Bishkekdagi OSCE Akademiyasidan iqtisodiyot va siyosat yo‘nalishlarida magistraturani o'qish uchun grant dasturi

Yevropada Xavfsizlik va Hamkorlik Tashkilotining(YXHT) Bishkekdagi akademiyasi 2002-yilda Qirg‘iziston hukumati va YXHT tomonidan tashkil etilgan jamoat fondi bo‘lib,  YXHT Akademiyasi oliy o‘quv yurtidan keyingi ta’lim, kasbiy tayyorgarlik, ilmiy tadqiqotlar va intellektual almashinuv orqali YXHT tamoyillari va qadriyatlarini ilgari surib kelayotgan tashkilot sanaladi. Uning “Iqtisodiy boshqaruv va taraqqiyot” va “Siyosat va xavfsizlik (Markaziy Osiyo)”, Inson huquqlari va barqarorlikyo‘nalishlaridagi magistratura dasturlari har yili yuqori raqobat asosida jami 60 nafargacha talabani qabul qiladi.

Dastur siyosiy fanlar, xavfsizlikni o‘rganish, xalqaro munosabatlar, nizolarning oldini olish, xalqaro rivojlanish tadqiqotlari, iqtisod va yaxshi boshqaruv masalalari bo‘yicha o‘z ta’limini kengaytirish istagida bo‘lgan yosh mutaxassislar uchun mo‘ljallangan. 

Dasturga qabul qilinganlarning kontrakt puli, yo‘l xarajatlari qoplanadi hamda oylik stipendiya bilan ta’minlanadilar.

Dastur tili: ingliz tili.

Dastur uchun nomzodlar quyidagi talablarga javob berishi kerak:

• Tegishli ilmiy sohada oliy taʼlimni (toʻrt yillik bakalavr, magistratura, mutaxassis diplomi) muvaffaqiyatli yakunlagan  bo‘lishi;
• Yuqori darajadagi ingliz tilini bilishi;
• Akademiya dasturining yettita davlatidan birining (bular ichida O‘zbekiston bor) yoki YXHTga a’zo boshqa har qanday davlat fuqarosi bo‘lishi.

Agar nomzodning tamomlagan OTM yo'nalishi dastur yo'nalishiga yaqin bo'lsa, ariza berishi mumkin.

Dastur talablari bilan ushbu havola orqali batafsil tanishib chiqish mumkin.

Dasturga qabul qilinganlar quyidagi imtiyozlarga ega boʻlishadi:

• Kontrakt pulidan ozod qilinadi; 
• Oyiga €460 stipendiya (18 oy);
• Borib-kelish xarajatlari qoplanadi;
• Tibbiy sug‘urta;
• Baholarining  o‘rtacha bali (GPA) yuqori bo‘lgan talabalarning  Yevropada bepul amaliyot o‘tash imkoniyati (YXHT Venadagi Kotibiyati, Oslodagi Norvegiya xalqaro aloqalar instituti, Jeneva xavfsizlik siyosati markazi, Xelsinki universitetining Aleksanteri instituti va boshqalar) bo'ladi.

Dastur imkoniyatlari bilan quyidagi havola orqali batafsil tanishib chiqish mumkin.

Quyidagi dasturlarga ariza berish mumkin:

1.  Iqtisodiy boshqaruv va taraqqiyot.
2. Siyosat va xavfsizlik.
3. Inson huquqlari va barqarorlik

Hujjat topshirishda quyidagilar so‘raladi:

• Onlayn ariza (3 yo'nalishdan biri tanlanadi);
• Diplom nusxasi (ingliz yoki rus tilida tasdiqlangan tarjima bilan);
• Baholar tarjimasi (ingliz yoki rus tilida tasdiqlangan tarjima bilan).
• IELTS-minimum 6.5 yoki TOEFL IBT-90. (IELTS yoki TOEFL sertifikatini topshirmagan nomzodlar OSCE Akademiyasining ingliz tili imtihonini topshirishlari kerak.)
• Shaxsiy insho (Personal statement, 600 ta so‘z) 
• Tavsiyanoma beruvchilar bilan bog‘lanish uchun ma’lumotlar va ularning tavsiyanomalari.

Ariza topshirishning umumiy jarayoni quyidagicha:

1. Nomzodlar arizasining sifati, sohasining aloqadorligi, shaxsiy inshosining saviyasi va yutuqlariga qarab saralanadilar.
2. Ikkinchi raundga faqat munosiblar o'tadi va xabar qilinadi. Ikkinchi raundda ikki yo'nalishdan biri bo'yicha tanlovga qarab yozma imtihon o'tkaziladi (savol namunalar bu yerda).
3. Intervyu.

Eslatma: Dasturlar 2024-yil 1-sentyabrda boshlanadi va 2026-yil 28-fevralda tugaydi. Barcha roʻyxatdan oʻtgan talabalar 2024-yil 7-30-avgust kunlari yozgi tayyorgarlik maktabida ishtirok etishlari majburiy

Ariza topshirish tartibi va muhim sanalar bilan bu yerda tanishish mumkin.

Qo‘shimcha ma’lumotlar:

• Email:  MA-PS@osce-academy.net, MA-EGD@osce-academy.net;
• Tel: +996 (312) 54-32-00, 54-12-00;
• Fax: +996 (312) 54-23-13.

Tez- tez so'raladigan savollarga javonblar bu yerda.