Yuqori sinf oʻquvchilari va universitet talabalari uchun xarajatlari toʻliq va qisman qoplanadigan yozgi oromgoh — Hogwarts Summer School 2025

Yuqori sinf oʻquvchilari va universitet talabalari uchun xarajatlari toʻliq va qisman qoplanadigan yozgi tadqiqot dasturi — Hogwarts Summer School 2025 taqdim etiladi. Har bir loyiha uchun 6 tadan ishtirokchi saralab olinadi (1 nafari toʻliq moliyalashtiriladi, 1 nafari qisman moliyalashtiriladi, 4 nafari oʻqish toʻlovini toʻliq toʻlaydi yaʼni oʻzini oʻzi moliyalashtiradi).

Dastur quyidagi maqsadlarni amalga oshirishga qaratilgan:

1. Ishtirokchilarning tadqiqot koʻnikmalarini rivojlantirish: Tadqiqot guruhi bilan interfaol seminarlar va davra suhbatlari orqali fan, texnologiya, muhandislik, matematika va siyosatshunoslik boʻyicha qimmatli bilim va amaliy tajribaga ega boʻlish imkoniyatini berish.
2. Jonli hamjamiyatning bir qismi boʻlish va tarmoq aloqalarini oʻrnatish: Dasturning ajoyib muhitiga shoʻngʻish bilan birga, NewUU va undan tashqaridagi talabalar, murabbiylar va professorlar bilan doimiy doʻstlik aloqalarini oʻrnatish.
3. Yosh yetakchilarni tarbiyalash: Oʻzbekistonning kelajakdagi muammolarini hal qilish va kelajakdagi loyihalar ustida ishlash uchun yosh olimlar, yetakchilar va jamiyat faollaridan iborat hamjamiyatni shakllantirish.

Dastur quyidagi tartibda olib boriladi:

• Talabalar dastur oldidan oʻz loyihalari ustida masofadan turib (onlayn) ishlaydilar (iyun va iyul oylari).
• 1 haftalik tadqiqot dasturiga shaxsan tashrif buyurishadi (avgust oyining 2-haftasidan boshlab).

Dasturning oflayn qismi Toshkent viloyati Boʻstonliq tumanida joylashgan Renessans oromgohida oʻtkaziladi.

Dastur haqida batafsil ushbu havola orqali maʼlumot olish mumkin.

• Dasturda yuqori sinf oʻquvchilari (9-11-sinflar), maktabni tugatgan va kollej/universitetga kirishdan oldin oʻqishdan tanaffus olgan talabalar (Gap Year students) hamda universitet talabalari qatnashishi mumkin;
• IT, ekologiya, taʼlim, huquq/siyosat va sanoat sohalarida loyiha ustida ishlashga tayyor boʻlish lozim;
• Loyiha turiga qarab oʻzbek, rus va ingliz tilini bilish talab qilinadi;
• Jamoaviy ishlash qobiliyatiga ega boʻlish lozim;
• Talabgor shaxsiy rivojlanishni va yanada oʻsishni istayotgan boʻlishi kerak.

Eslatma: Yuqoridagilar nomzodlarga qoʻyilgan umumiy talablardir. Ishtirokchilar tanlagan loyihasining ichki talablariga ham javob berishi kerak.

• Ishtirokchilarga 100% va 50% lik grant taqdim etadi;
• Toʻliq oʻqish quyidagilarga oʻz ichiga oladi (1.600.000 soʻm evaziga):
  • Renessans oromgohida turar joy bilan taʼminlanadi;
  • Kuniga 4 mahal ovqat beriladi;
  • Yetakchi mutaxassis tomonidan mentorlik darslari oʻtiladi;
  • Dastur davomida sovgʻalar olish va oʻz loyihasiga investitsiya jalb qilish mumkin.

Dasturning kun tartibi bilan ushbu havola orqali tanishib chiqish mumkin.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirishda quyidagilar soʻraladi:

• Shaxsiy maʼlumotlar;
• Nomzodning aloqa maʼlumotlari;
• Ota yoki onasining aloqa maʼlumoti;
• Yashash manzili;
• Oʻqish joyi haqida maʼlumotlar;
• Rezyume (PDF shaklda, maksimal 10MB).
• Tanlagan yoʻnalishi boʻyicha savollar.

Tanlov 3 bosqichda amalga oshiriladi:

• Birinchi bosqich: qisqa insho va rezyumeni topshirish;
• Ikkinchi bosqich: tadqiqot qobiliyatlarini tekshirish uchun amaliy tadqiqot;
• Uchinchi bosqich: Suhbat (talabaning xatti-harakati va tajribasini tahlil qiluvchi ijodiy savollar).

• Dasturga hujjat topshirish uchun oxirgi muddat: 10-may, 2025-yil;
• Dastur haqida qoʻshimcha maʼlumot bu yerda;
• 2025-yilgi loyihalar haqida bu yerda.

Quyidagi ijtimoiy tarmoqlar orqali qoʻshimcha maʼlumot olish mumkin:

• Telegram;
• Instagram;
• Linkedin;
• YouTube.