Xitoy Xalq Respublikasi Milliy komissiyasi hamkorligida YUNESKOning “Yoshlar uchun ipak yoʻli ilmiy-tadqiqot granti” tanlovi
  • 01/01/1970 Qabul boshlanishi
  • Qisman Moliyalash turi
  • Xitoy Davlat
  • 18/04/2021 22:35 Oxirgi muddat

Umumiy maʻlumotlar

YUNESKO ishlari boʻyicha Xitoy Xalq Respublikasi Milliy komissiyasi hamkorligida YUNESKOning “Yoshlar uchun ipak yoʻli ilmiy-tadqiqot granti” tanlovi hisoblanadi. Grant maqsadi yosh tadqiqotchilarni Ipak yoʻllari umumiy merosini yana-da chuqurroq oʻrganish uchun safarbar etish va ragʻbatlantirishdan iborat.

Tadqiqotlar quyidagi masalalarga bagʻishlangan boʻlishi lozim:

  • Ipak yoʻlidagi umumiy meros va turli oʻziga xosliklari;
  • Umumiy merosning ichki xilma-xilligi;
  • Umumiy merosning zamonaviy jamiyatlardagi ijodkorlik, madaniyatlararo muloqot, ijtimoiy hamjihatlik, mintaqaviy va xalqaro hamkorlikdagi salohiyati;
  • Barqaror tinchlik va rivojlanish

Maqbullik shartlari

Taklif etilayotgan tadqiqot individual tarzda tadqiqotchi tomonidan olib borilishi, guruh yoki hamkorlikdagi loyiha tadqiqotining bir qismi boʻlishi mumkin.

Foydali tomonlari

Tadqiqot sohalarining keng doirasi, shu jumladan, maʼlum bir mintaqa yoki xronologiya bilan cheklanmagan koʻp tarmoqli va koʻp oʻlchovli takliflar qabul qilinadi. Taklif qilinayotgan tadqiqotlar Ipak yoʻllari umumiy merosi bilan bogʻliq boʻlgan bir yoki bir nechta mavzularni qamrab olishi mumkin.

Taklif etilayotgan tadqiqotlarning kuchli tomonlari va uning Ipak yoʻllari boʻylab sodir boʻlgan oʻzaro taʼsirlar va almashinuvlar, ular natijasida yuzaga keladigan aniq elementlarni yana-da chuqurroq tushunishga qoʻshgan hissasi asosida 10 ming AQSh dollarlik 12 ta grant ajratadi.

Hujjat topshirish

Hujjat topshiruvchilar oʻz tadqiqotlari, uning usullari, kutayotgan natijalari va mavjud stipendiyalarga qoʻshgan hissalari haqida batafsil maʼlumot berilgan namunani toʻldirib, oʻzlarining ilmiy ishlarini taqdim etishlari lozim.

https://en.unesco.org/silkroad/sites/default/files/2021-01/research-proposal-template-silk-roads-youth-research-grant_0.docx

Qoʻshimcha maʻlumotlar

Ipak yoʻllarini oʻrganish bilan bogʻliq turli sohalarda ishlaydigan 9 ta taniqli xalqaro ekspertlar va dunyoning turli mamlakatlaridan kelgan akademiklar guruhidan tashkil topgan ilmiy guruh bahosi asosida takliflar koʻrib chiqiladi va grantlar beriladi. Grant sovrindorlari roʻyxati 2021-yil iyun oxirida eʼlon qilinadi.

Taklif qilinayotgan tadqiqotlar madaniy oʻzaro taʼsir va almashinuv natijalariga qaratilishi kerak hamda maʼlum bir sohada Ipak yoʻllari boʻylab va undan tashqarida ikki yoki undan ortiq madaniyatlarda aniqlanishi mumkin boʻlgan aniq yoki nomoddiy elementlarni namoyish qilish lozim. Tadqiqotlar fanlararo boʻlishi mumkin, iloji boʻlsa, Ipak yoʻllari boʻylab almashinish va oʻzgarish jarayonlari, uning zamonaviy jamiyatlardagi ahamiyati toʻgʻrisida dinamik hamda yangi gʻoyalarni taqdim etadi.

Eslatma:

YUNESKO zarurat tugʻilganda grant qonun-qoidalarini oldindan ogohlantirmasdan oʻzgartirish huquqini oʻzida saqlab qoladi.

Xitoy
Xitoy Xalq Respublikasi Milliy komissiyasi hamkorligida YUNESKOning “Yoshlar uchun ipak yoʻli ilmiy-tadqiqot granti” tanlovi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar