Yoshlar ishlari agentligi tomonidan tashkil etilgan “Bolalar va yoshlar uchun eng yaxshi kitob” tanlovida qatnashib 100.000.000 soʻm pul mukofoti yutib olish imkoniyati
  • 01/10/2021 Qabul boshlanishi
  • Mukofot Moliyalash turi
  • Oʻzbekiston Davlat
  • 01.01.2022 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Maktab o'quvchilari (9-sinfgacha), Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    O'zbek tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Oʻzbekiston Respublikasi Yoshlar ishlari agentligi, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oliy va oʻrta maxsus taʼlim vazirligi, Oʻzbekiston Yozuvchilar uyushmasi tomonidan tashkil etilgan “Bolalar va yoshlar uchun eng yaxshi kitob” tanloviga arizalar qabul qilish boshlandi.

Bolalar va yoshlar uchun eng yaxshi kitob” tanlovi yil davomida fan, adabiyot va noshirlik sohasida samarali faoliyat koʻrsatib, yoshlar va bolalarning kitob mahsulotlariga boʻlgan talab-istaklari, qiziqishlarini qoʻllab-quvvatlashga, bilimi va maʼnaviyatini boyitishga munosib hissa qoʻshgan, jamoatchilik eʼtirofiga sazovor boʻlgan ijodkorlar hamda nashriyot xodimlarini ragʻbatlantirib borishga qaratilgan loyiha hisoblanadi.

Tanlovni tashkil etishdan koʻzlangan maqsad – mamlakatimizda bolalar va yoshlar adabiyotini rivojlantirish, kitob mahsulotlari sifatini oshirish, yoshlar oʻrtasida kitobxonlik madaniyatini yuksaltirish hamda shu sohada jonbozlik koʻrsatib kelayotgan mutaxassislarni ragʻbatlantirishdan iborat.

Tanlovda Oʻzbekiston Respublikasi hududida faoliyat koʻrsatayotgan, belgilangan tartibda davlat roʻyxatidan oʻtgan noshirlik faoliyati bilan shugʻullanuvchi yuridik shaxslar hamda Oʻzbekiston Respublikasida rasman nashr etilgan kitob mualliflari ishtirok etishlari mumkin.

Maqbullik shartlari

Tanlovda ishtirok etish uchun nomzodlar quyidagi talablarga javob berishi lozim:

  • Tanlovda Oʻzbekiston Respublikasi hududida faoliyat koʻrsatayotgan, belgilangan tartibda davlat roʻyxatidan oʻtgan noshirlik faoliyati bilan shugʻullanuvchi yuridik shaxslar qatnasha oladi;
  • Oʻzbekiston Respublikasida rasman nashr etilgan kitob mualliflari ishtirok etishlari mumkin;
  • Tanlovda mustaqillik davrida nashr etilgan (yoki qayta nashr etilgan) kitoblar taqdim etilishi lozim.

Talablar haqida batafsil ushbu havola orqali maʼlumot olish mumkin.

Foydali tomonlari

Tanlov 3 ta yosh toifasi doirasida (6 yoshgacha, 7-11 yosh, 12-18 yosh) quyidagi asosiy nominatsiyalar boʻyicha oʻtkaziladi:

  • “Eng yaxshi adabiy-badiiy kitob”;
  • “Eng yaxshi ilmiy-ommabop kitob”.

Tanlov doirasida quyidagi qoʻshimcha nominatsiyalar ham joriy etiladi:

  • “Bolalar va yoshlar uchun eng yaxshi tarjima asar” (oʻzbek tiliga tarjima qilingan);
  • “Eng yaxshi kitob dizayni”;
  • “Eng yaxshi muharrirlik ishi”;
  • “Eng katta adadga ega kitob”.

Tanlovda asosiy nominatsiyalar boʻyicha gʻolib deb topilgan kitob mualliflariga (vafot etgan boʻlsa qonuniy vorisiga) quyidagilar bilan taqdirlanadilar:

  • Birinchi oʻrin uchun – 100 million soʻm;
  • Ikkinchi oʻrin uchun – 75 million soʻm;
  • Uchinchi oʻrin uchun – 50 million soʻm mukofot mablagʻlari topshiriladi.
  • Har ikkala nominatsiya gʻoliblariga statuetka va maxsus diplom ham beriladi.

Tanlovda qoʻshimcha nominatsiyalar boʻyicha gʻolib deb topilganlarga esdalik sovgʻalari, statuetka va maxsus diplom topshiriladi.

Hujjat topshirish

Tanlovda ishtirok etishni istagan nashriyot, kitob muallifi yoki kitob mahsulotini tayyorlashda ishtirok etgan mutaxassislar Oʻzbekiston Respublikasi Yoshlar ishlari agentligiga ariza hamda 2 dona kitobning asl nusxasini taqdim etadi (tanlovga taqdim etilgan kitoblar qaytarib berilmaydi). Ekspertlar komissiyasi tanlash jarayonida nomzodlar faoliyatiga oid boshqa qoʻshimcha maʼlumotlarni soʻrashi mumkin.

Tanlovda qatnashish uchun arizalar @engyaxshikitob_bot orqali qabul qilinadi.

Qoʻshimcha maʻlumotlar

Tanlov nizomi bilan batafsil ushbu havola orqali tanishib chiqish mumkin.

Tanlovga tavsiya etilgan kitoblar bir oy davomida mutaxassislar va jamoatchilik vakillaridan iborat Ekspertlar komissiyasi tomonidan koʻrib chiqiladi, muhokama qilinadi va ekspertizadan oʻtkaziladi. Bunda, Ekspertlar komissiyasi tomonidan kitob muallifi va mutaxassislarni baholashda nominatsiya nomidan kelib chiqqan holda, ish sifati, mazmun-mohiyati va badiiy saviyasi, professional yondashuv, originallik, innovatsiyadan foydalanganlikka, shuningdek, kitob yuzasidan jamoatchilik bildirgan munosabatlarga eʼtibor qaratiladi hamda ular asosida ishlab chiqilgan baholash mezonlariga muvofiq baholanadi.

Oʻzbekiston
Yoshlar ishlari agentligi tomonidan tashkil etilgan “Bolalar va yoshlar uchun eng yaxshi kitob” tanlovida qatnashib 100.000.000 soʻm pul mukofoti yutib olish imkoniyati

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar