Yoshlarning buguni va kelajagini qoʻllab-quvvatlashga qaratilgan VoiceUp – 2026 dasturi

VoiceUp — Ijtimoiy faol va tashabbuskor yoshlarning ovozini eshitish, ularni amaliy oʻzgarishlar markaziga olib chiqish uchun yaratilgan inklyuziv maydon hisoblanadi. VoiceUp 2026 bolalarning buguni va kelajagini qoʻllab-quvvatlashga qaratilgan tashabbus va yechimlarni ishlab chiqishga yoʻnaltiradi. Dastur doirasida qatnashchilarga bir qator imkoniyatlar yaratiladi. Loyihaning asosiy yoʻnalishlari quyidagilardan iborat:

• bolalar kambagʻalligiga qarshi kurash va “ijtimoiy lift” mexanizmlari;

• alohida ehtiyojli bolalarni qoʻllab-quvvatlash va ijtimoiy faollikni oshirish;

• oʻsmirlar: xavflarni imkoniyatlarga aylantirish;

• xavfsiz va baxtli bolalik, bolalarga nisbatan zoʻravonlikka barham berish;

• avlodlar oʻrtasidagi munosabatlarni mustahkamlash (ota-ona va farzandlar).

Dastur haqida ushbu havola orqali toʻliq maʼlumot olish mumkin.

• Loyihada ijtimoiy faol va tashabbuskor 16 yoshdan 25 yoshgacha boʻlgan yoshlar ishtirok etishi mumkin.

Dasturning quyidagi foydali tomonlari mavjud:

• Seminar-treninglar va ideatonlar orqali bilim va koʻnikmalarni rivojlantirish;
• Tajribali mentorlar, milliy va xalqaro ekspertlar bilan uchrashuvlar hamda ochiq muloqotlar;
• Real ijtimoiy va kreativ loyihalarni ishlab chiqish va amaliyotga yoʻnaltirish;
• Ijtimoiy himoya milliy agentligi bilan hamkorlik qilish va stajirovka oʻtash imkoniyati.

Dasturda ishtirok etish jarayoni quyidagicha:

1. Onlayn platforma orqali roʻyxatdan oʻting;
2. Saralash va suhbat bosqichlarida ishtirok eting;
3. Hududiy inklyuziv yoshlar oromgohida qatnashing;
4. Eng yaxshi gʻoya egalari xalqaro oromgohida ishtirok etadi.

Dasturga ushbu havola orqali ariza topshirish mumkin.

Dastur haqida ushbu havola orqali batafsil maʼlumot olish mumkin.