Yosh yetakchilar uchun Qozon shahrida boʻlib oʻtadigan xalqaro tanlov - BRICS and SCO Young Leaders Award
-
10/07/2025 Qabul boshlanishi
-
Mukofot Moliyalash turi
-
Rossiya Davlat
-
18/07/2025 01:59 Oxirgi muddat
Umumiy maʻlumotlar
18-19-avgust kunlari Tataristonning Qozon shahrida uchinchi bor “BRICS and SCO Young Leaders Award” dasturi tashkil etiladi. Bu dastur BRICS va ShHT aʼzo davlatlaridan boʻlgan yosh yetakchilarni aniqlash va qoʻllab quvvatlash maqsadida tashkil qilingan.
Dastur gʻoliblari quyidagi 5 nominatsiya boʻyicha aniqlanadi:
- Yilning eng yosh Media influenseri;
- Yilning eng yaxshi ijtimoiy yechimi;
- Yilning eng yaxshi tadqiqot&innovatsion loyihasi;
- Yilning eng yaxshi xalq diplomatiyasi loyihasi;
- Yilning eng yaxshi eko-tashabbuskori.
Dastur gʻoliblariga mukofot kubogi, dastur buyumlari, Mukofot Tashkilotchilar Qoʻmitasining rasmiy sertifikati, shuningdek, Qozondagi rasmiy marosim hamda tegishli professional va madaniy tadbirlarda qatnashish uchun taklifnoma taqdim etiladi.
Dasturga arizalarni qabul qilish jarayoni 2025-yil 17-iyul, Oʻzbekiston vaqti bilan 18-iyul 01:59 gacha davom etadi.
Dastur haqida ushbu havola orqali batafsil maʼlumot olish mumkin.
Maqbullik shartlari
Dastur umumiy shartlari quyidagilardan iborat:
- Nomzodlar 18-35 yosh oraligʻida boʻlishi lozim;
- Nomzodlar taqdim etadigan loyihalar 2024-2025-yil oraligʻida BRICS yoki ShHT hududida muvaffaqiyatli yoʻlga qoʻyilgan boʻlishi hamda maʼlum bir darajada ijtimoiy taʼsirga ega boʻlishi kerak.
- Tanlovga oid loyiha mualliflari, rahbarlar yoki asoschilar qatnashishlari mumkin. (Ishtirokchilar BRICS yoki ShHT aʼzosi bo'lishi kerak. Oʻzbekiston ikkala tashkilotga ham aʼzo hisoblanadi).
Muhim! Shuningdek, dastur doirasida 5 nominatsiya mavjud boʻlib, har bir nominatsiya uchun maxsus qoʻshimcha talablar ham mavjud. Maxsus shartlar haqida ushbu havola orqali toʻliq maʼlumot olish mumkin.
Foydali tomonlari
Dastur gʻoliblariga quyidagilar taqdim etiladi:
- Mukofot kubogi;
- Dastur buyumlari;
- Mukofot Tashkilotchilar Qoʻmitasining rasmiy sertifikati;
- Qozondagi rasmiy marosim hamda tegishli professional va madaniy tadbirlarda qatnashish uchun taklifnoma.
Qoʻshimcha maʻlumotlar
Qoʻshimcha savollar, hamkorlik yoki nominatsiyalarga tegishli savollar uchun loyiha koordinatori Juliya Devyatilovaga quyidagilar orqali murojaat qilish mumkin:
E-mail: mailto:academy@youthdiplomacy.ru;
Tel: +79136944564.