigan yosh olimlar, yetakchilar va jamiyat faollaridan iborat hamjamiyat yaratish.

Loyiha yoʻnalishlari:

• IT;
• Ekologiya va muhandislik;
• Taʼlim;
• Biznes va iqtisodiyot;
• Biokimyo va tibbiyot;
• Siyosat va ijtimoiy fanlar;
• Turizm.

Loyiha va tadqiqotlar ustida ishlash 2026-yilning may, iyun va iyul oylarida oʻtkaziladi va ishtirokchilarga 2026-yilning avgust oyida Toshkent yaqinidagi togʻlarda joylashgan “Renaissance Camp”da 1 haftalik bootcampda qatnashish imkoniyati beriladi.

Dastur haqida batafsil ushbu havola orqali maʼlumot olish mumkin.

• Dasturda maktab oʻquvchilari, universitet talabalari va Gap Year students (oʻquv bosqichlari orasida 1 yil tanaffus olgan talabalar) qatnashishi mumkin;
• Ingliz tilini dasturda qatnashish darajasida bilish lozim;
• Har bir tanlangan loyihaning ichki talablariga ham javob berish kerak.

• Dasturda bepul qatnashish mumkin;
• Turar joy bilan taʼminlanadi;
• Tajribali mutaxassislar tomonidan mentorlik yordami koʻrsatiladi;
• Investitsiya olish imkoniyati beriladi;
• 100%, 50% va toʻliq grantlar (1,700,000 soʻm) taqdim etiladi va u quyidagilarni qoplaydi:
  • Kuniga 4 mahal ovqat;
  • Renaissance Campʼga borish transport xarajatlari;
  • Sovgʻalar.

Dasturda qatnashishni istaganlar ushbu havola orqali ariza topshirishlari mumkin.

Ariza topshirish bosqichlari:

• Birinchi bosqich: Qisqa insho va CV topshirish.
• Ikkinchi bosqich: Tadqiqot qobiliyatlarini aniqlash uchun case study bajarish.
• Uchinchi bosqich: Intervyu. Bunda ishtirokchilarning xulq-atvori va tajribasini tahlil qiluvchi ijodiy savollar beriladi.

Hujjat topshirishda quyidagilar soʻraladi:

• Shaxsiy maʼlumotlar;
• Aloqa maʼlumotlari;
• Ota-onasi haqida maʼlumotlar;
• Yashash manzili;
• Oʻqish joyi haqida maʼlumotlar;
• Nomzodda mavjud ijtimoiy tarmoqlar;
• CV;
• Loyiha yoʻnalishi tanlanadi:
  • Empowering Small Businesses;
  • Institutions and Inequality;
  • Private AI Systems;
  • Smart Energy Systems;
  • Wastewater treatment;
  • Applied Biochemistry in Health Research;
  • Global management;
  • Institutions, Inequality and Houshold Welfare;
  • AI in Tourism Industry;
  • Smart Demand Forecasting System;
  • Virtual Property and digital ownership;
  • Teacher Indentity Lab;
  • AI Agent Training on Company Data;
  • GreenCycle Project.
• Loyihaga doir savollarga javob.

Eslatma: Grantga ariza topshirish uchun badal sifatida 25,000 soʻm miqdorida hissa qoʻshish soʻraladi.

Ariza toʻliq ingliz tilida toʻldiriladi.

• Dasturga hujjat topshirish uchun oxirgi muddat: 20-mart 2026-yil;
• Tel: +998 93-755-77-52/+998 71-202-41-11;
• Email: schoolinfo@newuu.uz / info@newuu.uz;
• Loyihalar/Tadqiqotlar haqida batafsil maʼlumot bu yerda;
• Hogwarts School haqida qoʻshimcha maʼlumot bu yerda.

Quyidagi ijtimoiy tarmoqlar orqali qoʻshimcha maʼlumot olish mumkin:

• Telegram;
• Instagram;
• YouTube;
• Linkedin.