"Yoshlar ovozi" gazetasidan umumiy sovrin jamgʻarmasi 60 million soʻmlik ijodiy ishlar tanlovi

“Yoshlar ovozi” gazetasi hamda Oʻzbekiston Respublikasi Yoshlar ishlari agentligi umumiy mukofot jamgʻarmasi 60 million soʻmlik tanlovni eʼlon qiladi. Dastur gʻoliblari noutbuk, smartfon yoki smart televizor sovrinlari bilan taqdirlanadi. Tanlov “Yoshlar ovozi” gazetasining 100 yilligi munosabati bilan oʻtkazilayotgan boʻlib, u yoshlar hayoti va faoliyatini yoritishga qaratilgan quyidagi yoʻnalishlarda boʻlib oʻtadi:

• Eng yaxshi maqola;
• Eng yaxshi fotohikoya;
• Eng yaxshi video;
• Eng faol bloger.

Tanlovda har bir nominatsiya uchun umumiy mavzu yoshlar hayoti va faoliyatiga doir boʻlishi kerak. Yaʼni yurtimizda olib borilayotgan yoshlar siyosati samaralari, kasb-hunari bilan tanilgan, qadr topgan yoshlar haqida yoxud bugungi kun yoshlari uchun dolzarb boʻlgan masalalar yoritilishi zarur. Ijodiy ishlarni qabul qilish joriy yil 4-apreldan 20-maygacha davom etadi.

Dastur haqida ushbu havola orqali toʻliq maʼlumot olish mumkin.

Dasturda qatnashish uchun quyidagi talablar mavjud:

• Tanlovda 14 yoshdan 30 yoshgacha boʻlgan fuqarolar ishtirok etishlari mumkin;
• Tanlovda har bir nominatsiya uchun umumiy mavzu yoshlar hayoti va faoliyatiga doir boʻlishi kerak. Yaʼni yurtimizda olib borilayotgan yoshlar siyosati samaralari, kasb-hunari bilan tanilgan, qadr topgan yoshlar haqida yoxud bugungi kun yoshlari uchun dolzarb boʻlgan masalalar yoritilishi zarur;
• Nomzodlardan tanlovda belgilangan 4 kategoriyadan birini tanlab, unga ishlarini joʻnatish soʻraladi. Yaʼni, ishtirokchilar maqola, fotohikoya, video va bloglarini joʻnatishlari kerak boʻladi;
• Tanlov uchun yuborilgan ijodiy ishlar hech qayerda chop etilmagan va eng koʻpi uchtagacha boʻlishi kerak.

Tanlov talablari haqida ushbu havola orqali toʻliq maʼlumot olish mumkin.

Har bir nominatsiya boʻyicha 1-,2- hamda ragʻbatlantiruvchi oʻrin aniqlanadi va ular quyidagicha taqdirlanadi:

• Birinchi oʻrin uchun — noutbuk
• Ikkinchi oʻrin uchun — smartfon
• Ragʻbatlantiruvchi oʻrin uchun — smart televizor.

Dastur foydali jihatlari haqida ushbu havola orqali batafsil maʼlumot olish mumkin.

Tanlovda ishtirok etish jarayoni quyidagicha:

• “Eng yaxshi maqola” nominatsiyasi uchun maqolalar word formatda @yoshlarovozigazetasibot manziliga yuboriladi;
• “Eng yaxshi fotohikoya” nominatsiyasi uchun ijodiy ishlar pdf formatda @yoshlarovozigazetasibot manziliga yuboriladi;
• “Eng yaxshi video” nominatsiyasi uchun tayyorlangan video @yoshlarovozigazetasibot manziliga yuboriladi;
• “Eng faol bloger” nominatsiyasi uchun esa yuritilayotgan blog havolasi hamda yoshlarga daxldor boʻlgan blog post yuboriladi.

Eslatma: Tanlov uchun yuborilgan ijodiy ishlar hech qayerda chop etilmagan va eng koʻpi uchtagacha boʻlishi kerak.

Dasturga roʻyxatdan oʻtish jarayoni haqida ushbu havola orqali batafsil maʼlumot olish mumkin.

Tanlovning oʻtkazilish bosqichlari quyidagicha:

• Ijodiy ishlarni qabul qilish joriy yil 4-apreldan 20-maygacha davom etadi;
• 21-maydan — 15-iyungacha ijodiy ishlarni tanlov hayʼati oʻrganib chiqadi va eng sara ishlar aniqlanadi;
• 15-iyundan ochiq ovoz berish tartibida 1- va 2-oʻrin sohiblarini aniqlash uchun eng sara ishlar eʼlon qilinadi. Ragʻbatlantiruvchi oʻrin sohiblarini tanlov hayʼati aniqlab beradi;
• Taqdirlash 27-iyun “Matbuot va ommaviy axborot vositalari kuni” arafasida oʻtkaziladi.

Dastur haqida qoʻshimcha maʼlumotlarni quyidagi ijtimoiy tarmoqlar orqali ham topish mumkin:

- Facebook;

-Twitter;

-Telegram;

-You Tube;

-Instagram.