YUNESKO tomonidan 14 yoshdan 25 yoshgacha bo'lganlar uchun Youth Eyes on the Silk Roads xalqaro fotolar tanlovi
-
01/05/2024 Qabul boshlanishi
-
Mukofot Moliyalash turi
-
Fransiya Davlat
-
14.07.2024 Oxirgi muddat
Umumiy maʻlumotlar
YUNESKO Fransiyaning Parij shahridagi bosh qarorgohi “Ipak yoʻllarini kashf etish” deb nomlangan Youth Eyes on the Silk Roads foto tanlovni eʼlon qiladi.
Tanlovda 14 yoshdan 25 yoshgacha boʻlgan barcha davlat vakillari ishtirok etishlari mumkin. Dastur uchun qabul 2024-yilning 1-mayidan 14-iyuligacha davom etadi. Natijalar esa joriy yilning sentyabr oyida eʼlon qilinadi.
Tanlovda ikki yosh kategoriyasi mavjud:
- 14 dan 17 yoshgacha boʻlgan ishtirokchilar;
- 18 dan 25 yoshgacha boʻlgan ishtirokchilar.
Dasturga 20 tagacha foto joʻnatish imkoniyati mavjud. Tanlovda “Hayot bayramlari orqali Ipak yoʻllarini ochib bering” ("Reveal the Silk Roads" through ‘Life Celebrations’ mavzusiga mos rasmlar qabul qilinadi. Dastur so'nggida 6 kishi saralab olinadi va sovgʻalar bilan taqdirlanadi.
Dastur haqida ushbu havola orqali batafsil maʼlumot olish mumkin.
Maqbullik shartlari
Tanlovda qatnashish uchun quyidagi talablar mavjud:
- Tanlovda 14-25 yoshlar oraligʻidagi barcha ishtirok etishi mumkin;
- Barcha davlat fuqarolari qatnasha oladilar (YUNESKO tashkiloti, Xitoy xalqaro tinchlik jamgʻarmasi (China World Peace Foundation) ishchilari va ularning oila aʼzolari bundan mustasno);
- 14 dan 17 yoshgacha boʻlgan ishtirokchilar rasmiy vasiylarining ruxsatnomasini taqdim etishlari shart;
- Tanlovga joʻnatigan rasmlar soni 20 tadan koʻp boʻlmasligi lozim;
- Rasmlar JPEG va JPG formatlarida boʻlishi kerak;
- Gorizontal rasmlar kamida 1500 piksel kenglikda va vertikal rasmlar esa kamida 1500 piksel uzunlikda boʻlishi kerak;
- Ishtirokchilarda internet aloqasi boʻlishi lozim;
- Tanlovga joʻnatilgan rasmlar “Eʼtiqod va maʼnaviyat” (Faith and Spiritualities) va “Birga yashash” (Living Together) orqali “Ipak yoʻllarini kashf etish” mavzusiga mos boʻlishi lozim.
Eslatma! Birinchi kategoriyaga kiruvchi ishtirokchilar oʻzlarining rasmiy vasiylaridan tanlovda qatnashish uchun ruxsatnoma taqdim etishlari kerak. Ruxsatnoma namunasi bilan ushbu havola orqali tanishish mumkin.
Dastur talablari haqida ushbu havola orqali batafsil maʼlumot olish mumkin.
Tanlov rasmlarining mavzusi va unga qoʻyilgan talablar bilan ushbu havola orqali tanishish mumkin.
Foydali tomonlari
Tanlovda ikki yosh kategoriyasi mavjud va har bir kategoriya uchun 3 tadan jami 6 ta mukofot ajratiladi:
- Birinchi oʻringa 18-55 mm linzali professional rekleks digital kamerasi (A professional digital single-lens reflex camera equipped with 18-55mm lens);
- Ikkinchi oʻringa yarim professional digital kamera (Semi-professional digital camera);
- Uchinchi oʻringa Digital kamera;
Tanlovning foydali tomonlari haqida ushbu havola orqali batafsil maʼlumot olish mumkin.
Qoʻshimcha maʻlumotlar
Tanlov natijalari 2024-yil sentyabr oyi oʻrtalarida rasmiy sayt sayti orqali eʼlon qilinadi.
Tanlov boʻyicha xabarlar tanlov tashkilotchisining rasmiy sahifasida, hamkor saytlar va ijtimoiy tarmoqlar (Facebook, Twitter, Instagram, Pinterest)da berib boriladi.
Tanlov tashkilotchisi YUNESKO tashkilotining tanlov boʻyicha rasmiy sahifasiga ushbu havola orqali kirish mumkin.