Yosh yetakchilar uchun Istanbulda toʻliq moliyalashtiriladigan 4 kunlik sammit — Global Change Summit 2025

Xalqaro Global Policy and Dialogue tashkiloti 2025-yil 12-15-dekabr kunlari Turkiya davlatining Istanbul shahrida boʻlib oʻtadigan Global Change Summit 2025 dasturini eʼlon qiladi. Dasturda uch kategoriya boʻyicha qatnashish mumkin:

1. Toʻliq moliyalashtiriladigan (Fully Funded)- $15.9 badal puli mavjud.
2. Qisman moliyalashtiriladigan (Summit Acsess Only)- $199 badal puli mavjud;
3. Ishtirokchi tomonidan moliyalashtiriladigan (Self-Funded)- $499 badal puli mavjud.

Dasturda akademik holati va fuqaroligidan qatʼi nazar barcha nomzodlar ishtirok etishi mumkin. Nomzodlar oʻz ishtiroklari orqali xalqaro siyosatga oʻz hissasini qoʻshish va oʻzgartirish kiritish, xalqaro yetakchilar va turli soha mutaxassislari bilan tajriba almashish imkonini qoʻlga kiritishadi. Toʻliq moliyalashtiriladigan kategoriyada nomzodlarning yoʻl xarajatlaridan tortib, turar-joy va oziq-ovqat xarajatlarigacha barchasi dastur maʼmuriyati tomonidan qoplanadi. 

Dasturga roʻyxatdan oʻtish jarayoni 2025-yil 15-oktyabr.

Dastur haqida ushbu havola orqali toʻliq maʼlumot olish mumkin.

Dasturda ishtirok etish uchun quyidagi talablar mavjud:

• Dasturda 16-35 yoshdagi dini, irqi, millati va fuqaroligidan qatʼi nazar barcha nomzodlar ishtirok etishlari mumkin;
• Ishtirokchilarning akademik holati boʻyicha talablar mavjud emas. Yaʼni dasturda yuqori sinf, kollej va litsey oʻquvchilari, talabalar, yosh mutaxassislar va yetakchilar ishtirok etishi mumkin;
• Ingliz tilini bilish kerak;
• Dasturda kelajakda oʻzgarish qilish va oʻz hissasini qoʻshish istagida boʻlgan barcha nomzodlar qatnashishlari mumkin.

Dastur talablari haqida ushbu havola orqali maʼlumot olish mumkin.

Dasturda uch kategoriya mavjud boʻlib, ularning quyidagi foydali jihatlari mavjud:

1. Toʻliq moliyalashtiriladigan (Fully Funded):

• Turkiyaga borish-kelish xarajatlari qoplanadi;
• Turarjoy bilan taʼminlanadi;
• Viza uchun taklif xati joʻnatiladi va dastur davomida yordam beriladi;
• Sammit davomida bepul oziq-ovqat bilan taʼminlanadi;
• Dasturga tegishli jihozlar va aksessuarlar bilan taʼminlanadi;
• Dastur soʻnggida sertifikat taqdim etiladi.

1. Qisman moliyalashtiriladigan (Summit Acsess Only):

• Yotoqxona xarajatlari qoplanadi;
• Viza uchun taklif xati joʻnatiladi va dastur davomida yordam beriladi;
• Sammit davomida bepul oziq-ovqat bilan taʼminlanadi;
• Dasturga tegishli jihozlar va aksessuarlar bilan taʼminlanadi;
• Dastur soʻnggida sertifikat taqdim etiladi.

1. Ishtirokchi tomonidan moliyalashtiriladigan (Self-Funded):

• Ushbu kategoriya boʻyicha xarajatlar toʻliq ishtirokchilar tomonidan qoplanadi.

Shuningdek, barcha dastur qatnashchilari:

• Nutq soʻzlovchilar va soha mutaxassislari bilan muloqot qilish, mavzu doirasida nutq soʻzlash imkonini qoʻlga kiritadi;
• Barcha seminar, dars va tadbirlarda toʻliq qatnashish mumkin boʻladi;
• Turkiya davlatida boʻlish va uning madaniyati bilan tanishish imkoni yaratiladi.

Dasturga roʻyxatdan oʻtish jarayoni quyidagicha:

• Dasturda uch kategoriya mavjud. Lekin roʻyxatdan oʻtish jarayonida barcha kategoriya uchun toʻliq moliyalashtiriladigan kategoriya boʻyicha ariza topshirish lozim. Ariza topshirilgandan soʻng, ular maxsus ekspertlar tomonidan koʻrib chiqiladi va uch kategoriyadan biriga tavsiya qilinadi;
• Ariza shaklida soʻralgan barcha maʼlumotlarni toʻldirish lozim;
• Roʻyxatdan oʻtish uchun $15.9 badal puli mavjud. Ushbu badal puli toʻliq moliyalashtiriladigan kategoriya uchundir. Ushbu kategoriyaga saralab olinmagan nomzodlar boshqa kategoriyaga tavsiya qilinadi va qoʻshimcha toʻlov qilishlari kerak boʻladi.

Dasturga ushbu havola orqali roʻyxatdan oʻtish mumkin.

Roʻyxatdan oʻtish boʻyicha texnik muammolar tugʻilgan taqdirda ushbu havola orqali murojaat qilish mumkin.

Muhim sanalar:

1. Roʻyxatdan oʻtish jarayoni: 2025-yil 15-oktyabr;
2. Dastur boʻlib oʻtishi: 2025-yil 12-15-dekabr kunlari.

Maʼlumot uchun:

Tel: +447401814648;

E-mail: info@theogpd.org.