Yoshlar ishlari agentligidan tibbiyot sohasidagi tadqiqotchi yosh ayol-qizlar uchun bepul 1 haftalik “Ilm-fan oromgohi”

Yoshlar ishlari agentligi tibbiyot sohasidagi tadqiqotchi yosh ayol-qizlar uchun bepul 1 haftalik “Ilm-fan oromgohi” loyihasini taqdim etadi. Qabul qilingan ayol-qizlar 7 kunlik ushbu dasturda bepul ishtirok etish imkoniyatiga ega boʻladi.

Dastur yosh ayol-qizlarning ilmiy tadqiqot ishlarini natijadorligini oshirish, ularni ilmiy faoliyatga keng jalb qilish, iqtidorli tadqiqotchi qizlarni izlab topish, ragʻbatlantirish, ilmiy-tadqiqot ishlariga qiziqishlarini orttirish, ilm-fanga jalb qilish maqsadida tashkil etilmoqda.

Loyiha 2024-yil 27-maydan 2-iyunga qadar Toshkent viloyati, Boʻstonliq tumanidagi Yoshlar oromgohida tashkil etiladi.

Dastur boʻyicha batafsil ushbu havola orqali maʼlumot olish mumkin.

• Dasturda tibbiyot sohasida faoliyat olib borayotgan tadqiqotchi yosh ayol-qizlar ishtirok etishi mumkin;
• Bakalavriat va magistratura talabalari, tayanch doktorantlar, mustaqil hamda erkin tadqiqotchilar qatnashishi mumkin.

Nomzodlar quyidagi mezonlar asosida saralandi:

• Nomzodning tahsil olayotgan sohasi;
• Ilmiy tadqiqot ishining mavzusi;
• Tadqiqot ishi doirasida chop etgan ilmiy-metodologik maqolalari;
• Xorijiy tillarni bilishi.

Eslatma: Xorijiy tillarni bilishga qoʻyilgan maxsus talablar yoʻq. Lekin chet tillarini bilish nomzodga ustunlik beradi.

• Loyihada bepul qatnashish mumkin;
• Oromgohda ishtirok etish bilan bogʻliq xarajatlar tashkilotchilar tomonidan qoplanadi;
• Ilmiy faoliyat boʻyicha chuqur bilimga ega boʻlish imkoniyati mavjud.

Dasturda qatnashishni istaganlar ushbu havola orqali ariza topshirishlari mumkin.

Roʻyxatdan oʻtishda quyidagilar soʻraladi:

• Shaxsiy va aloqa maʼlumotlari;
• Yashash manzili;
• Nomzodning faoliyat turi;
• Ilmiy tadqiqot ishining mavzusi;
• Tadqiqot ishi doirasida chop etilgan ilmiy-metodologik maqolalar soni (nomi koʻrsatilishi kerak);
• Loyihada ishtirok etish sababi tasvirlangan insho (maksimal 500 ta soʻz).

Eslatma: Ilmiy maqolalarni istalgan tilda yuklash mumkin.

Dasturga hujjat topshirish uchun oxirgi muddat: 24-may, 2024-yil.

Quyidagi ijtimoiy tarmoqlar orqali qoʻshimcha maʼlumot olish mumkin:

• Telegram;
• Instagram;
• Facebook;
• YouTube.