Yoshlar yetakchilari uchun 5 kunlik “Yetakchi Camp 2026” Respublika oromgohi

Mahallalarda faoliyat olib borayotgan yoshlar yetakchilarining kasbiy malakasini oshirish, ularning bilim va koʻnikmalarini takomillashtirishga qaratilgan 5 kunlik “Yetakchi Camp 2026” Respublika oʻquv-seminari taqdim etiladi. Dastur Yoshlar ishlari agentligi hamda Oʻzbekiston yoshlar yetakchilarini qoʻllab-quvvatlash markazi tomonidan tashkillashtirilmoqda.

“Yetakchi Camp”da tanlov asosida har oy saralangan 100 nafar yoshlar yetakchilari ishtirok etadi.

Tanlovning maqsadi quyidagilardan iborat:

• Yoshlar yetakchilarining kasbiy koʻnikmalarini mustahkamlash, ularning shaxsiy kompetensiyalarini oshirish, yoshlarga oid davlat siyosatini samarali amalga oshirishga tayyorlash;
• Yetakchilar ongi, qalbida “Vatanga va xalqqa sadoqat bilan xizmat qilish — oliy burchimiz!” gʻoyasini mustahkamlash, ularda vatanparvarlik hamda yurt taqdiriga daxldorlik tuygʻusini kuchaytirish;
• Ular oʻrtasida sogʻlom raqobat muhitini shakllantirish, intellektual va professional salohiyatni oshirish hamda bu boradagi faoliyatni qoʻllab-quvvatlash, shuningdek, tashabbuskorlik va yetakchilik fazilatlarini rivojlantirish;
• Oʻzining shaxsiy fazilatlari bilan yoshlarga namuna boʻlayotgan yetakchilarni ragʻbatlantirish;
• Yuksak bilimli, professional kasbiy mahoratga ega boʻlgan isteʼdodli yosh kadrlarni aniqlash va rahbarlik lavozimlariga tayinlash hamda kadrlar zaxirasini shakllantirish.

Dastur haqida batafsil ushbu havola orqali maʼlumot olish mumkin.

• Dasturda mahallalarda faoliyat olib borayotgan yoshlar yetakchilari qatnashishi mumkin;
• Quyidagi yutuqlarga ega nomzodlarga ustunlik beriladi:
  • “Mega loyihalar” targʻiboti;
  • Chet tillarini bilish darajasi (Ibrat Academy va xalqaro imtihon tizimlari);
  • “Eng namunali yoshlar yetakchisi” koʻrik tanlovi Respublika bosqichi ishtirokchisi va sovrindorlari;
  • “Top 100” yetakchilar qatoriga kirganligi;
  • “Besh tashabbus olimpiadasi”da erishgan yutuqlari;
  • Shaxsiy tashabbuslari;
  • Ijtimoiy tarmoqlar hamda OAVdagi faolligi;
  • Davlat hamda sohaviy mukofotlar bilan taqdirlanganligi;
  • Zaxira kadrlar roʻyxatiga kiritilganligi.

Insho yozish uchun asosiy mezonlar:

• Shrift — Times New Roman;
• Matn oʻlchami — 12;
• Alifbo — lotin;
• Hajm — 3-5 bet (kam yoki koʻp boʻlmasligi kerak);
• Format — Word (doc, docx).

Eslatma: Ushbu loyihada har bir yoshlar yetakchisi faqat bir marta ishtirok etish imkoniyatiga ega.

• Dasturda bepul qatnashish mumkin;
• Kamida 70 foizlik natija koʻrsatganlarga malaka oshirish sertifikati beriladi;
• Maxsus spikerlar tomonidan oʻquv-seminarlar oʻtiladi;
• Intellektual salohiyatni oshirish, shaxsiy rivojlanish va yoshlar bilan ishlash koʻnikmalarini kuchaytirish imkoniyati.

