Kimyo Girls: Ziyo Forumdan bakalavr va magistratura bosqichi talaba qizlari uchun kimyo fanidan respublika olimpiadasi

Ziyo Forum D.I.Mendeleyev nomidagi Rossiya kimyo-texnika universitetining Toshkent filiali bilan hamkorlikda butun Oʻzbekiston Respublikasi boʻylab bakalavriat va magistratura bosqichida tahsil olayotgan talaba qizlar uchun kimyo fanidan Kimyo Girls respublika olimpiadasini taqdim etadi. Olimpiada gʻoliblari pul mukofoti va diplom bilan taqdirlanadi.

Dasturdan maqsad kimyo fanidan iqtidorli qizlarni jalb etish va qoʻllab-quvvatlashdir. Olimpiada kimyo fanida bilim, ijodkorlik va tadbirkorlikni namoyish etish uchun noyob platformani taklif etadi.

Tanlov quyidagi bosqichlardan iborat:

1-bosqich. Test sinovlari

Eng yuqori natijaga erishgan 20 nafar nomzod tanlab olinadi.

2-bosqich. Laboratoriya ishi

10 nafar eng yaxshi nomzod final bosqichiga yo‘l oladi.

3-bosqich. Loyihani himoyasi

Ishtirokchilar o'z loyihasini yakka tartibda himoya qiladilar.

Dastur haqida batafsil ushbu havola orqali maʼlumot olish mumkin.

• Olimpiadada Oʻzbekiston Respublikasining barcha bakalavr va magistratura bosqichi talabalari ishtirok etishlari mumkin;
• Nomzodlar kimyo boʻyicha oʻz loyihasiga ega boʻlishi lozim.

Gʻoliblar pul mukofoti va diplom bilan taqdirlanadi:

• 1-oʻrin uchun — 5 000 000 soʻm;
• 2-oʻrin uchun — 3 000 000 soʻm;
• 3-oʻrin uchun — 1 500 000 soʻm.

Dasturda qatnashishni istaganlar ushbu havola orqali ariza topshirishlari mumkin.

Olimpiadada qatnashish uchun quyidagi bosqichlarni bajarish kerak:

• Birinchi bosqichda anketa toʻldiriladi;
• Ikkinchi bosqichda roʻyxatdan oʻtish jarayonini yakunlash uchun ishtirokchilar kimyo boʻyicha loyiha tavsifini taqdim etishlari kerak.

Ariza topshirish uchun oxirgi muddat: 26-fevral 2025-yil;

Dastur haqida qoʻshimcha maʼlumotlarni quyidagi ijtimoiy tarmoqlar orqali olish mumkin:

• YouTube;
• Telegram;
• Instagram;
• Facebook.