Yoshlar ishlari agentligidan iqtidorli yoshlar uchun Kasblar tanlovining ilk bosqichi

Yoshlar ishlari agentligi tomonidan Kasblar tanlovining ilk bosqichiga start berildi. Bu yilgi Kasblar tanlovi “Men kelajakman” shiori ostida 15-20-avgust kunlari boʻlib oʻtadi. Mamlakatimizning 9 452 ta mahallasidan yoshlar oʻz kuch va bilimlarini saralash bosqichida sinovdan oʻtkazadilar.

“Besh tashabbus olimpiadasi” nafaqat sport, taʼlim, intellektual oʻyinlar balki, kasblar boʻyicha ham isteʼdod egalariga maydon yaratgan.

Tanlov quyidagi yoʻnalishlarda tashkil etiladi:

• Yosh quruvchi (suvoqchi);
• Dizaynerlik (tikuvchi):
• Elektromontaj;
• Novvoychilik;
• Payvandlash.

Dastur haqida batafsil ushbu havola orqali maʼlumot olish mumkin.

• Tanlovda yosh quruvchi (suvoqchi), dizaynerlik (tikuvchi), elektromontaj, novvoychilik va payvandlash yoʻnalishlarida faoliyat olib borayotgan barcha yoshlar qatnashishi mumkin;
• Nomzod oʻzi tanlagan yoʻnalish boʻyicha iqtidorini namoyish qila olish kerak.

Muhim: Yoshga qoʻyilgan talab yoʻnalishga qarab farqlanadi.

Dastur doirasida mahalla yoshlari oʻrtasidagi oʻtkaziladigan tanlov va musobaqalarning kalendar rejasi bilan tanishib chiqish lozim.

• Dasturda bepul qatnashish mumkin;
• 1-oʻrin sohiblari 2025-yilda Tayvanda oʻtkaziladigan “Worldskills Asia-2025” xalqaro kasblar musobaqasida ishtirok etish huquqini qoʻlga kiritadi;
• Xalqaro maydonda yuksak eʼtirofga sazovor boʻlish imkoniyati.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirishda quyidagilar soʻraladi:

• Shaxsiy maʼlumotlar;
• Nomzodning fotosurati;
• Besh tashabbus loyihasi nomi;
• Tanlov kategoriyasi va yoʻnalishi.

• Email: info@minsport.uz;
• Tanlov haqida qoʻshimcha Besh tashabbus olimpiadasi muhokama guruhidan ham maʼlumot olish mumkin;
• Manzil: 1000017, Toshkent shahri Abdulla Qodiriy koʻchasi 2-uy;
• Tel: +998 (71) 209 01 04/ (71) 239 24 12.