Yoshlar ishlari agentligidan barcha kitobxon yoshlar uchun WikiKitob tanlovi

Yoshlar ishlari agentligi, Asaxiy Books va “WikiMarafon” loyihasi hamkorlikda kitobxon yoshlar uchun yangi WikiKitob tanlovini eʼlon qiladi.

Tanlovning asosiy maqsadi talaba va oʻquvchilar oʻrtasida maʼnaviy-maʼrifiy va tarbiyaviy ishlar samaradorligini oshirish, shuningdek, ularning darsdan boʻsh vaqtini mazmunli tashkil qilish, kitobxonlik madaniyatini yuksaltirish va kitob mutolaasini keng targʻib qilish, yoshlarni oʻz mustaqil fikriga ega, dunyoqarashi keng qilib tarbiyalash va qoʻllab-quvvatlashdan iborat.

Ishtirokchilar 2025-yil 10–15-oktyabr kunlari oʻtkaziladigan “WikiKitob” tanlovida qatnashib, kitoblar toʻplamidan birini yutib olish imkoniga ega boʻlishadi. Tanlov bir bosqichda, onlayn formatda tashkil etiladi. Natijalar 17-oktyabrgacha eʼlon qilinadi.

Dastur haqida batafsil ushbu havola orqali maʼlumot olish mumkin.

• Tanlovda Oʻzbekiston Respublikasida istiqomat qiladigan barcha kitobxonlar ishtirok etishi mumkin;
• WikiMarafonning boshqa ost va yon loyihalari ishtirokchilariga ham tanlovda qatnashishga ruxsat beriladi.

Tanlovda yuqori oʻrinlarni egallagan ishtirokchilar quyidagi tartibda taqdirlanadi:

• 1-oʻrin 10 dona kitob va elektron sertifikat;
• 2-oʻrin 10 dona kitob va elektron sertifikat;
• 3-oʻrin 10 dona kitob va elektron sertifikat;
• 4-oʻrin 10 dona kitob va elektron sertifikat;
• 5-oʻrin 10 dona kitob va elektron sertifikat;
• 6-oʻrin 8 dona kitob va elektron sertifikat;
• 7-oʻrin 8 dona kitob va elektron sertifikat;
• 8-oʻrin 8 dona kitob va elektron sertifikat;
• 9-oʻrin 8 dona kitob va elektron sertifikat;
• 10-oʻrin 8 dona kitob va elektron sertifikat.

“Eng faol targʻibotchi” nominatsiyasi gʻoliblari quyidagicha taqdirlanadi:

• 1-oʻrin 1 nafar – 8 dona kitob va elektron sertifikat;
• 2-oʻrin 1 nafar – 8 dona kitob va elektron sertifikat;
• 3-oʻrin 1 nafar – 8 dona kitob va elektron sertifikat;

Muhim: Tanlovning saralash bosqichida test ishlagan hamda final bosqichida ishtirok etib, yuqori oʻrinlarni egallay olmagan ishlagan barcha ishtirokchilar natijasidan qatʼiy nazar elektron sertifikat bilan taqdirlanadi.

• Dasturda qatnashishni istaganlar @WikiTanlov_bot orqali roʻyxatdan oʻtishi va botdagi 40 ta test savollariga javob berishi kerak;
• Testlar Oʻzbekcha Vikipediyada mavjud kitoblarga oid maqolalar yuzasidan tuziladi. Test uchun umumiy 60 daqiqa vaqt beriladi. Testlar barcha ishtirokchilar uchun faqat 1 kun yaʼni 15-oktyabr kuni ochiladi;
• Telegram bot orqali belgilangan tartibda roʻyxatdan oʻtgan ishtirokchilar bot taqdim qiladigan maxsus havolani doʻstlariga ulashish orqali tanlov targʻiboti boʻyicha maxsus tanlovda qatnashishi mumkin. Ishtirokchilarga har bir taklif qilgan doʻsti uchun 1 referal ball beriladi;
• Tanlovning yakuniy natijalari 2 kun muddat ichida ishtirokchilarga maʼlum qilinadi.

Eslatma: Tanlov davomida ishtirokchining ikki yoki undan koʻp akkauntlardan ishtirok etayotganligi aniqlansa, tanlovdan chetlatiladi va natijasi bekor qilinadi.

• Tanlov nizomi bilan batafsil ushbu havola orqali tanishib chiqish mumkin;
• Dastur davomida tashkilotchilar ishtirokchining shaxsini tasdiqlovchi hujjatini koʻrsatishini (onlayn yuborishini) talab qilish hamda yuqori oʻrindagi ishtirokchilarning natijalariga shubha paydo boʻlganida ular bilan videochat yoki telefon orqali qoʻshimcha savol-javob oʻtkazish vakolatiga ega.

Quyidagi ijtimoiy tarmoqlar orqali qoʻshimcha maʼlumot olish mumkin:

• Instagram;
• Telegram;
• YouTube;
• Linkedin.