Yoshi va ijtimoiy kelib chiqishidan qatʼi nazar, barcha uchun moʻljallangan “WikiOromgoh
  • 19/07/2022 Qabul boshlanishi
  • Toʻliq Moliyalash turi
  • Oʻzbekiston Davlat
  • 26.07.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Maktab o'quvchilari (9-sinfgacha), Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    O'zbek tili
  • Yosh chegarasi
    Chegaralanmagan

Sohalar

Doʻstlar bilan ulashing

Umumiy maʻlumotlar

“Vikipediya oromgohi”ni tashkil qilishdan asosiy maqsad Vikipediya onlayn ensiklopediyasida oʻzbek tilidagi maqolalar sonini oshirish. Bir hafta davom etadigan mazkur oromgohda ishtirokchilar Vikipediya administratorlari tomonidan mahorat darslari, taniqli ijodkorlar, blogerlar, ishbilarmonlar bilan uchrashuvlar va boshqa qiziqarli mashgʻulotlarda qatnashish imkoniga ega boʻladilar.

“WikiOromgoh”da 19-iyul soat 00:00 dan 26-iyul soat 00:00 ga qadar Vikipediyaga kamida 10 ta sifatli maqola joylagan ishtirokchilar qatnasha oladi. Eng muhimi esa yosh chegaralanmagan! Maqolalar ensiklopedik ahamiyatga ega va Vikipediya qonun-qoidalariga mos tarzda yaratilishi kerak.

Anketada foydalanuvchi sahifasining havolasini kiritmagan va notebook yoʻq, deb belgilagan ishtirokchilar saralashda qatnasha olmaydi.

Maqbullik shartlari

Dasturda qatnashish uchun quyidagi talablar mavjud:

  • Oʻzbekiston Respublikasida istiqomat qilayotgan millati, dini, ijtimoiy kelib chiqishi va tilidan qatʼiy nazar barcha fuqarolar Oromgohda ishtirok etish huquqiga ega;
  • Dasturda yosh chegarasi belgilanmagan;
  • Oromgohda ishtirok etishni istovchilar eʼlon qilingan manzilga kirib anketa toʻldirishlari kerak;
  • Oromgohda ishtirok etishni istovchilar Vikipediyaning oʻzbek tilidagi boʻlimida roʻyxatdan oʻtgan va saralash jarayonlari boshlangandan yakuniga qadar ikkita nufuzli manbaga ega 10 dona maqola yaratgan boʻlishi shart;
  • Maqolalar ensiklopedik ahamiyatga ega va vikipediya qonun-qoidalariga mos tarzda yaratilishi kerak. Bu talablarga javob bermaydigan maqolalar oʻchiriladi;
  • Oʻchirilgan maqolalar hisoblanmaydi. Bu holatda maqolalar soni 10 ta deb hisoblanmaydi va ishtirokchi saralashdan chiqariladi;
  • Anketada foydalanuvchi sahifasining havolasini kiritmagan va notebook yoʻq deb belgilagan ishtirokchilar saralashda qatnasha olmaydi.

Eslatma! Tashkiliy qoʻmita Oromgoh nizomiga oʻzgartirish va qoʻshimchalar kiritish vakolatiga ega.

Dasturda qatnashish talablari bilan batafsil ushbu havola orqali tanishish mumkin.

Eslatma! Dastur haqidagi batafsil maʼlumotlarni dastur nizomidan topish mumkin.

Foydali tomonlari

Dasturning quyidagi foydali jihatlari mavjud:

  • Oromgoh Boʻstonliq tumanida joylashgan yoshlar oromgohida 6 kun davomida tashkil etiladi;
  • Saralashdan oʻtgan ishtirokchilarning barcha xarajatlari tashkilot tomonidan qoplab beriladi (Viloyatdan keladigan ishtirokchilarning Toshkent shahriga kelish va qaytish xarajatlari bundan mustasno).

Oromgohni oʻtkazish bilan bogʻliq sarf-xarajatlar quyidagi manbalar hisobidan:

– Davlat byudjeti mablagʻlari;

– Qonun hujjatlarida taqiqlanmagan boshqa manbalar hisobidan

moliyalashtiriladi.

Dasturning foydali jihatlari haqida ushbu havola orqali batafsil maʼlumot olish mumkin.

Hujjat topshirish

Oromgohni tashkil etish va uni oʻtkazish vazifasi Yoshlar ishlari agentligi zimmasiga yuklatiladi.

Yoshlar ishlari agentligi:

– Oromgohni oʻtkazish borasida qaror qabul qiladi;

– Oromgohning asosiy bosqichlari va tartib-qoidalari haqida ishtirokchilarni xabardor qiladi;

– Barcha ishtirokchilar uchun teng sharoitlarni yaratadi;

– Oromgohni oʻtkazish borasida oshkoralikni taʼminlaydi;

– Muddatidan oldin Oromgohga saralash natijalari haqida maʼlumotlar tarqalishining oldini olish choralarini koʻradi;

– Oromgoh ishtirokchilari oʻrtasida yuzaga keladigan nizolarni hal etadi;

– Mazkur Nizomga asoslangan holda Oromgohning oʻtkazilishini tashkil etadi

Dasturda ushbu havola orqali roʻyxatdan oʻtish mumkin.

Qoʻshimcha maʻlumotlar

Oromgohning maqsad va vazifalari

1. Mazkur Oromgoh Vikipediya onlayn ensiklopediyasida oʻzbek tilidagi maqolalar sonini oshirish maqsadida tashkil etiladi.

2.Oromgohni tashkil etish orqali quyidagi vazifalar bajarilishi koʻzda tutiladi:

– Vikipediya onlayn ensiklopediyasida oʻzbek tilidagi maqolalar sonini oshirish;

– Jamiyatimizdagi aktual mavzularni Vikipediyada muntazam yoritib borish;

– Vikipediyada sifatli maqola yaratuvchi volontyorlar sonini oshirish;

– Vikipediyada maqola yaratuvchi foydalanuvchilarning tajribasini oshirish.

Dastur nizomi bilan ushbu havola orqali tanishib chiqish mumkin.

Dastur haqida ushbu havola orqali telegram kanalidan ham batafsil maʼlumot olish mumkin.

Oʻzbekiston
Yoshi va ijtimoiy kelib chiqishidan qatʼi nazar, barcha uchun moʻljallangan “WikiOromgoh"

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar