Yuqori sinf o‘quvchilari va talabalar uchun ekstremizmga qarshi barcha xarajatlari qoplanadigan Youth Against Extremism (YAE) dasturi
-
25/04/2025 Qabul boshlanishi
-
Toʻliq Moliyalash turi
-
Oʻzbekiston Davlat
-
21/05/2025 22:59 Oxirgi muddat
Umumiy maʻlumotlar
American University of Central Asia tomonidan boshqariladigan C5+1 Youth Council tashabbusi bilan O‘zbekistonda ekstremizmga qarshi kurashish, yorqin kelajakni birga qurish maqsadida yuqori sinf o‘quvchilari va talabalar uchun The Youth Against Extremism loyihasi tashkillashtiriladi. Dastur 2025-yilning 4-5-6-iyun kunlari Toshkent shahrida bo‘lib o‘tadi. Dastur tili ingliz tili hisoblanadi. Unda O‘zbekistonda istiqomat qiladigan va ingliz tilida o‘qitiladigan maktab yuqori sinf o‘quvchilari yoki universitet talabalari qatnashishlari mumkin.
Dasturga jami 30 ta nomzod saralab olinadi. Shundan 24 tasi Toshkent shahridan, qolgan 6 tasi esa viloyatlardan tanlanadi. Viloyatdan keladigan nomzodlarning turar-joy va yo‘l xarajatlari dastur tomonidan qoplanadi.
Dasturga arizalarni qabul qilish jarayoni 2025-yil 21-may O‘zbekiston vaqti bilan 22:59 gacha davom etadi.
Dastur haqida ushbu havola orqali qo'shimcha ma'lumot olish mumkin.
Maqbullik shartlari
- Ingliz tilida o‘qitiladigan maktab yuqori sinf o‘quvchilari yoki universitet talabalari dasturda qatnashishlari mumkin;
- Nomzod ayni damda O‘zbekistonda yashayotgan bo‘lishi lozim;
- Ekstremizmga qarshi kurashish va bag‘rikenglikni rivojlantirish qobiliyatini ko‘rsata oladigan nomzodlarga saralash jarayonida ustunlik beriladi;
- Talabalar tashkilotlari, fuqarolik jamiyati tashkilotlari yoki jamoaviy loyihalarda ishtirok etayotgan yosh nomzodlarga ham saralash jarayonida ustunlik beriladi.
Foydali tomonlari
- Toshkentdan tashqari hududlardan keladigan nomzodlarning yo‘l va turar-joy xarajatlari qoplanadi;
- Ekstremizmga qarshi mutaxassislar tomonidan o‘tkaziladigan tanqidiy fikrlash, tinchlikni saqlash, bezorilikni va nafratli nutqlarni to‘xtatish bo‘yicha uch kunlik seminarlarda bepul qatnashish imkoniyati yaratiladi;
- Dastur o‘quvchi va talabalarga rezyumelarini boyitish va tajriba oshirish uchun yaxshi imkoniyat hisoblanadi.
Qoʻshimcha maʻlumotlar
Dastur haqida ushbu havola orqali qo'shimcha ma'lumot olish mumkin.