Yoshlar ishlar agentligi tomonidan tashkil etilayotgan yoshlar oʻrtasida “Muammo, erkinlik, natija” mavzusida notiqlik teletanlovi

Oʻzbekistonda ilk bor 17 yoshdan, 30 yoshgacha boʻlgan yoshlar oʻrtasida notiqlarni kashf etuvchi “Muammo, erkinlik, natija” teletanloviga start berilmoqda

Siz notiq boʻlmoqchimisiz? Oʻzbek tilida ravon nutq soʻzlay olasizmi? Unda bu imkoniyat aynan siz uchun! Fursatni boy bermang. Hoziroq roʻyxatdan oʻting va tanlovda ishtirok eting!

Tanlov Yoshlar ishlari agentligi, Mahalla va oilani qoʻllab quvvatlash vazirligi, Oliy va oʻrta maxsus taʼlim vazirligi, Xalq taʼlimi vazirligi, Oʻzbekiston yozuvchilar uyushmasi, Oʻzbekiston milliy teleradiokompaniyasi hamkorligida oʻtkazilmoqda.

• 17-yoshdan 30-yoshgacha boʻlgan har qanday yosh ishtirok etishi mumkin.

• Malakali mutaxassislar tomonidan tashkil etiladigan sahna nutqi, notiqlik sanʼati, auditoriya bilan ishlash boʻyicha oʻquv mashgʻulotlarida ishtirok etishadi.
• Gʻoliblar televizion koʻrsatuvda oʻz mahoratlarini namoyish etishadi.

Tanlovda ishtirok etishni istaganlar @notiq_motivatsionbot orqali onlayn roʻyxatdan oʻtishlari zarur. Shuningdek 1 daqiqalik nutqingiz aks etgan video rolikni tasvirga olib +998933825800 raqamiga telegram orqali yuborasiz.

Teletanlov 4 bosqichdan iborat.

1-bosqichda 1 daqiqalik nutqingiz aks etgan video rolikni tasvirga olib +998933825800 raqamiga telegram orqali yuborasiz.

2-bosqichda saralash bosqichidan oʻtgan ishtirokchilar 2 daqiqalik nutq bilan Qoraqalpogʻiston Respublikasi, viloyatlar va Toshkent shahar miqyosida boʻlib oʻtadigan kasting jarayonlarida ishtirok etishadi.

3-bosqich respublika bosqichida loyihaning hududiy bosqichidan oʻtgan ishtirokchilarga turli mutaxassislar tomonidan sahna nutqi, notiqlik sanʼati, auditoriya bilan ishlash boʻyicha oʻquv mashgʻulotlari tashkil etiladi.

4-bosqichda ekspertlar tomonidan saralab olingan ishtirokchilar televizion koʻrsatuvda oʻz mahoratlarini namoyon etadilar. Aynan shu bosqichda eng koʻp ball toʻplagan 10 ishtirokchi gʻoliblikni qoʻlga kiritadi.