Yoshidan va kasbidan qat'i nazar Telegram ilovalari uchun ikonalar tanlovi.

Telegram kompaniyasi barchaga Telegramning Android va iOS ilovalari uchun yangi ikona chizish boʻyicha tanlov taqdim etadi. Tanlovning umumiy mukofot jamgʻarmasi — 10,000 AQSh dollar. Sovrin eng yaxshi deb topilganlar oʻrtasida taqsimlanadi hamda munosiblari ilovada foydalanuvchilarga taklif qilinadi.

Tanlovda qatnashishni istagan nomzodlar kamida bitta ikona yaratishi hamda uni Android va iOS Telegram ilovalari uchun moslashi kerak. Har bir taklif qilingan ish foydalanishga tayyor boʻlishi yaʼni tashkilotchilar tomonidan hech qanday moslashtirish va sozlashga muhtoj boʻlmasligi lozim.

Dastur haqida batafsil ushbu ilova orqali maʼlumot olish mumkin.

• Dasturga qiziqqan barcha qiziqqanlar (jumladan, havaskor va professional rassomlar, grafik dizaynerlar) qatnashishi mumkin;
• Nomzodlar Telegram ilovasi uchun kamida 1 ta ikona yaratishi kerak;
• Ilovaning har bir belgisi Telegram logotipining asosiy shakliga asoslanishi kerak;
• Ikonalarni yaratishda Telegramning rasmiy stikerlari va emoji paketlaridan foydalanishga ruxsat beriladi. Biroq Generativ AI (Generativ sunʼiy intellekt)dan foydalanish qatʼiyan taqiqlanadi;
• Taklif etilgan ishlar ilova koʻrsatmalariga muvofiq boʻlishi va foydalanishga tayyor formatda topshirilishi shart.

Android ilovasi uchun yaratiladigan ikona boʻyicha koʻrsatmalar:

• Android foydalanuvchi interfeysi koʻrsatmalariga amal qilishi kerak;
• Har bir ikona 432x432 px, PNG formatda boʻlishi lozim (shuningdek, turli ekranga moslashga qulay boʻlishi uchun quyidagi oʻlchamlarni ham koʻrsatilishi kerak: 324x324 px, 216x216 px, 162x162 px va 108x108 px);
• Belgida alohida fon va oldingi qatlamlar boʻlishi kerak;
• Foydalanilgan manbalar ham koʻrsatiladi.

iOS ilovasi uchun yaratiladigan ikona boʻyicha koʻrsatmalar:

• Apple dizayn koʻrsatmalariga amal qilishi kerak;
• Har bir ikona 1024x1024 px, PNG formatda boʻlishi lozim (shuningdek, turli ekranga moslashga qulay boʻlishi uchun quyidagi oʻlchamlarni ham koʻrsatilishi kerak: 270x270 px, 180x180 px yoki 120x120 px);
• Foydalanilgan manbalar ham koʻrsatiladi.

Eslatma: Mualliflik huquqi bilan himoyalangan materiallardan tashqari har qanday belgilarni qoʻshish mumkin. Birdan ortiq taklif qilingan ishlarda har bir ikona mavzu jihatidan bir-biridan farq qilsagina qabul qilinadi.

• Gʻolibga 10,000 AQSh dollar pul mukofoti beriladi;
• Eng yaxshi deb topilgan ikonalar keyinchalik Telegram ilovasida taqdim etilgan standart toʻplamlarga qoʻshiladi.

Eslatma: Sovrin jamgʻarmasi eng yaxshi hissa qoʻshganlar oʻrtasida taqsimlanadi.

Dasturda qatnashishni istaganlar Telegram bot orqali ariza topshirishi mumkin.

Muhim: Telegram bot oxirgi muddatga yaqinlashganda hujjatlarni qabul qila boshlaydi.

• Dasturga ariza topshirish uchun oxirgi muddat: 2023-yil, 20-oktyabr (00:59);
• Natijalar eʼlon qilinadi: 2023-yil, 26-oktyabr.