Yuqori sinf o‘quvchilari va talabalar uchun Toshkent shahrida barcha xarajatlari qoplanadigan munozara musobaqasi - Central Asian Youth Vision Debate Tournament
-
29/04/2025 Qabul boshlanishi
-
Toʻliq Moliyalash turi
-
Oʻzbekiston Davlat
-
24/05/2025 23:59 Oxirgi muddat
Umumiy maʻlumotlar
C5+1 Youth Council tashabbusi bilan tashkillashtirilayotgan Central Asian Youth Debate Tournament tanlovi maktabning yuqori sinf o‘quvchilari va universitet talabalari uchun mo‘ljallangan. 2025-yilning 8-9-iyun kunlari bo‘lib o‘tadigan ikki kunlik tanlov doirasida hududiy xavfsizlik masalalari, nutq erkinligi hamda madaniyatlararo hamkorlini saqlab qolgan holda SI faoliyati haqida bahs va munozaralar bo‘lib o‘tadi. Shuningdek, dastur doirasida parlament usulidagi bahslarda tanqidiy fikrlash hamda jamoaviy nutq so‘zlash malakalarini shakllantirish bo‘yicha seminarlar olib boriladi. Dastur ingliz tilida olib boriladi, tanlovning birinchi kuni Workshops (seminarlar), ikkinchi kuni esa Debate Tournament (bahslar turniri) uchun ajratilgan.
Dasturga ro‘yxatdan o‘tish jarayoni 2025-yil 24-may, O‘zbekiston vaqti bilan soat 23:59 gacha davom etadi.
Dastur haqida ushbu havola orqali to‘liq ma’lumot olish mumkin.
Maqbullik shartlari
- Tanlovda yuqori sinf (10-11-sinf) o‘quvchilari hamda universitet talabalari ishtirok etishlari mumkin;
- O‘zbekiston, Markaziy Osiyo davlatlari yoki Afg‘oniston fuqarolari tanlovda qatnashishlari mumkin;
- Tanlovda juft, ya’ni ikki kishilik jamoada ishtirok etish lozim.
Foydali tomonlari
Quyidagi ishtirokchilarning turar-joy va yo‘l xarajatlari dastur ma’muriyati tomonidan qoplanadi:
- Qozog‘iston, Qirg‘iziston va Tojikistondan kelgan ishtirokchilar;
- Toshkentdan tashqarida yashaydigan O‘zbekiston fuqarolari;
- O‘zbekistonda yashaydigan Afg‘oniston va Turkmaniston fuqarolari.
Qoʻshimcha maʻlumotlar
Dastur haqida ushbu havola orqali batafsil ma’lumot olish mumkin.