Yosh tijoratchilar uchun yetakchilik qobiliyatlarini rivojlantirishga qaratilgan 6 oylik Westerwelle Young Founders Programme dasturi. Ishtirokchilar Berlinda o’tkaziluvchi 5 kunlik konferensiyaga borish imkoniyatiga ham ega bo'lishlari mumkin

Westerwelle Young Founders Programme - Westerwelle Yosh Tijoratchilar Dasturi bozorlarni barqaror kelajak sari olib borishda o’z hissasini qo’shayotgan 25 nafar yosh tijoratchilar uchun mo’ljallangan 6 oylik dasturdir.

Dastur maqsadi - yosh tijoratchilarning yetakchilik qobiliyatlarini rivojlantirishga ko’maklashish hamda ta’sischilar tashabbuslari orqali ularni qo’llab-quvvatlashdan iborat.

Dastur uch bosqichdan iborat:

Kick-Off Conference - 2021-yilning oxirgi haftasida o’tkazilinadigan 2 kunlik raqamli boshlang’ich konferensiya;

Remote Programme - 2021-yilning Oktyabr oyidan 2022-yilning mart oyiga qadar shaxsiy murabbiy yordami, bitiruvchi studentlar bilan muloqotlar, har oy tengdoshlar bilan maslahatlashuvlar, har oylik ekspert seminarlar va korporatsiyalar va investorlar bilan muloqot qilish imkoniyatlari mavjud bo’lgan 6 oylik dastur;

Berlin Conference- 10 ta eng yaxshi ishtirokchilar tanlab olinib, 2022-yil bahorida sarmoyadorlar bilan Berlin shahrida bo’lib o’tadigan 5 kunlik konferensiya.

• Oxirgi besh yil ichida rivojlanishni boshlayotgan yoki rivojlanayotgan bozorlarga yo’naltirilgan tijorat kompaniyasini boshlagan bo’lish;
• Kompaniya daromad olayotgan yoki tashqi tomondan birinchi moliyaviy yordam (investitsiya, grant) olgan bo'lishi;
• Asos solingan biznesning sanoat sifatini, ta'sirini yoki inklyuzivligini oshirish imkoniyatiga ega bo'lishi;
• Ingliz tili bilish darajasining yaxshi bo’lishi;
• Raqamli konferensiyalarga qatnashishga hamda 6 oy davomida dasturga qatnashish imkoniga ega bo’lishi.

• Shaxsiy murabbiy yordami, bitiruvchi studentlar bilan muloqotlar, har oy tengdoshlar bilan maslahatlashuvlar, har oylik ekspert seminarlar va korporatsiyalar va investorlar bilan muloqot qilish imkoniyatlari (Remote Programme dasturi doirasida);
• 5 kun mobaynida Berlinda o’tkaziluvchi konferensiyaga yo’llanma olish imkoniyati;
• Konferensiya davomida ta'sischilar sarmoyadorlar oldida chiqish qilish, seminarlarda qatnashish, tarmoq tadbirlariga qo'shilish hamda zarur ma'lumot olish imkoniyatlariga ega bo'lishadi.

Arizalar onlayn tarzda quyidagi havola orqali topshiriladi.

Arizada talab qilinuvchi hujjatlar:

• StartUp haqidagi asosiy ma’lumotlar ko’rsatilgan qisqacha prezentatsiya;
• Asosiy moliyaviy ma’lumotlar (moliyalashtirish, daromadlar haqida);
• Ariza topshiruvchining LinkedLn profili hamda Rezyume\ CVsi;

Eslatma: Arizalarni to’liq topshirish talab etiladi, to’liq topshirilgan arizalargina ko’rib chiqiladi!

• Saralangan nomzodlar bilan intervyu 2021-yilning 13-17-sentyabr kunlari o’tkaziladi;
• Barcha nomzodlar so’nggi natijalar haqida 2021-yilning 20-sentyabrigacha bildirishnoma olishadilar;
• Ma’lumot uchun: https://us02web.zoom.us/meeting/register/tZclfuiurzovG9WVXi_GkbcF3Mr1z_QWM7kF
• Texnik muammolar yuzasidan murojaat uchun: office@westerwelle-foundation.com