Zamonaviy dunyodagi muammolarni hal etish boʻyicha umumiy mukofot jamgʻarmasi $50,000gacha boʻlgan Fishbowl challenge tanlovi
-
20/06/2022 Qabul boshlanishi
-
Mukofot Moliyalash turi
-
AQSh Davlat
-
08/07/2022 23:59 Oxirgi muddat
Umumiy maʻlumotlar
Fishbowl Challenge butun dunyo boʻylab oliy taʼlim talabalarini quyidagi 5 ta muhim sohada zamonamizning dolzarb muammolarini hal qilish uchun birlashtiradi:
- Qishloq xoʻjaligi (Agriculture)
- Sogʻliqni saqlash (Healthcare)
- Iqtisodiyot (Economic empowerment)
- Qayta tiklanuvchi energiya va barqarorlik (Renewable energy & sustainability)
- Taʼlim texnologiyasi (Education technology)
Dasturga 100 nafar nomzod qabul qilinadi va ular oʻz qiziqishlariga qarab guruhlarga boʻlinadi. Oʻz guruhlarida ishtirokchilar biror loyiha ustida ish olib boradilar va uni namoyish etadilar.
Dastur 6 oy davom etadi.
Tanlovda gʻolib boʻlgan guruhlar 50,000 AQSh dollarigacha boʻlgan pul mukofoti bilan taqdirlanadi.
Oldingi yillardagi ishtirokchilarning fikrlari bilan ushbu havola orqali tanishish mumkin.
Dastur haqida batafsil ushbu havola orqali tanishish mumkin.
Maqbullik shartlari
Dasturda ishtirok etish uchun nomzodlardan quyidagilar talab etiladi:
- Tanlovda millati, irqi va dinidan qatʼi nazar dunyo boʻylab barcha mamlakat fuqarolari qatnasha oladi;
- Universitetda oʻqiyotgan bakalav va magistratura talabalari hamda 2022-yil 1-sentyabr holatiga koʻra universitetga qabul qilganlar ushbu dasturda qatnasha oladi;
- Nomzodlar ingliz tilini yaxshi bilishlari lozim;
- Dasturda guruh bo'lib qatnashish mumkin emas. Yakka tartibda saralangan ishtirokchilar keyinchalik guruhlarga biriktiriladi;
- Har bir qatnashchidan tavsiyanoma talab etiladi. Ariza beruvchilar tavsiya qiluvchining ismi va aloqa maʼlumotlari (contact information)ni taqdim etishlari kerak. Tavsiyanomalar oʻqish, ish yoki boshqa loyihalar boʻyicha boʻlishi lozim. Nomzodning oila aʼzolari yoki doʻstlari nomidan boʻlishi mumkin emas.
Dastur maqbullik shartlari haqida batafsil ushbu havola orqali tanishish mumkin.
Foydali tomonlari
Dasturga qabul qilingan nomzodlar quyidagi imtiyozlarga ega boʻladi:
- Gʻolib deb topilgan jamoalar $50,000 gacha boʻlgan pul mukofoti bilan taqdirlanadi;
- Bundan tashqari nomzodlar global miqyosda turli xil jamoaning bir qismi boʻlish va ijtimoiy oʻzgarishlarni yaratish uchun oʻzlarining noyob tajribasi va koʻnikmalari bilan oʻrtoqlashish imkoniyatini qoʻlga kiritadilar.
Dastur manfaatli jihatlari haqida batafsil ushbu havola orqali tanishish mumkin.
Qoʻshimcha maʻlumotlar
Eng koʻp berilgan savollar roʻyxati bilan ushbu havola orqali tanishish mumkin.
Qoʻshimcha savol va murojaatlarni info@fishbowlchallenge.com email manzilida yoki ushbu havola orqali berilgan shaklda qoldirish mumkin.