Yoshidan qat’i nazar barcha uchun Kanadaning turli shaharlariga bepul sayohat qilish imkonini beruvchi Cultural Exchange Program dasturi

Kanada davlati tomonidan tashkillashtirilgan The Discover Canada – Cultural Exchange Program dasturi Kanadaning boy tarixi, xilma-xilligi, madaniyati va uning jahon miqyosida tutgan oʻrnini dunyo xalqlariga tanitish maqsadida tashkillashtirilgan. Dasturda yoshi, millati va akademik darajasidan qatʼi nazar ijtimoiy tarmoqlarda faol, ingliz tilini muloqot darajasida biladigan barcha nomzodlar qatnashishlari mumkin. Dastur 5 kun (2025-yil 20-25-may) davom etadi va bu jarayonda qatnashchilar Kanadaning Toronto, Montreal, Ottava, Hamilton shaharlari, Niagara sharsharasi kabi diqqatga sazovor joylarida boʻlish va bu jarayonda tabiat qoʻyniga sayohat qilish, qayiqda sayr qilish, muzeylarga tashrif buyurish imkoniga ega boʻlishadi. Dasturga 25 ta ishtirokchi saralab olinadi va ularning Kanada sayohatidagi barcha xarajatlari qoplab beriladi.

Dasturga qabul jarayoni 2025-yil 18-martgacha davom etadi.

Dastur haqida ushbu havola orqali batafsil maʼlumot olish mumkin.

Dastur qatnashchilariga quyidagi talablar qoʻyilgan:

• Dasturda yoshi, millati va akademik darajasidan qatʼi nazar barcha fuqarolar qatnashishlari mumkin;
• Ijtimoiy tarmoqlarda faol boʻlishlari lozim. Saralash jarayonida ijtimoiy sahifalarining (Facebook, Instagram, Twitter va boshqalar) faolligi, sifati, mazmuni hamda obunachilar soniga alohida eʼtibor qaratiladi;
• Qatnashchilar ingliz tilini bemalol muloqot qila olish darajasida bilishlari kerak;
• Avval sayohat qilgan va bu borada tajribaga ega nomzodlarga saralash jarayonida ustunlik beriladi;
• Nomzodlarning yetakchiligi, ijtimoiy faolligi va bu boradagi tajribasiga ham alohida eʼtibor qaratiladi;
• Kanada madaniyatiga qiziqishlari lozim;
• Nomzodlarning muzey, madaniyat sohasidagi tadbirlar va shu kabi ishlardagi ishtiroki va faolligi ham saralash jarayonida muhim rol oʻynaydi.

Dastur talabalari haqida ushbu havola orqali batafsil maʼlumot olish mumkin.

Dasturning quyidagi foydali jihatlari mavjud:

• Turar-joy bilan taʼminlanadi;
• Bir kunda 3 mahal bepul oziq-ovqat beriladi;
• Dastur jarayonida muzeylarga borish uchun tekin biletlar taqdim etiladi;
• Dastur davomida bir joydan ikkinchi joyga borish uchun bepul transport bilan taʼminlanadi;
• Dastur davomida Kanadaning Toronto, Montreal, Ottava, Hamilton shaharlari, Niagara sharsharasi kabi diqqatga sazovor joylarida boʻlish va bu yerlarda tabiat qoʻyniga sayohat qilish, qayiqda sayr qilish, muzeylarga tashrif buyurish imkoni paydo boʻladi;
• Ishtirokchilar Kanadaning madaniyati, qadriyatlari bilan shaxsan tanishish imkoniga ega boʻlishadi;
• Shuningdek, 1 nafar eng yaxshi ishtirokchiga Apple Store Gift Card uchun 1500 kanada dollari miqdoridagi pul taqdim etiladi;
• Barcha saralangan ishtirokchilarga taklif xati joʻnatiladi va viza olish jarayonida qoʻllab-quvvatlanadi.

Eslatma! Kanadaga borish va qaytish yoʻl xarajatlari dastur maʼmuriyati tomonidan qoplanmaydi.

Dastur foydali tomonlari haqida ushbu havola orqali toʻliq maʼlumot olish mumkin.

Dasturga roʻyxatdan oʻtish jarayonida quyidagi maʼlumotlar soʻraladi:

• Shaxsiy maʼlumotlar;
• Oldingi sayohat boʻyicha maʼlumotlar (mavjud boʻlsa);
• Ijtimoiy sahifa hisoblari va ularga havolalar;
• Til bilish darajasi;
• Nomzodning Kanada madaniyatiga boʻlgan qiziqishlari izohi va dasturda qatnashishdan maqsadi;
• Dasturdan kutilayotgan natijalar bayoni;
• Karta raqami va maʼlumotlari.

Dasturga qabul jarayoni 2025-yil 18-martgacha davom etadi.

Eslatma! Roʻyxatdan oʻtish uchun $46 miqdorida badal puli mavjud.

Dasturga ushbu havola orqali roʻyxatdan oʻtish mumkin.

Muhim sanalar:

• 2025-yil 18-mart-Arizalarni qabul qilish jarayoni yakunlanadi;
• 2025-yil 28-mart- Saralangan nomzodlar eʼlon qilinadi;
• 2025-yil 20-25-may- Dastur boʻlib oʻtadi.

Maʼlumot uchun:

-Tel: +1 (905) 868-7476;

-E-mail: info@candiscover.com;

-Instagram.