Yoshidan qatʼi nazar barcha uchun koreys tili tanlovida qatnashib pul mukofoti yutib olish imkoniyati
-
04/03/2024 Qabul boshlanishi
-
Mukofot Moliyalash turi
-
Koreya Davlat
-
28/04/2024 19:59 Oxirgi muddat
Umumiy maʻlumotlar
Koreya davlati tomonidan The Korean Times tashabbusi ostida birinchi bor Korean Language Speaking Contest 2024 tashkil qilindi. Tanlovda koreys tilini biladigan barcha fuqarolar, shuningdek, ona tili koreys tili boʻlmagan, etnik jihatdan koreys millatiga mansub nomzodlar ishtirok etishlari mumkin. Dasturda qatnashish uchun nomzodlar koreys madaniyatiga qiziqishlari yoki nima uchun bu tilga mehr qoʻyganliklarini haqida 3 daqiqalik videoda yoritib bera olishlari soʻraladi. Besh nominatsiya boʻyicha jami 9 ta nomzodga jami 4 million 800,000 von (taxminan $3550) miqdorda mukofot puli ajratiladi.
Dasturga qabul jarayoni 2024-yil 4-martdan 28-aprelgacha davom etadi.
Dastur haqida ushbu havola orqali toʻliq maʼlumot olish mumkin.
Maqbullik shartlari
Dasturda ishtirok etish uchun quyidagi talablar mavjud:
- Tanlovda koreys tilini biladigan barcha davlat fuqarolari, shuningdek, ona tili koreys tili boʻlmagan, etnik jihatdan koreys millatiga mansub fuqarolar ishtirok etishlari mumkin;
- Qatnashchilarga yosh chegarasi qoʻyilmagan;
- Ishtirokchilar bundan oldin koreys tili boʻyicha Koreyada yoki boshqa davlatlarda oʻtkazilgan tanlovlarda birinchi oʻrinni qoʻlga kiritmagan boʻlishlari lozim;
- Nomzodlar koreys madaniyatiga qiziqishlari yoki nima uchun bu tilga mehr qoʻyganliklarini haqida 3 daqiqalik videoda yoritib bera olishlari kerak;
- Dasturga joʻnatiladigan video erkin shaklda boʻlishi mumkin.
Dastur talablari haqida ushbu havola orqali qoʻshimcha maʼlumot olish mumkin.
Foydali tomonlari
Dasturning gʻoliblari quyidagi nominatsiyalar boʻyicha taqdirlanadi:
- Qirol Sejong mukofoti (Asosiy mukofot )- 2 million von (taxminan $1478) ajratiladi;
- Oltin nominatsiyasi: (2 nafar) har biriga 1 million vondan (taxminan $739) dan ajratiladi;
- Kumush nominatsiyasi: (2 nafar) har biriga 500,000 vondan (taxminan $369) dan ajratiladi;
- Bronza nominatsiyasi: (3 nafar) har biriga 300,000 vondan (taxminan $222) dan ajratiladi;
- Korean Humanities Research Group nominatsiyasi: 1 million von (taxminan $739) ajratiladi.
Dastur foydali jihatlari haqida ushbu havola orqali batafsil maʼlumot olish mumkin.
Qoʻshimcha maʻlumotlar
Muhim sanalar:
- 2024-yil 4-martdan 28-aprel soat 19:59 gacha- Arizalar qabul qilinadi;
- 14-may- Gʻoliblar eʼlon qilinadi;
- 29-may- Taqdirlash marosimi boʻlib oʻtadi;
- Gʻoliblar The Korea Times gazetasida va rasmiy sahifasida eʼlon qilinadi;
- Koreyada istiqomat qilmaydigan fuqarolar taqdirlash marosimiga onlayn platforma orqali qatnashishlari mumkin.
Tanlov gʻoliblari 100 ballik tizimda baholanadi va bu oʻz ichida quyidagi kategoriyalarga boʻlinadi:
- Mazmun (Content)- 20 ball;
- Til ishlatilishi (Language use)- 30 ball;
- Maʼnoni yetkazib berish (Delivery)- 30 ball;
- Video sifati (Video quality)- 10 ball.
Maʼlumot uchun:
Tel: (02) 724-2868;
Sayt: sjahn@koreantimes.co.kr
Dastur haqida quyidagi ijtimoiy tarmoqlar orqali ham qoʻshimcha maʼlumot olish mumkin: