Yoshidan qatʼi nazar, Oʻzbekiston fuqarosi boʻlgan barchaga “Bilim uchun 100 million” loyihasi
  • 27/03/2022 Qabul boshlanishi
  • Mukofot Moliyalash turi
  • Oʻzbekiston Davlat
  • 06.06.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Maktab o'quvchilari (9-sinfgacha), Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    O'zbek tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

“Bilim uchun 100 million” loyihasi ommabop loyiha boʻlib, unda Oʻzbekiston Respublikasining fuqarosi boʻlgan barcha — maktab oʻquvchilari, professional taʼlim muassasalari oʻquvchilari, abituriyentlar, talabalar va kattalar ham ishtirok etishlari mumkin.

Mazkur loyihani oʻtkazishdan maqsad — yurtimizda bilim olishni ommalashtirish va bilimdonlarni kashf etishdan iborat.

Loyiha ikki bosqichda: birinchi bosqich onlayn (1-apreldan 20-avgustgacha), ikkinchi bosqich oflayn shaklda (20-avgustdan keyin, Mustaqillik bayrami arafasida) oʻtkaziladi.

Tanlovda qatnashish uchun ishtirokchilardan @bilimtestbot dan roʻyxatdan oʻtishlari soʻraladi.

@bilimtestbot Telegram botida har haftada yangi savollar taqdim etiladi. Foydalanuvchilar hafta davomida istalgan vaqtda savollarni ishlashlari mumkin. Haftalik savollar soni 40 tani tashkil etadi. Savollar malakali ekspertlar tomonidan shakllantirilgan. Bir foydalanuvchiga tushgan savol boshqa bir foydalanuvchiga takroran tushmaydi. Buning uchun yetarli darajada savollar bazasi shakllantirilgan. 40 ta savolni ishlash uchun 1 soat vaqt beriladi. Savollarni ishlash uchun barcha yoʻnalishlarda kamida oʻrta darajada bilim boʻlishi talab etiladi.

Har haftada taqdim etilgan savollarni foydalanuvchilar ishlab, 20-avgustga qadar ball yigʻib boradilar. Har haftada eng yuqori natija koʻrsatgan TOP 50 nafar ishtirokchi ijtimoiy tarmoqlar va “Mening yurtim” telekanali orqali eʼlon qilib boriladi.

20-avgustga qadar @bilimtestbot taqdim etgan savollardan eng yuqori ball toʻplagan 100 nafar ishtirokchi Toshkent shahriga, olimpiadaning ikkinchi bosqichiga taklif etiladi.

Olimpiadaning ikkinchi bosqichida @bilimtestbotʼda eng yuqori ball toʻplagan 100 nafar ishtirokchi oʻrtasida oflayn shaklda final olimpiadasi oʻtkaziladi. Finalda adolat mezonlarini taʼminlash uchun finalchilar qatʼiy nazorat qilinadi va gʻolib aniqlanadi.

Dastur haqida batafsil ushbu havola orqali tanishish mumkin.

Maqbullik shartlari

Dasturda qatnashish uchun nomzodlardan quyidagilar talab etiladi:

  • Mazkur loyihada yoshi, millati, dini, irqidan qatʼiy nazar Oʻzbekiston Respublikasining fuqarosi boʻlgan barcha ishtirok etishi mumkin;
  • Savollarni ishlash uchun barcha yoʻnalishlarda kamida oʻrta darajada bilim boʻlishi kerak;
  • Til sertifikati (IELTS, TOEFL) talab etilmaydi;
  • Har haftada taqdim etiladigan savollarda bir ishtirokchi faqat bir marta ishtirok eta oladi.

Dastur maqbullik shartlari haqida batafsil ushbu havola orqali tanishish mumkin.

Foydali tomonlari

  • Dasturda gʻolib boʻlgan ishtirokchiga 100 million soʻm miqdorda pul mablagʻi beriladi.

Dastur imtiyozli jihatlari haqida batafsil ushbu havola orqali tanishish mumkin.

Hujjat topshirish

Dasturda qatnashish uchun ishtirokchilar @bilimtestbotʼdan toʻliq roʻyxatdan oʻtishlari va telefon raqamlarini kiritishlari lozim. Toʻliq roʻyxatdan oʻtmagan yoki notoʻgʻri maʼlumotlarni kiritgan foydalanuvchilarning ishtiroki haqiqiy emas, deb hisoblanadi. Shu sababli roʻyxatdan oʻtishda eʼtiborli boʻlish soʻraladi.

Eslatma: Loyihaning faqatgina @bilimtestbot Telegram boti mavjud. Bu nomga oʻxshash nomdagi har qanday kanal, guruh va botlarning ushbu olimpiadaga aloqasi yoʻq hamda ular feyk (soxta)! Ayni vaqtda @bilimtestbotʼda roʻyxatdan oʻtsangiz boʻladi.

Qoʻshimcha maʻlumotlar

Olimpiada ikki bosqichda: birinchi bosqich @bilimtestbot Telegram botida onlayn (1-apreldan 20-avgustgacha); ikkinchi bosqich oflayn shaklda (20-avgustdan keyin, Mustaqillik bayrami arafasida) Toshkent shahrida oʻtkaziladi. Beshinchi bosqich 9-mayga qadar @bilimtestbotʼda davom etadi.

20-avgustga qadar @bilimtestbot taqdim etgan savollardan eng yuqori ball toʻplagan 100 nafar ishtirokchi Toshkent shahriga, olimpiadaning ikkinchi bosqichiga taklif etiladi.

Oʻzbekiston
Yoshidan qatʼi nazar, Oʻzbekiston fuqarosi boʻlgan barchaga “Bilim uchun 100 million” loyihasi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar