16-45 yosh oralig’idagilar uchun Indoneziyada xarajatlari toʻliq va qisman qoplanadigan forum - Young Economic Forum
-
25/10/2024 Qabul boshlanishi
-
Toʻliq Moliyalash turi
-
Indoneziya Davlat
-
15.11.2024 Oxirgi muddat
Umumiy maʻlumotlar
Indoneziyaning Xalqaro siyosiy iqtisodiyot markazi (The Centre for International Political Economy) va Indonezia Kristian universiteti (Christian University of Indonesia) hamkorlikda Young Economic Forumni eʼlon qiladi. Dastur 2024-yilning 18-20-dekabr kunlari, Indoneziyaning Jakarta shahrida boʻlib oʻtadi. Dastur butun dunyodan boʻlgan olimlar, talabalar, yosh yetakchilar, iqtisodchilar va siyosatchilarni bir joyga jamlaydi. Forum quyidagi 6 xil mavzu doirasida boʻlib oʻtadi:
- Global iqtisodiy trendlar va kelajakdagi muammolar;
- Raqamli iqtisodiyot va innovatsiya;
- Janub-janub hamkorligi: Imkoniyatlar va toʻsiqlar;
- Barqaror rivojlanish va yashil iqtisodiyot;
- Inklyuziv iqtisodiyot siyosati va ijtimoiy tenglik;
- Iqtisodiy diplomatiya va global savdo.
Dasturda ikki kategoriya boʻyicha qatnashish mumkin boʻlib, birinchi kategoriya qatnashchilari uchun 5 oʻrinli grant ajratilgan va ularning barcha xarajatlari qoplab beriladi. Ikkinchi kategoriya qatnashchilari dasturda qatnashish uchun $550 miqdorida badal puli toʻlashlari kerak boʻladi. Shuningdek, 15 nafar nomzodga 50 foizlik qisman grantlar ham taqdim etiladi. Yuqoridagi kategoriyalarning hech birida qatnasha olmagan nomzodlar uchun qoʻshimcha $300 virtual kurslar ham mavjud.
Dasturga roʻyxatdan oʻtish jarayoni 2024-yil 15-noyabrgacha davom etadi.
Dastur haqida ushbu havola orqali toʻliq maʼlumot olish mumkin.
Maqbullik shartlari
- Dasturda butun dunyodan boʻlgan xodimlar, talabalar, iqtisodiyot sohasi yetakchilari, xalq siyosati va shunga yaqin sohadagi 16 yoshdan 45 yoshgacha boʻlgan iqtisodiy rivojlanish va uni siyosiy shaklantirish sohasiga qiziquvchi nomzodlar ariza topshirishlari mumkin.
Dasturga xarajatlari toʻliq qoplanadigan ishtirokchilarni saralash jarayonida quyidagi jihatlar inobatga olinadi:
- Ariza sifati: aniqlik, mazmuniylik, topshirilgan arizaning umumiy taqdimoti;
- Taʼlim va ish tajribasi: dastur yoʻnalishiga mos sohada tahsil olganlik va ushbu yoʻnalishdagi ish tajribasi hamda koʻnikmalari;
- Yoshlar bilan ishlash va yutuqlar: Yoshlar rivojlanishi yoʻlidagi ishtirok va bu borada faollik;
- Ijodiy loyiha va muloqot koʻnikmalari: loyiha ishlarida faollik hamda konsept va tushunchalarni yetkazib berishdagi samaradorlik;
- Intervyu va ijtimoiy harakat rejalari: intervyuda oʻzini namoyon qila olish, taklif qilingan ijtimoiy harakat rejasining samaradorligi.
Dastur talablari haqida ushbu havola orqali toʻliq maʼlumot olish mumkin.
Foydali tomonlari
Dasturda ikki kategoriya mavjud boʻlib, ularning foydali jihatlari quyidagicha:
Xarajatlari qoplanadigan kategoriya uchun $15 badal puli mavjud va u quyidagilarni oʻz ichiga oladi:
- Forumga taklif xati;
- Oziq-ovqat;
- Yoʻl chiptasi va transport xarajatlari;
- 3 kunlik turar-joy;
- Forum uchun kerakli buyumlar;
- Loyiha hamkori;
- Iqtisodchilar tomonidan tashriflar va mentorlik dasturlari;
- Dasturda qatnashganlik uchun sertifikat;
- Xalqaro siyosiy iqtisodiyot markazi (The Centre for International Political Economy)da amaliyot oʻtash imkoni;
- 10 haftalik virtual kurs granti;
- Bitiruv nishoni;
Xarajatlari qoplanmaydigan kategoriya uchun $550 badal puli mavjud va u quyidagilarni oʻz ichiga oladi:
- Forumga taklif xati;
- Oziq-ovqat;
- 3 kunlik turar-joy;
- Forum uchun kerakli buyumlar;
- Loyiha hamkori;
- Iqtisodchilar tomonidan tashriflar va mentorlik dasturlari;
- Dasturda qatnashganlik uchun sertifikat;
- Xalqaro siyosiy iqtisodiyot markazi (The Centre for International Political Economy)da amaliyot oʻtash imkoni;
- 10 haftalik virtual kurs granti;
- Bitiruv nishoni;
- Dubay, Singapur&AQShda boʻladigan keyingi forum uchun qisman grant.
Yuqoridagi kategoriyalarda taqdim etilgan imkoniyatlardan tashqari dastur doirasida:
- 15 nafar nomzodga 50 foizlik qisman grantlar ham taqdim etiladi;
- Yuqoridagi kategoriyalarning hech birida qatnasha olmagan nomzodlar uchun qoʻshimcha $300 virtual kurslar ham mavjud. Ushbu dastur xalq diplomatiyasi, global oʻziga xoslik, iqtisodiy aloqalar mavzularini qamrab oladi.
- Bir nafar eng yaxshi nomzod “Ideal Candidate” sifatida eʼlon qilinadi va universitet dekani tomonidan mukofot topshiriladi.
Dastur foydali jihatlari haqida ushbu havola orqali batafsil maʼlumot olish mumkin.
Qoʻshimcha maʻlumotlar
Maʼlumot uchun:
E-mail: Info@thecipe.org;
Ijtimoiy tarmoqlar: