Yoshidan qatʼi nazar barcha uchun Buyuk Britaniyaning nufuzli Kembrij universitetidan bepul onlayn kurslar

Buyuk Britaniyaning eng nufuzli Kembrij universiteti 800 yildan ortiq vaqt davomida koʻplab kashfiyotlarga sabab boʻlgan tadqiqotlarini olib bormoqda. Uning talabalari va tadqiqotchilari innovatsion yangilik yaratishga, dunyodagi oʻzgarishlarga ijobiy hissa qoʻshishga intiluvchi olimlardan iborat. Kembrij universiteti tomonidan bepul onlayn kurslar taqdim etiladi.

Dasturdan asosiy maqsad butun dunyo boʻylab yoshlarni taʼlim olish, oʻrganish va tadqiqot qilishga intilishga ragʻbatlantirishdan iborat. Bundan tashqari, universitet butun dunyo boʻylab oʻquvchilarga Kembrijning bilim va kashfiyotga boʻlgan ishtiyoqidan bahramand boʻlish imkoniyatini beradi.

Dastur doirasida quyidagi kurslar taqdim etilmoqda:

• Foundations of Finance;
• The Psychology of Emotions: An Introduction to Embodied Cognition;
• Introduction to Cognitive Psychology and Neuropsychology;
• Financial accounting and capital markets;
• Learning and memory in the brain: a guide for teachers;
• Building your Screenplay;
• Stand Up!; Comedy Writing and Performance Poetry;
• Digital Platforms in Performance;
• Building stakeholder value;
• Finding your voice as a playwright;
• Writing successfully for the Stage;
• Business Success in the Screen Industries;
• Reconceiving Space: Installation and Performance Art;
• Forensic Science: DNA Analysis;
• The Neuropsychology of Decision Making.

Maʼlumot uchun: Universitetda olib borilgan atomni parchalashga va DNK tuzilishini tushunishga olib kelgan kashfiyotlar bugungi kunda iqlim oʻzgarishini yumshatishdan tortib, keyingi pandemiyaning oldini olish va ijtimoiy tengsizliklarni hal qilishgacha boʻlgan dunyodagi eng dolzarb muammolarni hal qilishga yordam beradi. Global miqyosdagi xilma-xil fikrga ega odamlardan iborat hamjamiyatga ega boʻlgan universitetda 100 dan ortiq mamlakatlardan 19 000 dan ortiq talabalar taʼlim oladi. Hozirda butun dunyo boʻylab 200 000 nafar bitiruvchilari mavjud.

Dastur haqida batafsil ushbu havola orqali maʼlumot olish mumkin.

• Yoshi va kelib chiqishidan qatʼi nazar dasturga qiziqqan barcha qatnashishi mumkin;
• Ingliz tilini dasturda qatnashish darajasida bilish lozim;
• Nomzodlar tanlangan kurs boʻyicha boshlangʻich bilimga ega boʻlishlari kerak.

Eslatma: Yuqoridagilar nomzodlarga qoʻyilgan umumiy talablardir. Shuning uchun tanlangan kursning ichki talablari bilan ham tanishib chiqish lozim.

• Ishtirokchilar tanlangan kurslarni istalgan paytda bepul oʻrganishlari mumkin;
• Dastur masofaviy (onlayn) shaklda oʻtkaziladi;
• Kurslar universitetning eng mahoratli professorlari tomonidan olib boriladi.

Muhim: Kurs qatnashchilari maʼlum miqdordagi toʻlovni amalga oshirish orqali Kembrij universiteti tomonidan rasmiy tasdiqlangan sertifikatga ega boʻlishlari mumkin.

Dasturda qatnashishni istaganlar ushbu havola orqali kerakli kursni tanlab ariza topshirishi mumkin.

Eslatma: Ariza toʻliq ingliz tilida toʻldirilishi kerak.

Dastur haqida quyidagi ijtimoiy tarmoqlar orqali ham qoʻshimcha maʼlumot olish mumkin:

• Facebook;
• Twitter;
• Linkedin;
• Reddit.