Tanlovda ishtirok etish uchun nomzodlar Yoshlar ishlari agentligi yoki Oʻzbekiston yoshlar yetakchilarini qoʻllab-quvvatlash markazining rasmiy veb-sayti yoki ijtimoiy tarmoqlardagi sahifalari orqali roʻyxatdan oʻtishi va ushbu havola orqali ariza topshirishlari kerak.

Hujjat topshirishda quyidagilar soʻraladi:

• Shaxsiy maʼlumotlar;
• Aloqa maʼlumotlari;
• Yoshlar yetakchisi lavozimi haqida;
• Shaxsiy maʼlumotnoma (doc, docx, pdf formatda);
• Xorijiy tillardan sertifikatlar;
• Nomzod mukammal biladigan tillar;
• “Yilning eng namunali mahalla yoshlar yetakchisi” koʻrik tanlovi sovrindorligi;
• “Top 100” yetakchilar qatoriga kirganligi;
• Besh tashabbus olimpiadasi boʻyicha sovrindorligi;
• Barcha erishganlarini isbotlovchi hujjatlar;
• Qoʻshimcha yutuqlari;
• Shaxsiy qobiliyatlari;
• OAVga chiqargan maqolalari;
• Davlat mukofotlari hamda koʻkrak nishoni (agar boʻlsa);
• Boshqaruv samaradorligi agentligi (Argos) zaxira kadrlar roʻyxatiga kiritilganligi (isbot uchun skrinshot yuklanadi);
• Insho yuklanadi.

Saralash 4 bosqichda amalga oshiriladi:

1. Birinchi bosqich: roʻyxatdan oʻtish.
2. Ikkinchi bosqich: insho yozish. “Oromgohdan kutayotganlarim”, “Men yetakchiman” va “Zamonaviy yoshlar yetakchisi” mavzularida 3-5 betdan iborat insho yoziladi hamda roʻyxatdan oʻtish jarayoni yakunida yuklanadi.
3. Uchinchi bosqich: suhbat oʻtkazish. Suhbat 1- va 2-bosqichlardan oʻtgan yetakchilar oʻrtasida yoshlarga oid davlat siyosati hamda yetakchilik faoliyati yuzasidan berilgan savollar asosida oʻtkaziladi.
4. Toʻrtinchi bosqich: yoʻllanma berish. Yuqoridagi bosqichlarda yuqori natijadorlikka erishgan 100 nafar yoshlar yetakchilari saralab olinadi hamda “Yetakchi Camp”ga yoʻllanma beriladi.

Muhim: Ishtirokchilar ariza topshirish yoʻli bilan saralab olinadi. Shuning uchun ariza topshirishda aniq va toʻgʻri maʼlumotlarni kiritish lozim.

• Dasturga hujjat topshirish uchun oxirgi muddat: 5-aprel 2026-yil;
• Dastur boʻyicha maxsus Nizom tuzilgan boʻlib, uni qoʻllashda yuzaga keladigan nizolar qonunchilik hujjatlarida belgilangan tartibda hal etiladi. Mazkur Nizom talablarining buzilishida aybdor boʻlgan shaxslar qonunchilik hujjatlariga muvofiq javob beradi.

“Yetakchi Camp 2026” oʻtkazish tartibi:

• 100 nafar yoshlar yetakchilari 4 turdagi geometrik shakldagi kartalar asosida “Ibrat farzandlari”, “Mutolaachilar”, “Ustozlar” va “Shaxmatchilar” nomli guruhlarga boʻlinadi. Har bir guruhga mos ravishda 4 xil rangdagi forma topshiriladi;
• “Yetakchi Camp”dagi oʻquv-seminar mavzulari hamda spikerlari dastur orqali tasdiqlanadi;
• “Yetakchi Camp”ning umumiy davomiyligi 5 kunni tashkil etadi;
• Yakuniy baholashda ishtirokchi kamida 70 foizlik natijani koʻrsatgan taqdirda, unga malaka oshirish sertifikati beriladi.