Yoshlar ishlari agentligi huzuridagi “Yosh maslahatchilar” Kengashi hamda “Thompson school” tomonidan barcha uchun tezlashtirilgan ingliz tili kursida bepul ishtirok etish imkoniyati

Oʻzbekiston Respublikasi Yoshlar ishlari agentligi huzuridagi “Yosh maslahatchilar” Kengashi hamda “Thompson school” bilan hamkorlikda ingliz tilini oʻrganmoqchi boʻlgan 50 nafar yoshlar uchun bepul Intensiv Ingliz tili kursi tashkil etilmoqda.

Kursda ishtirokchilar 4 oy davomida ingliz tilini boshlangʻich darajadan IELTS darajagacha oʻrganish imkoniyatiga ega boʻladilar. Darslar onlayn taʼlim platformada olib boriladi.

Thompson School oʻquv markazi tomonidan tashkil etilgan ushbu kursda ingliz tili oʻrganish istagida boʻlgan barcha ishtirok etishi mumkin.

Dasturga qabul qilinganlarga Thompson School oʻquv markazi tomonidan tashkil etilgan:

•  4 oylik intensiv kurs davomida boshlangʻich darajadan IELTS darajasigacha oʻrgatiladi;
•  Kerakli kitoblar va taʼlim platformasidan foydalanishlari uchun shaxsiy sahifalar yaratib beriladi.

Ishtirokchilar 2 bosqichda saralab olinadi:

1. Google havola orqali roʻyxatdan oʻtish;
2. Ijtimoiy tarmoqlarda #Xorijiytillarkerak #MaslahatKengashi #ThompsonSchool hashtaklarini joylab video qoldirish.