Yuqori sinf oʻquvchilari va talabalar uchun xarajatlari qoplanadigan 2 kunlik Central Asian Youth Cup 2022 dasturi

01/12/2022 Qabul boshlanishi
Toʻliq Moliyalash turi
Qirgʻiziston Davlat
10/12/2022 22:59 Oxirgi muddat

Muhim tafsilotlar

Kimlar uchun

Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr)
Dastur tili

Ingliz tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

Central Asian Youth Cup 2022 bu ikki kun davomida (17-18-dekabr) Qirgʻizistonning Bishkek shahrida boʻlib oʻtadigan munozara turniri hisoblanadi. Dastur Markaziy Osiyo va Afgʻonistonda ommaviy axborot vositalaridan foydalanish salohiyati (Media literacy in Central Asia and Afghanistan) mavzusida boʻlib oʻtadi. Munozara davomida soha boʻyicha mutaxassis va ishtirokchilar bilan seminarlar va munozaralar olib boriladi. Ishtirokchilar oʻz tajribalari va dunyoqarashlarini oshirish, Markaziy Osiyo yoshlari bilan fikr almashish, tahlil qilish, tanqidiy fikrlash va jamoa oldida nutq soʻzlash imkoniyatini qoʻlga kiritishadi.

Dasturda ingliz tiliga chuqurlashtirilgan yuqori sinf oʻquvchilari hamda talabalar qatnashishlari lozim. Munozara ingliz tilida olib boriladi. Saralab olingan maʼlum bir ishtirokchilarning turar-joy va yoʻl xarajatlari qoplab beriladi. Dasturga ariza qabul qilish jarayoni 2022-yil 10-dekabrgacha davom etadi.

Dastur haqida ushbu havola orqali batafsil maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

Dasturda ingliz tilida oʻqitiladigan yuqori sinf va universitet talabalari ishtirok etishlari mumkin. Chunki munozara ingliz tilida olib boriladi;
Ishtirokchilar munozara va bahslarda qatnashishga qiziqishlari lozim;
Dasturda tanqidiy fikrlash va jamoa oldida gapirish qobiliyatlarini rivojlantirishni xohlovchi ishtirokchilar qatnashishlari mumkin;
Nomzodlar Markaziy Osiyo mintaqasidan boʻlishlari lozim (Oʻzbekiston fuqarolari ham qatnashishlari mumkin).

Dastur talablari haqida ushbu havola orqali batafsil maʼlumot olish mumkin.

Foydali tomonlari

Dasturning quyidagi foydali jihatlari mavjud:

Dastur qatnashchilari 2 kunlik munozaralar davomida oʻz tajribalari va dunyoqarashlarini oshirish hamda Markaziy Osiyo yoshlari bilan fikr almashish imkoniyatini qoʻlga kiritishadi;
Munozara soʻnggida ishtirokchilarga sertifikat va diplomlar taqdim etiladi;
Qirgʻizistondan tashqari Markaziy Osiyo fuqarolari boʻlgan maʼlum bir ishtirokchilarga yoʻl xarajatlari toʻlab beriladi hamda turar-joy bilan taʼminlanadi.

Dasturning foydali tomonlari haqida ushbu havola orqali toʻliq maʼlumot olish mumkin.

Hujjat topshirish

Dasturga ariza topshirish jarayoni quyidagicha:

Ariza topshirish jarayoni Oʻzbekiston va Qozogʻiston fuqarolari uchun 2022-yil 10-dekabr 22:59 gacha (Qirgʻiziston vaqti bilan 23:59) davom etadi;
Barcha topshirilgan arizalar qabul qilinmaydi. Dastur ishtirokchilari saralab olinadi. Saralash topshirilgan ariza shaklining sifati, munozaralarda qatnashish boʻyicha tajribasi va ishtirokchilarning xilma-xilligi (davlat va jinsi)ga qarab olib boriladi. Shuning uchun ham ariza topshirish jarayonida uni eʼtibor bilan toʻldirish lozim;
Dasturga qabul qilingan nomzodlarga e-mail orqali xabar beriladi.

Dasturga ushbu havola orqali roʻyxatdan oʻtish mumkin.

Rasmiy havola Hujjat topshirish