Yoshlar ishlari agentligi Fargʻona viloyati boshqarmasidan Oliy taʼlim muassasalari talabalari oʻrtasida “Men talabaman” nomli videorolik tanlovi

17-noyabr — “Xalqaro talabalar kuni” munosabati bilan Yoshlar ishlari agentligi Fargʻona viloyati boshqarmasi tomonidan talabalarni qoʻllab-quvvatlash maqsadida “Men talabaman” videoroliklar tanlovi qilindi.

Tanlovda Fargʻona viloyati boshqarmasi Oliy taʼlim muassasalari talabalari “Men talabaman” nomli talabalar hayotini oʻzida aks ettirgan, davomiyligi 1 daqiqadan 3 daqiqagacha boʻlgan videoroliklar bilan ishtirok etishi mumkin.

Tanlov onlayn tarzda oʻtkaziladi. Gʻoliblar qimmatbaho planshet va boshqa mukofotlar bilan taqdirlanadilar.

• Tanlovda Fargʻona viloyatining barcha Oliy taʼlim muassasasi talabalari ishtirok etishi mumkin.

Videorolik uchun qoʻyilgan talablar:

• Video sifatli, davomiyligi 1 daqiqadan 3 daqiqagacha boʻlgan 50 megabaytdan oshmagan boʻlishi;
• Talabalar hayotidagi qiziqarli voqealar, talabalarga yaratilayotgan taʼlim muassasadagi sharoitlarga ishtirokchining munosabati aks etishi;
• Slaydshoudan iborat rasmli videolar qabul qilinmaydi.

Tanlovda gʻoliblikni egallaganlar uchun quyidagi sovgʻalar beriladi:

• 1-oʻrin zamonaviy Planshet;
• 2-oʻrin elektropech;
• 3-oʻrin Termopot.

Tanlovda ishtirok etish uchun 1 daqiqadan 3 daqiqagacha boʻlgan 50 megabaytdan oshmagan sifatli video @Mentalabaman_bot ga yuboriladi.

Tanlovga yuborilgan videolar quyidagi mezonlarga asosan baholanadi:

• Gʻoyaning originalligi;
• Sifat va yondashuv darajasi;
• Tanlov talablariga mos kelishi.

Tanlovni shu soha boʻyicha mutaxassislardan iborat tashkiliy qoʻmita baholaydi.
Eslatma! Slaydshoudan iborat rasmli videolar qabul qilinmaydi.